Miqueas 1:9 - Chuj San Sebastian Bible

⁹ Yujto a tas lajwnac 'a Samaria, man̈x 'oj 'an̈txoc. 'Ix yamchj c'och Judá yuj jun yailal cha, masnto xc'och 'a sti chon̈b' Jerusalén, atn sat yaj 'a in nacion̈ yet' eb' wit chon̈ab'.

Chuj San Mateo Bible

⁹ Yujto a yechen Samaria, man̈xalaj yan̈al. Toxo ix yamchajpaxc'och Judá yuj yaelal chi', masanto sc'och d'a ti' chon̈ab' Jerusalén, aton schon̈ab' eb' vetchon̈ab'.

Miqueas 1:9 Referans Kwoze

Miqueas 1:12

A eb' cajn 'a chon̈b' Marot, caw tzch'umm 'ec' eb' yuj yab'n syail. Tztan̈wj eb' cob' sc'och colwal, yujto tox xc'och yailal 'a sti chon̈b' Jerusalén yuj Jehová.

Jeremías 15:18

¿Tas yuj may b'a'n̈ tz'och wan in yailal 'icha wal junc lajwel may xon tz'aj yan̈txi? ¿Tom 'oj in extc 'icha junc yet'l a 'elmal a tztup cha'an̈? xin chi 'a Dios.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Jeremías 46:11

Ex cob's 'aj Egipto, 'ixquec sayj remel 'a Galaad. Wach'xam til wal remel 'oj e c'ana', palta man̈x 'a yopiso, yujto man̈x 'a junc remel 'oj stac' scoln 'el e chon̈ab'.

Miqueas 6:13

Yuj wal cha, 'oj wa'ch eyailal. 'Oj ex in satcn 'el yuj e mul.

Nahúm 3:19

A wal jantc x'aj slajw 'ejm a chon̈b' tic, caw man̈x 'a sb'omb'il. Smasnil tas xjuw 'a 'a, man̈x 'a b'a'n̈ 'oj b'o'oc. A smasnil eb' 'oj 'ab'nc ab'xil yuj tas ach 'aji, caw 'oj spoc' eb' sc'ab' yuj tzaljc'ojal, yujto c'uxn xyab' eb' syal yuj a tu nab'enal, xchi Dios.

Is 36:1

A 'a yic schan̈lajn̈il ab'il yoch win Ezequías reyal, a yic cha, 'ix syamn 'och win Senaquerib sreyl Asiria ya'n owl yet' smasnil chon̈b' wach' yajch smuroal 'a yol yic Judá, 'ix ya'n ganar yem jun tzo'n̈ chon̈b' chi yu'uj.

Is 36:2

A 'a chon̈b' Laquis 'ayq'ui, yic 'ix schecn 'at win jun win capitan̈ yet' jun b'uln̈ eb' soldado, yic tz'at sc'umnc eb' win rey Ezequías 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.