Miqueas 2:4 - Chuj San Sebastian Bible

⁴ A 'a yic jun c'ul cha, 'oj stz'ac b'itnc sb'a eb' 'ajc'ojl yuj ex sb'uchni. 'Oj yal eb' 'ixtic: A wal ticnec, caw wal on̈ lajwec 'el 'a jun 'ejmn̈ej, a qui chon̈b'ec to yic Jehová yaji, caw xjelmj mach 'ay yico'. Man̈x 'a mach tztac' stenn 'och wa'an. A eb' on̈ lajnec 'el cha, tox 'ix spojc' eb' qui lumec 'a 'a, 'oj schic eb' 'a sb'it cha, xchi Dios.

Chuj San Mateo Bible

⁴ A d'a jun c'ual chi', ol stz'ac b'itej b'it eb' anima meb'a' yuj ex sb'uchani. Ol yal eb' icha tic: A ticnaic, toxo ix on̈ can d'a yalan̈ yuj eb' ajc'ool d'a juneln̈ej. A co chon̈ab', toxo ix q'uexvi yajal, man̈xalaj mach syal scachvaji. A lum co luum, ix spuquec' lum eb' ajc'ol chi' d'a spatic, xcham eb' d'a sb'it chi', xchi Jehová.

Miqueas 2:4 Referans Kwoze

Habacuc 2:6

Palta a smasnil eb' 'anma 'a jun tzo'n̈ nacion̈ tz'ijx 'ec' cha, 'oj b'uchwjoc eb' 'a eb' caldeo tz'i'n 'ec' lum lum cha, ax laj yalnc eb' 'ixtic: ¡'Oltacx wal ax tic! Caw tzex 'och ricoal yuj tas man̈ eyico'oc. ¿B'a'n̈ wal tzex 'och wan eyecn syam sb'a smasnil tas tze chaj yuj eyixtm 'anma'il? 'oj schic eb'.

Miqueas 1:15

A Jehová a tzaln 'ixtc 'a eyib'n̈ ex cajn 'a chon̈b' Maresa: 'Oj wa'ch e chon̈b' 'a yol sc'ab' eb' 'ajc'ojol, ax eb' yajl to caw b'inab'il 'a scal eb' israel, 'oj 'at sc'ub'c 'el sb'a eb' 'a yoltc n̈aq'uen 'a sla'nil Adulam.

Jeremías 9:10

'Ix waln an Jeremías in tic 'ixtic: Caw tzin 'oc' yuj eb' lum jolmctac witz, tzin cus yuj eb' lum 'a'lic 'aj wach' swa e cajb'en noc', yujto 'ix tz'a smasnil, man̈x 'a mach tztac' sb'eyc' ta'. Man̈x 'a junc wacx tz'el yaw; an̈jtona e no ch'ic yet' e no calte'al noc', 'ix 'at e no 'elc smasnil, xin chi.

Is 24:3

'Oj cancn jitn lum lum tic, yujto 'oj 'ijxoc 'at smasnil tas 'ay 'a lu'um, xchi.

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Dt 28:29

Toxn̈ej 'oj e machloc, yic 'oj e b'eyc' 'a chimc'ual, 'icha yec' machmnoc eb' toxn to matz uj yilni. Ax smasnil tas 'oj e b'o', may xon tas 'oj 'el'choc 'a wach'. Caw wal 'oj eyixtxi, 'oltac wal 'oj eyaji. Man̈x 'a mach 'oj stac' ex scolni.

Nm 23:7

Xlajw cha, 'ix syamn 'och Balaam yaln 'ixtic: Atta 'ayn 'ec' 'a jun lum witz 'a stojlal 'aj tzq'uel c'u, 'a yol yic Aram, yic in ya'n 'ijxoc cot Balac sreyl Moab. 'Ix yaln 'ixtc 'ayin: Lem, cotn̈ muc'uc, wul catb'tzej can eb' israel tic, alcn 'el tu paxti 'a yib'n̈ eb' yin̈tl Jacob, xchi 'ayin.

Mr 12:12

'Ix ya'lj ewin ya'n yamchjoc, yujto xnachj 'el yuj ewinac to yuj eb' xyaln jun 'ab'x cha. Palta 'ix xiw ewin yuj eb' 'anma', yuj cha, xyactn can ewin Jesús cha, 'ix pax ewinac.

Sofonías 1:2

'Oj in satl smasnil tas 'ay 'a sat lum lu'um.

Miqueas 2:10

Q'uen̈ec wa'an, 'ixquec. Man̈x smojc 'ayx 'ec' 'a tic, yujto til wal maysch'olnil x'el e b'on 'a sat lum lum tic, yuj cha, tox xjuw 'el lum 'a jun 'ejmn̈ej.

Am 5:17

A wal yic 'oj in jaw wul wa'ch yailal, caw wal ji'jmtac yoc' eb' 'anma 'a scal te 'awb'en uva, xchi Dios.

