Miqueas 6:15 - Chuj San Sebastian Bible

¹⁵ 'Oj eyawc eyawb'en, palta may tas 'oj e jach'a'. 'Oj e te'l yalil sat e olivo, palta man̈oc ex 'oj e c'ana'. 'Oj e te'l yalil sat e uva, palta man̈oc ex 'oj eyuc' yal uva cha.

Chuj San Mateo Bible

¹⁵ Ol ex avvoc, palta malaj jab'oc tas ol eyic'a'. Ol e teq'uel yal sat te' eyolivo, palta man̈oc exlaj ol e c'an jab'oc yaceiteal te'. Ol e teq'uel yal sat te' eyuva, palta man̈oc exlaj ol eyuc' svinoal.

Miqueas 6:15 Referans Kwoze

Sofonías 1:13

Yuj cha, a smasnil sricoal eb', 'oj 'ijxoc 'eq'ui, ax sma'x lan̈chjoc can yatut eb'. 'Oj cob' sb'o chan̈ eb' yatut, palta man̈xtoc a eb' 'oj cajnoc. 'Ojt cob' yawc eb' te uva, palta man̈xtoc a eb' 'oj 'u'nc yalil te', xchi Dios.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Jeremías 12:13

'Ix yawj eb' in chon̈b' 'ixm trigo, ax te q'uix xpa'chan̈ sjelc 'ixim, nab'an̈ej xmunlj eb'. Caw xlajw 'ejm yawb'en eb', q'uixwc'ojlal xoj tz'ec' eb' yuj jab' sat yawb'en tzlaj smolb'tzoc. Yuj ton wal yowl in c'ojl 'a yib'n̈ eb', 'ixta x'aj eb', xchi Dios.

Hageo 1:6

Caw niwn cob' tas tze yawej, palta jab' wal sat eyawb'en chi tze molo. Tzex wa cob'i', palta matz ex b'ut'ji. Tzeyu'j tas tzeyuq'uej, palta matz 'ec' e tacn̈ti'al. Tzeya'ch cob' e pichul, palta toxn matz ex q'uixnj yu'uj. A e tojl tze chaj yuj 'aj tzex munlji, matz eyil 'aj tzc'ochi, 'icha to oln e b'olsa 'aj tzeyac' 'ejmi.

Lv 26:20

Nab'an̈ej 'oj eyixtc e b'a e munlji, yujto a lum lum cha, man̈x 'a xon jac tas 'oj yac' lu'um, yet' pax smasnil te 'awb'ente', may xon sat te 'oj yac'a'.

Jn 4:37

Yujto yel tzyal jun 'ab'x tic: 'Ay eb' 'awum. Chuc pax eb' jach'um, xchi.

Job 31:8

to 'ixta', chucx cab' mach tzc'uxn tas tz'el-l 'a in munljel, sjoy cab' q'uet eb' sch'an̈l yib' tas 'awb'il wu'uj.

Habacuc 3:17

An tic, caw 'ay in tzaljc'ojlal oj Jehová ach in Colmal. Wach'xam matz nichn te higo, wach'xam matz satn te uva yet' te olivo, wach'xam may sat smasnil 'awb'en; wach'xam tzsat 'ejm no calnelu, yet' no wacx 'a yol scolal, palta 'oj waln̈j in wach' paxti 'ayach.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Jueces 6:4

Sb'o eb' scamplamento 'a sat slum eb' israel cha, tzsatn 'el eb' tas 'awb'il yuj eb', masnto tzc'och 'a smon̈jonal chon̈b' Gaza. Man̈x 'a jac tzc'ux eb' israel chi tzyactj can eb'. Man̈x 'a pax no calnelu, no wacax, mto no b'uru xyactj can eb'.