Miqueas 7:4 - Chuj San Sebastian Bible

⁴ A mach wach' to wal 'a scal eb', lajn wal 'icha te q'ui'ix. A mach tojl to wal tas tzb'o'o, lajn wal 'icha te cacwq'ui'ix. Palta jun, caw la'n xoj sjaw sc'ual yic 'oj 'ajxoc 'och yailal 'a yib'n̈ eb' yuj Dios, 'icha x'aj yaln 'el eb' schecb' yu'uj. Cojxn̈ej somc'ojlal 'oj niwtjoc chan̈ 'a scal eb' 'anma cha.

Chuj San Mateo Bible

⁴ A eb' vach'tacto d'a scal eb', lajan eb' icha te' q'uiix. A eb' tojoltacto val tas sc'ulej, lajan eb' icha te' chac q'uiix. Palta, lac'anxo sjavi sc'ual yic ol ac'chajcot yaelal d'a yib'an̈ eb', icha ix aj yalanel eb' schecab' Dios. Axon̈ej somc'olal ol javoc d'a scal eb'.

Miqueas 7:4 Referans Kwoze

Is 22:5

Yujto a Jehová tztac' yuj smasnil, a 'ix alni, to 'oj jawc jun c'u yic 'ay niwquil xiwc'ojlal, somc'ojlal, yet' pax yailal 'a yib'n̈ lum pan̈n 'aj tzch'oxx 'ilxoc junc tas 'a 'icha waychil. 'Oj ma'xoc 'ejm lan̈chjoc smuroal chon̈ab', ax yab'x yel yaw eb' 'aj chon̈b' chi 'a lum jolmctac witz.

Ez 2:6

Ach 'anma', man̈ ach xiw yuj tas 'oj yal eb' 'ayach, wach'xam 'oj yoych sb'a eb' 'aych 'icha te q'ui'ix, mto 'icha to scal no sinan 'aych 'ec' tzela, man̈ ach xiw xon yuj tas 'oj yal eb' 'ayach, yujto caw pit xon eb'.

Is 10:3

¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

A Ch'an̈ Carta D'a Eb' Hebreo 6:8

Palta 'ay pax lum nab'a q'ui'ix, nab'a c'ultc tzpac' 'a 'a, may jac yopiso. Yuj cha, 'oj jawc yowl sc'ojl Dios 'a yib'an̈, c'uxn 'oj tz'a'oc.

Lc 21:25

'Ay wal jun tzo'n̈ senya 'oj sch'ox sb'a 'a c'u, 'a 'uj, yet' pax 'a jun tzo'n̈ c'anal. Ax 'a sat lum tic, caw 'oj somchj chan̈ eb' 'anma yuj xiwlal 'a junjn chon̈ab'. Yujto til wal 'oj c'an̈ sq'ue wan a mar, ax yemx pawnjoc a'.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Am 8:2

'Ix sc'anb'n 'ayn 'ixtic: —¿Tas tzel Amós? xchi. —Tzwil jun xuc sat 'awb'ente caw 'e'm xo, xin chi 'a 'a. Xlajw cha, xyaln Jehová 'ayn 'ixtic: —A chon̈b' Israel, caw x'e'max yet' smul, yuj cha, man̈x 'oj wac' niwnc'ojlal jun 'ejm xo.

Jeremías 10:15

A jun tzo'n̈ cha, may jac yopiso, smoj wal ton̈j tzb'uchx eb'. A yic 'oj jawc yailal 'a yib'n̈ eb' yuj Jehová, 'oj satl eb'.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Is 55:13

A lum lum 'aj 'ay te q'ui'ix, a te c'u'taj 'oj q'uib'x 'a sat lum sjelc te'. Ax lum lum 'aj 'ay eb' te pechac, a te arrayán 'oj q'uib' sjelc te', atn jun tic 'oj in b'o an Jehová in, yuj yi'nb'ilc chan̈ in b'i, to 'oj in nax cot yuj 'a smasnil tiempo, xchi Dios.

Jeremías 11:23

Man̈x 'a junc eb' 'aj Anatot chi 'oj canoc, yujto 'oj jawc sc'ul in b'eyc'ojlan eb' yuj tas tzb'o'o, caw 'oj jawc yailal 'a yib'n̈ eb', xchi Dios.

Jeremías 46:21

A wal jun tzo'n̈ eb' soldado majnab'il coti, caw wal b'a'ch eb' 'icha no wacx caw b'aq'uech, palta locn eb' 'oj 'at 'eloc. Caw man̈x 'oj stac' ste'wtzan sb'a eb', yujto tzjaw sc'ul slajw 'el eb', tzc'och yorail sjaw syailal eb' 'a yib'an̈.

Ez 28:24

Man̈x 'oj yab' eb' yin̈tl Israel syail yuj eb' nacion̈ 'a sla'nil cha, atn eb' 'icha q'uix yajch 'a eb' yuj schichnc'ojlal. 'Ixta to b'i'an ax yojcan 'el eb' to an Jehová Yajl in, xchi Dios, xa chi 'a 'a.