Miqueas 6:11 - Chuj San Sebastian Bible

¹¹ ¿Tas wal 'oj wutc wa'n niwnc'ojlal 'a jun tzo'n̈ 'anma tic, yujto a 'echtab' man̈ tz'acnoc, a tzc'an eb'?

Chuj San Mateo Bible

¹¹ ¿Tas ol aj vac'an nivanc'olal d'a yib'an̈ juntzan̈ anima tic, yujto a echlab' man̈ tz'acanoc sc'an eb'?

Miqueas 6:11 Referans Kwoze

Os 12:7

A Jehová a tzaln 'ixtic: A eb' chon̈wjum yic Efraín, a 'echtab' man̈ tz'acnoc, a tzc'anlb'ej eb', yujto caw wal tzchaj sc'ojl eb' yelc'wi.

Lv 19:36

Tz'acn cab' e libra yet' eyalmu tze c'anlb'ej yic tzeyechtan junc tas. An Jehová e Diosal in, an wijnacx 'elt 'a Egipto, an tzwala.

Pr 16:11

Smasnil 'echtab' yet' q'uen libra tz'acan, caw tzchaj sc'ojl Jehová. A aljnac cani yuj cha, 'ay 'echtab'.

Dt 25:13

Man̈ e c'an chab'oc 'echtab', junc to man̈ tz'acnoc 'a yic tzex chon̈wji, yet' junc 'ec'b'al yic tzex manwji.

Pr 11:1

A Jehová, matz chaj sc'ojol eb' tzc'anlb'an junc 'echtab' man̈ tz'acnoc, palta ax eb' tzc'anlb'an 'echtab' tz'acan, caw tzalj yet' eb'.

Ez 45:10

Tz'acn cab'n̈ej eyechtab' tze c'anlb'ej.

Am 8:5

Ax tic tzeyal 'ixtic: Comnoc tzjapx q'uin̈ yic tzpa'x 'uj sec 'oj sta'x qui chon̈n qui trigo. Comnoc tzjapx sc'ul 'iljelal muc'uc sec 'oj stac' qui chon̈n sat cawb'en 'a chan̈ stojol, ax qui c'anlb'an quechtab' to man̈ tz'acnoc.

Zacarías 5:8

'Ix yaln jun ángel chi 'ayn 'ixtic: A jun 'ix tzel tic, atn mul tzch'ox coti, xchi. Xlajw cha, xyecn 'och sc'ab' 'a 'ix, 'ix 'ejm can pax 'ix 'a yojl jun 'echtab' cha. 'Ix smacn can pax yet' jun smac to plomo cha.

Pr 20:10

A 'echtab' man̈ tz'acnoc yet' ch'an̈lum to 'ec'b'al, a chab' tic, caw wal matz chaj sc'ojl Jehová.