Am 5:1

Ex wit israelal, 'ab'c wal in paxti yic cusc'ojlal tzwalcn 'el 'a eyib'an̈:

Jl 1:13

A wal ax tic ex ya'mal 'och qui ti 'a Dios, ex tzex 'a'w servil 'a jun yet'l xajmb'al, 'a'c 'och e pichl n̈achtac sat yic cusc'ojlal. 'Ochn̈ec 'a yojl yatut Dios yuj tan̈j 'ac'wal. 'O'n̈ec yuj yailal, yujto a 'a yatut Dios man̈x 'a 'ixm trigo yet' yal uva tz'ajx ofrendail.

Jl 1:8

'O'n̈ec 'icha junc 'ix cob's 'ix tz'oc' yuj schamlil win winc xyac' sti snupn yet' 'ix, tzya'n 'och 'ix spichl yic cusc'ojlal.

Ez 16:44

Til wal 'anma 'oj 'a'nc 'och 'a scal spaxti', ax yaln eb' yuj Jerusalén chi 'ixtic: 'Icha wal 'ix nunb'il, 'ixta pax 'ix 'uneab'il, 'oj schic eb'.

Ez 2:10

'Ix xuyn 'at jun ch'an̈ un̈ chi 'a wojltac, tz'ib'b'il jun un̈ chi 'a schapaq'uil, ax tas tz'ib'b'il 'a ch'an̈, atn yab'xil cusc'ojlal, yailal yet' 'el-l 'aw.

Jeremías 14:18

A yic tzin 'el wil lum lum 'aj tz'och munljel 'a b'esan, ax tzwilni, to 'ay sniwnal eb' 'anma t'occtac yaj ta yuj owal. Ax yic tzin 'och paxt 'a yol chon̈ab', ax tzwilni wan laj scham eb' 'anma yuj wejel. Ax eb' tzyalch sb'a schecb'oc Dios, yet' eb' ya'mal 'och sti eb' 'anma', tox 'ix 'ijx 'at eb' 'a chuc chon̈b'al, jun to mant yojcoc eb', xa chi 'a eb', xchi Dios 'ayin.

Jeremías 4:13

'Ix yaln pax Jehová 'ixtic: 'Iltec wal scot eb' 'ajc'ojol, lajn wal scot eb' 'icha junc 'asun. A wal scaruaje eb', lajn sb'ey 'icha junc chacxuxm 'ic'. 'Ec'b'al sb'ey schej eb' 'a no salt'iw. Alc 'ixtic: ¡'Oltacn̈ec wal an̈ec tic, caw wal 'oj qui satc 'eli! xe chi.

Is 14:4

a 'a jun tiempoal cha, ata 'oj eyalb'tan̈c jun poesía tic, yic tze b'uchn win sreyl Babilonia, 'oj eyal 'ixtic: 'Iltec wal tz'ajcn win tzon̈ 'ixtnec tic, 'iltec wal x'ajcn yuj sb'an̈quintaquil.

Job 27:1

Scha aln pax Job 'ixtic:

2 Cr 35:25

Ax Jeremías 'ix sb'o jun poesía yuj snax cot schamlil Josías, yic tzb'itnaxi. Smasnil eb' winc tzb'itni yet' eb' 'ix 'ix tzb'itni, tzna cot eb' jun b'it yic schamlil rey Josías, yic tzb'itnan eb' jun tzo'n̈ b'it yic cusc'ojlal yuj eb' tzlaj chami. Ax x'aji, x'och jun tic sb'eyb'alc eb' israel. A jun tzo'n̈ tic ata tz'ib'b'il can 'a ch'an̈ libro yic b'it yic cusc'ojlal.

A Ch'an̈ Schab'l Libro Samuel 1:17

Xlajw cha, sb'itnan David jun b'it tic yuj schamlil Saúl yet' yuj Jonatán.

Nm 24:15

'Ix yaln can Balaam 'ixtic: Atn in paxti an Balaam in tic, yunnal in Beor, c'ac' yol in sat.

Nm 24:3

Yuj cha, 'ix yaln 'ixtic: Yaj in paxti an Balaam in tic, yunnal in Beor, c'ac' yol in sat.

Nm 23:18

Xlajw cha, syamn 'och Balaam yaln 'ixtic: Balac ach yunnal Zipor, tzcham wal ab'n tas 'oj wala':

Jeremías 6:12

A yatut eb', slum eb', yet' yistzil eb', chucx mach 'oj 'ica'anoc. An Jehová in, an tzwala, to 'oj wi' chan̈ in c'ab', ax wa'n 'och syailal eb' 'anma cajn 'a jun chon̈b' tic.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Miqueas 1:8

Yuj wal cha, tzin 'oc' si'mb'il yuj cusc'ojlal; jitn in 'eli, may in xan̈b' 'aychi tzin 'eq'ui. Xoj yel waw 'icha junc no 'oques, mto 'icha junc no cujub'.

Jeremías 9:16

Ax wa'n sactzic can 'at eb' 'a scal jun tzo'n̈ nacion̈ to man̈ 'ojcab'ilc yuj eb', man̈ 'ojc'ab'ilc pax yuj smam yichm eb'. Ax wa'n pechxoc b'eyc'oc eb' yet' q'uen espada, masnto 'oj satl eb' smasnil, xchi Dios.