Miqueas 7:3 - Chuj San Sebastian Bible

³ Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Chuj San Mateo Bible

³ Cuchb'um eb' d'a eb' sc'ulan chucal. A eb' yajal yed' eb' juez, sc'an tumin eb' d'a elc'altac d'a eb' tz'och smul d'a yetanimail. A eb' nivac yelc'ochi, a tas sja d'a spensar eb', a chi' syal eb' d'a eb' yajal chi', yuj chi' lajan tz'aj spensar eb' tas syutej yixtan eb' yetanimail chi'.

Miqueas 7:3 Referans Kwoze

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Am 5:12

Wojtac jantc maysch'olnil tz'el e b'oni. Man̈x 'a slajb' jun tzo'n̈ e mul cha. Caw tzeyixtj eb' wach' snab'en, tze chan q'uen c'ultac tumn yuj junc tas man̈ wach'c tzeyutj e b'onyaji. A 'a e despacho, ata tzeya'cn 'och 'a yib'n̈ eb' meb'a 'anma to wach' snab'en.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

Mt 26:15

'ix yaln 'a ewin 'ixtic: —Toto 'oj wa'ch Jesús 'a yol e c'ab', ¿jantc tzin e tojo? xchi 'a ewinac. Yuj cha, xya'n ewin 30 q'uen tumn plata 'a 'a.

Os 4:18

'Ix 'em eb' 'a 'ajmulal smasnil, 'icha tz'aj yem eb' 'u'm 'an̈. Man̈xtzac 'och wan eb' sb'on 'ajmulal. A eb' syajlil eb', cojxn tas q'uixweltac tznib'j eb' sb'o'.

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

Ez 22:6

Ax eb' syajlil chon̈ab', yaln̈ej tas yopiso eb', tzyac' eb' yip smilw 'anma'.

Jeremías 3:5

¿Tom smasnil tiempo 'ay cot owl 'ayn̈ on̈? ¿Tom 'ayc'n̈ej owl chi 'a jun 'ejmn̈ej? xe chi. Ya' sb'a wanto eyaln 'ixta', wan e b'on pax jun tzo'n̈ maysch'olnil tze b'o xon cha, xchi Dios 'a eb' israel.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Pr 17:23

A eb' yajl tu snab'en, tzc'ultac chaj eb' tumin, sec man̈ wach'c tzyutj eb' sb'onyaj junc mach.

Is 3:5

Ax eb' 'anma', 'oj q'ue b'uynjoc eb' yac' owal, 'oj laj yac' eb' owl yet' eb' cajn 'a stz'ey. Ax eb' quelmtac, 'oj yac' eb' owl yet' eb' 'ichmtac winc to 'ay yel'ch 'a sat eb' 'anma'.

Is 5:23

A eb' yajal, yuj tumin tzyaln eb' to a junc tz'och smul, may smul yaln eb', ax junc may smul cha, matz b'o yaj eb' 'a stojlal.

Is 32:7

A eb' 'e'nc 'a yib'an̈, tzyij eb' yip 'a tas cuyb'il yuj 'a stu'al, tznan chan̈ eb' tas tu'. Tz'ixtx eb' meb'a yuj eb', tzyac' eb' 'es 'a eb', tzyixtn paxti eb' junc mach to tznib'j tzb'oyaj sb'a 'a sc'aq'uil.

Ez 9:9

'Ix yaln 'ixtc 'ayin: A eb' israel yet' eb' 'aj Judá, yel xo wal niwn smul eb' 'a in sat, caw wal tzniwtj scham eb' 'anma 'a jun tzo'n̈ chon̈b' tic yuj jantcn̈ej maysch'olnil, yujto a snan eb' 'anma tic, to an Jehová in tic, matz wil tas tzb'o eb'.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Os 7:3

Caw wal tzalj eb' rey yet' eb' yajal yuj smaysch'olnilal eb', yet' yuj yixtm 'anmal eb'.

Miqueas 2:8

Ax tic, ex 'och 'ajc'ojlal 'a eb' in chon̈ab'. A eb' tzmeltzj paxt 'a owal, a snan eb' to man̈x 'a tas 'oj 'i'nc eb', palta ax xo tzeyij 'ec' spichl eb' to chan̈ stojol.

Miqueas 3:2

Palta tu tzeyutej, to tzeyajcn 'el tas wach', ax tas tu a tze chamc'ojlej. 'Icha to tze jitl eb' quit chon̈ab', man̈x 'a tas tzeyactj can 'a eb'.

Pr 16:30

A junc mach wan yec' 'a snab'en sb'on maysch'olnil, tzmutz'mutz'n yol sat, tzc'uxn sb'a sti'.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Ez 34:21

Ax yajl ex cha, tzlaj e tench e b'a 'a eb' 'emmquilal yeq'ui, najt tzc'ochcn eb' eyecn telwoc. 'Ay eb' tzlaj eyixtoc, tzlaj e pechn b'eyc'oc eb'.