Miqueas 7:13 - Chuj San Sebastian Bible

¹³ Caw cusltac 'oj 'ajcn yolyib'n̈q'uinal, smulyujoc eb' cajn 'a 'a, 'ixta 'oj 'ajoc.

Chuj San Mateo Bible

¹³ A yuj smul eb' anima d'a juntzan̈ nación chi', tz'inan lumxon̈ej ol ajcan lum smacb'en eb'.

Miqueas 7:13 Referans Kwoze

Jeremías 25:11

Smasnil jun nacion̈ tic, 'oj lajwc 'ejmi, choc' 'oj 'ajcni. A jun nacion̈ tic, yet' jun tzo'n̈ xo nacion̈ cajn 'a stz'ey, 70 ab'il 'oj 'ochcn eb' 'a yaln̈ schecnb'il win sreyl Babilonia.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Miqueas 6:13

Yuj wal cha, 'oj wa'ch eyailal. 'Oj ex in satcn 'el yuj e mul.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Jeremías 32:19

Caw niwn el'ch yuj tas tza na'a, yet' yuj tas tza b'o'o. Ach tic, tzel smasnil tas tzb'o eb' 'anma', tza'n spac 'a junjn eb' 'a 'icha wal tas smoj schan eb' yuj tas tzb'o'o.

Jeremías 21:14

An Jehová in, an tzwala, to 'oj wa'ch yailal wal 'a eyib'an̈, 'icha wal tas smoj e chan yuj tas tz'el e b'oni. 'Oj wa'ch sc'a'l e despacho, ax smasnil tas 'ay 'a spatquil 'eli, 'oj tz'aoc, xchi Dios, xin chi 'a eb' schecb' win rey Sedequías cha.

Pr 31:31

Calc wach' paxti 'a 'ix 'a sat smasnil 'anma'; alx cab' wach' paxti 'a 'ix yuj smasnil tas tzb'o'o.

Pr 5:22

A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Job 4:8

A tzwutj wiln an tic, a mach tzb'on maysch'olnil, a jun maysch'olnil chi tzjaw pax 'a yib'an̈.

Ez 12:19

Tzlajw cha, tzaln 'ixtc 'a eb' et israelal cha, to an Jehová Yajl in, an tzwal 'ixtc 'a yib'n̈ eb' cajn to can 'ec' 'a yol smacb'en Jerusalén, yet' 'a smasnil yol yic Israel cha: 'Oj laj wa eb' 'a scal xiwc'ojlal, 'a scal cusc'ojlal 'oj laj yuc' eb' a'. A jun chon̈b' cha, smul yujoc eb' 'anma cajn 'a 'a, ax scan 'a sictaquil, man̈x 'a xon jac tas 'oj can 'a 'a

Ez 33:28

'Oj can lum lum chi 'a sictaq'uil, cusltac xoj 'oj 'ajcni, ax wa'n lajwc sb'an̈quintacl eb' cha. Cusltac xoj 'oj 'ajcn eb' lum jolmctac witz yic chon̈b' Israel, man̈x 'a 'anma 'oj 'ec' ta'.

Miqueas 3:4

'Ay wal jun c'ual, 'oj cob' to eyawtc Jehová, palta man̈x 'oj ta'wc 'ayex. A wal 'a yic jun c'ul cha, 'oj sc'ub'c 'el sb'a 'ayx yuj tas maysch'olnil 'ix e b'o'o, xin chi 'a eb' yajl cha.

Miqueas 5:3

Ax ticnec, 'oj yactc can Jehová schon̈ab', masnto 'oj 'aljoc yune jun 'ix 'ix wan stan̈wni yalj cha. Atta 'oj meltzjoc cot eb' israel 'ijxnac 'at 'icha presoal 'a chuc chon̈b'al, sec junxn̈ej 'oj 'aj eb' yet' eb' yit chon̈ab'.

Is 17:9

A 'a jun c'u cha, a jun tzo'n̈ chon̈b' caw wach' yajch smuroal, 'oj can eb' 'a cusltaquil, 'oj 'actx can eb' sch'ocoj, 'icha 'ajnc scan schon̈b' eb' heveo yet' eb' amorreo yuj eb' quit israelal 'a pecti'.