Miqueas 4:11 - Chuj San Sebastian Bible

¹¹ A ticnec, caw niwn eb' nacion̈ jun tzyutj sb'a, yujto 'oj 'och eb' 'ajc'ojlal 'ayex, tzyaln eb' 'ixtic: 'Oj ca'c wal qui nab'en quiln tas 'oj 'aj Jerusalén slajw 'ejmi, xchi eb'.

Chuj San Mateo Bible

¹¹ A ticnaic, tzijtum nación van sq'ue vaan ajc'olal d'a e patic, syalan eb' icha tic: Ol cac' val co gana quilan tas ol aj yixtaxb'at Sion tic, xchi eb'.

Miqueas 4:11 Referans Kwoze

Abdías 1:12

Caw man̈ smojc ex tzewji yic xeyiln tas x'aj eb' eyit chon̈b' cha, atn 'a yic jun c'ual 'ix jaw yailal 'a yib'n̈ eb' 'aj Judá. Caw man̈ smojc ex tzalji a yic xlajw 'el eb' 'a jun c'ul cha. Man̈ smojc ex b'uchwj 'a eb', yic 'aych eb' 'a syailal cha.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Jeremías 52:4

A 'a yic slajn̈il c'u yoch slajn̈il 'uj yic sb'aln̈il ab'il yoch Sedequías reyal, 'ix cot Nabucodonosor sreyl Babilonia yet' smasnil eb' soldado wul yac' owl 'a Jerusalén. 'Ix 'och oyn eb' 'a 'a, 'ix sb'on chan̈ eb' scamplamento 'a yojltac 'at chon̈b' cha. 'Ix sb'on 'och eb' sb'achte 'a spatquil 'elt chon̈ab' yic tzya'n eb' owl yet'oc.

Salmos 129:5

'El cab' sq'uixwel eb' 'ajc'ojl yajch 'a Sión, pax cab' eb' 'a spatic.

Is 10:7

Palta man̈oc wal chi nab'il yuj win sreyl Asiria cha, man̈oc chi tzsayq'ui. A tas nab'il yu'uj, to niwn nacion̈ tzsatli.

Is 17:12

'Oltac wal eb' 'anma tzcot 'a jun tzo'n̈ xo nacion̈, caw wal tzc'an̈ cob' scot eb' yujto niwn sb'isl eb', lajn wal sc'an̈ scot eb' 'icha sc'an̈ sq'ue wan a mar. Caw wal cob' tz'el yaw eb' nacion̈ chi scoti, 'icha wal sc'an̈ yem pawnjoc a niwc a'.

Is 29:7

Smasnil jun tzo'n̈ chon̈b' man̈x yalnb'ilc sb'isl cha, atn eb' tzyac' owl yet' jun chon̈b' tzcuch Yet'l Xajmb'al. 'Oj 'och oyn eb' 'a 'a, yic tzma'n lan̈chjoc eb' smuroal snani. A eb' cha, lajn 'oj 'aj eb' 'icha junc mach 'ay swejel yic tzwaycni.

Ez 26:3

Yuj cha, an Jehová Yajl in, an tzwal 'ixtic: Ach Tiro, a ticnec tox in 'och 'ajc'ojlal 'ayach. An tzwala ax yoch pax jun tzo'n̈ xo nacion̈ 'ajc'ojlal 'ayach, 'oj cot eb' 'aych 'icha sq'ue wan b'alb'noc yib'n̈ a mar yuj 'ic'.

Salmos 83:5

'Ix yac' eb' trato 'a a patquil, to junn̈j tzyutj sb'a eb' smasnil:

Ez 38:17

An Jehová in, an tzwala: Ach ton tic waljnac oj 'a eb' in checb' 'a yic pecti', yic spaxtin can 'el eb' 'a scal eb' in chon̈b' israel cha; najtl ya'jnac eb' yaln 'el o'oj, to an 'oj ach wi' cot ac' owl yet' eb' in chon̈ab'.

Zacarías 12:3

A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén.