Mr 1:2 - Chuj San Sebastian Bible

² A jun schecb' Dios Isaías sb'i, a tz'ib'jnac can 'a Ch'an̈ U'un̈, yic yaln can Dios 'ixtic: 'Oj in b'ab'l checc 'at jun in checb' 'ayach, sec a 'oj b'ab'l b'onc a b'e.

Chuj San Mateo Bible

² A jun schecab' Dios scuchan Isaías ix tz'ib'ancan tas xchi Dios d'a Yuninal. Ix yalan Dios icha tic: Ol in checb'at jun in checab', ol b'ab'laj b'at d'ayach. Icha tz'aj sb'o b'e, icha chi' ol yutoc sb'oan sb'eyb'al eb' anima, ayic manto ach c'ochi, xchi.

Mr 1:2 Referans Kwoze

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Lc 1:76

Ach xo tic ach wunnal, ach 'oj och schecb'oc Dios jun yel xo niwn yel'chi. Yujto 'oj a b'ab'l 'ec' 'a Cajlil, ax a b'on snab'en eb' 'anma', 'icha tz'aj sb'o junc b'e.

Mt 11:10

Atn yab'xil Juan chi yaljnac can Dios 'a Ch'an̈ U'un̈, yic yaln 'ixtic: 'Oj in b'ab'l checc 'at jun in checab', sec a 'oj b'ab'l b'onc a b'e yic mantzac ach c'ochi, xchi.

Lc 1:70

'Ixta yutjnac Dios yaln can 'a eb' schecb' pecti', atn eb' yicn̈ej yaji.

Mt 26:31

Ata xyal Jesús 'ixtc 'a eb': —A 'a jun 'ac'wl tic, c'uxn 'oj somchjoc 'el e nab'en wu'uj. Yujto 'ixtc yaj stz'ib'x can 'a Ch'an̈ U'un̈: ¡'Oj wac' milxc cham jun 'icha yilmal in calnelu yaji, ax eb' 'icha in calnelu cha, 'oj sactzic can 'at eb'! xchi.

Salmos 40:7

Yuj cha, 'ix waln 'ixtc 'ayach: Waj 'a tic ach in Diosal, 'icha wal yaj stz'ib'x can wab'xil 'a Ch'an̈ U'un̈.

Lc 18:31

Ax Jesús, 'ix yawtn cot eb' scuywum slajchwan̈il, 'ix yaln 'a eb' 'ixtic: —A ticnec, wan qui 'atc 'a Jerusalén. Ata 'oj 'el'choc jantcn̈ej tas tz'ib'b'il can yuj eb' schecb' Dios pecti', yic yaln can eb' wab'xil an 'Ochnc in 'Anmal tic.

Mt 26:24

An tic 'Ochnc in 'Anma'il, palta yowlal 'oj in 'at 'a chamel, 'icha yaj stz'ib'x can 'a Ch'an̈ U'un̈; palta caw 'oltac jun 'oj wa'n 'och 'a yol sc'ab' chaml cha. Octom ma'ix 'alj winac, to 'ixta', yel xo wach' yic winac, xchi 'a eb'.

Mt 2:5

—A 'a chon̈b' Belén, 'a yol yic Judea, ata 'oj 'aljoc. Yujto 'ay jun schecb' Dios tz'ib'jnac can 'ixtic: