Miqueas 3:12 - Chuj San Sebastian Bible

¹² Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Chuj San Mateo Bible

¹² Yuj chi', eyuj a ex tic, a Jerusalén chon̈ab' yic tzalan Sion, icha lum luum d'ocb'il yed' arado ol ajcanoc, toxon̈ej ol q'uecan b'ulan spojelal, axo d'a tzalan yic templo, vayumtac ol aj sq'uib'canq'ue te te' d'ay.

Miqueas 3:12 Referans Kwoze

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Salmos 79:1

Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Mt 24:2

Yuj cha, xyaln 'a eb' 'ixtic: —A jun tzo'n̈ niwc n̈a tic, c'uxn 'oj lan̈chjc 'ejm smasnil, yet' jun tzo'n̈ q'uen tusb'il q'ue tic, tzwal 'ayex to man̈x 'a junc 'oj can 'a yib'n̈ yit q'uenal, xchi 'a eb'.

Miqueas 1:6

Yuj ton wal cha, tzyaln Jehová 'ixtic: 'Oj wac' lan̈chjoc 'ejm chon̈b' Samaria, toxn̈ej 'oj q'uecn b'uln sc'axpil. Sec 'oj 'ajcn yet'l 'icha 'aj wach' yawx te uva. At 'a lum pan̈ctac, atta 'oj in julcn 'at sq'uenal jun chon̈b' tic, ax scheclj can q'uet stzatzl yich.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Jeremías 17:3

yet' 'a lum jolmctac witz 'ay 'a sti 'el chon̈ab'. Yuj wal maysch'olnilal tzlaj e b'o 'a jun tzo'n̈ lugar yic 'emmquilal 'ay 'a 'aj chan̈ yaj chan̈ 'a yol e nacion̈, yuj cha, ax wa'n 'elc'xoc 'at smasnil e ricoal, yet' jun tzo'n̈ tas molb'il eyu'uj.

Jeremías 22:6

'Ix yaln Jehová 'ixtic: A sdespacho win sreyl Judá, lajn yilx 'a in sat 'icha swach'l yilx lum Galaad, 'icha pax jolm witz Líbano. Palta tzwa'cn in ti', to 'oj wa'cn 'och 'a cusltac lumal. Man̈x 'a mach 'oj can cajn 'a jun despacho tic.

Jeremías 35:17

Yuj cha, an Jehová in, tztac' wuj smasnil, e Diosal in, an tzwala: Caw 'oj wac' jawc jun tzo'n̈ yailal alb'ilx 'el wuj 'a eyib'n̈ e masnil ax cajn ex 'a Judá yet' 'a Jerusalén. Yujto xcob' ex in tench wa'an, palta ma'ix eyiclej. In 'awj cob' 'ayex, palta ma'ex ta'w pax 'ayin, xchi Dios, xa chi 'a eb', xchi 'ayn an Jeremías in tic.

Jeremías 44:2

A Jehová tztac' yuj smasnil, atn qui Diosalec an̈ israel on̈ec tic, a tzaln 'ixtic: Ax tic eyiljnac wal smasnil yailal wa'jnac cot 'a yib'n̈ Jerusalén, yet' 'a yib'n̈ jun tzo'n̈ chon̈b' 'a yol yic Judá. A ticnec, lan̈chjnac can 'ejm jun tzo'n̈ chon̈b' cha. Man̈x 'a junc mach cajn 'a 'a,

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Lm 5:18

A chon̈b' Sión, 'ix lan̈chj 'ejm can smasnil, axn̈ej no wax tzlaj 'ec' ta'.

Is 32:14

Ax sdespacho eb' yajal, cusltac 'oj 'ajcni; 'oj sat chan̈ eb' 'anma cajn 'a yol chon̈ab'. A jun tzo'n̈ schon̈b' eb' 'aych smuroal, 'oj 'ochcn yet'loc no calte'al noc'. Ata 'oj 'iljoc e no calte'al b'uru 'a tzaljc'ojlal. Wach' 'oj wa e no calnelu ta'.

Jeremías 9:10

'Ix waln an Jeremías in tic 'ixtic: Caw tzin 'oc' yuj eb' lum jolmctac witz, tzin cus yuj eb' lum 'a'lic 'aj wach' swa e cajb'en noc', yujto 'ix tz'a smasnil, man̈x 'a mach tztac' sb'eyc' ta'. Man̈x 'a junc wacx tz'el yaw; an̈jtona e no ch'ic yet' e no calte'al noc', 'ix 'at e no 'elc smasnil, xin chi.

Jeremías 22:5

Palta toto ma'oj e cha eyab' jun tzo'n̈ tas 'ix wal tic, an Jehová in, an tzwac' in ti', to a jun despacho tic, 'oj satli, xchi Dios, xa chi, xchi 'ayin.