Malaquías 4:2 - Chuj San Sebastian Bible

² Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Chuj San Mateo Bible

² Palta a ex to ay velc'och d'a e sat, icha val sq'ueul c'u d'a q'uin̈ib'alil, icha chi' ol vutej in ch'oxan in colval d'ayex. Yuj chi', ol ex tzalajxoc. Ol ex q'ue cheneljoc yuj tzalajc'olal, icha tz'aj sq'ue cheneljoc noc' quelemtac vacax tz'elta b'aj macan.

Malaquías 4:2 Referans Kwoze

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Lc 1:78

A qui Diosalec caw tz'o'ch sc'ojl 'ayn̈ec. 'Icha tz'aj sq'uel c'u tzya'n sacq'uinl 'ayn̈ec, 'ixta 'oj 'aj sjaw jun checb'il cot yu'uj.

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

Is 53:5

'Ix lajw sniwnal yuj qui mulec, xyab' syal sniwnal chi yuj qui tu'al. Yuj jun yailal 'ix 'och 'a yib'n̈ cha, yuj cha, 'ix 'och junc'ojlal 'a qui calc yet' Dios. Yujto 'ix yab' syal sniwnal, yuj cha, 'ix 'ajx qui q'uinlec.

Malaquías 3:16

Palta a eb' 'ay yel'ch Jehová 'a sat, tzlaj yal-lac junjn eb' 'a 'a yuj swach'l Dios. Ax Dios 'ix yab'i tas wan yaln eb' cha, yuj cha, 'ix ya'n tz'ib'xoc can sb'i eb' 'a jun slibro, yic tzb'inax cot eb' 'ay yel'ch Jehová chi 'a sat.

Apoc 22:16

An Jesús in, 'ix in checb't jun wángel 'at yal jun tzo'n̈ tic 'ayach, sec 'oj alxc 'a eb' creyente 'a junjn iglesia. An tic, yin̈tl in can David, palta yuj in poder, pitzwnac 'el David cha. Lajn in 'icha jun niwquil c'anal sacb'su'un, caw tzictzni, xchi.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

A Ch'an̈ Schab'l Libro Samuel 23:4

lajn wal 'icha yic tzsacb' cot yib'cha'an̈, lajn wal 'icha yic c'achan, yic may 'asun, a tz'a'n q'uib' te c'ultac yic tzlajw yec' n̈ab', xchi 'ayin.

Apoc 22:2

A 'a snan̈l jun scayeal jun chon̈b' chi tz'at a'. Ax 'a junjn stitc a', ata 'ay te te tz'a'n qui q'uinlec 'a jun 'ejmn̈ej. A te te cha, lajchw 'ejm tzsatn 'a junjn ab'il. Junjn 'uj tzsatni. Ax xil te', a tz'a'n b'oxc sc'ojl eb' 'anma 'a junjn nacion̈.

A Schab'il Carta San Pedro 1:19

An̈jtona', 'aycto sjaw Cajlilec, stz'ib'n can eb' schecb' Dios yab'xil. An̈ja 'ayc' Ch'an̈ Un̈ chi ticnec. A tas tzyal Ch'an̈ Un̈ cha, caw yel. Caw wach' tzcutjec qui b'a, toto an̈ja ca'nec 'och qui nab'en 'a tas tz'ib'b'il can yuj eb' cha. Yujto a Ch'an̈ Un̈ cha, lajn 'icha junc cantil tzqui tzic 'a 'aj caw q'uic'q'uinal. Tzyac' yoc 'ayon̈, masnto yic wan sacb'i, yic tzq'uel jun niwquil chac c'anal. 'Icha jun c'anal cha, 'ixta 'oj 'aj Cristo yic 'oj jawc paxi, ax swach' 'a'n sacq'uinl 'a qui pixnec.

Rt 2:12

A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.

Apoc 2:28

An̈jtona', 'oj wac' pax jun niwquil c'anal sacb'sun 'a eb'.

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

Salmos 103:3

Yujto tzyac' niwnc'ojlal smasnil in mul, tzya'n b'oxc in c'ojol yic 'ay in yailal.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Is 35:6

A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

A Tas Sc'ulejnac Eb' Schecab' Jesús Hechos 13:47

Yujto yaljnac can Cajlil 'ayn̈ 'ixtc on̈: Ach wa'cn 'och sacq'uinlal 'a jun tzo'n̈ nacion̈ masnto 'aj tzlajw c'och yolyib'n̈q'uinal, yuj e'n 'at colnb'il ta', xchi Cajlil, xchi eb'.

Jn 9:4

Yowlal tzin b'o smunljel jun mach checjnacn coti, ya' sb'a 'ayt c'u. Yujto a yic tox x'at c'u, man̈x 'a mach tztac' smunlji.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Ez 47:12

A 'a sti a a chi 'a schapaq'uil, ata 'oj q'uib' chan̈ smasnil te 'awb'ente tzlox sat, ax te xil chi 'oj 'och remelal. 'A junjn 'uj ax ya'n te sat, ma'oj pucl pax xil te', yujto a 'a scal yib' te', ata tz'ec' a tz'elt 'a yol yatut Dios. 'Oj loxoc sat eb' te', ax yoch te xil chi remelal, xchi 'ayin.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Is 9:2

A eb' 'anma cha, wan sb'ey eb' 'a scal q'uic'q'uinal, 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Salmos 85:9

Caw wal b'ecn sc'ojl Dios scolwj 'a eb' tz'och 'emmquilal 'a 'a, sec 'oj checljoc cha'an̈, to 'ayc' 'a qui calc yet' spoder.

Salmos 67:1

Ach Cajlil on̈, 'o'ch cab' a c'ojl 'ayn̈ on̈, 'a' cot a yaxilal 'a quib'n̈ on̈. Scha cab' a c'ojl on̈ eln coti,

Apoc 11:18

A jun tzo'n̈ nacion̈ xlaj cot yowal, caw xjaw sc'ul a'n syailal eb'. 'Ix jaw pax stiempoal a b'eyc'ojlan eb' chamnac. 'Oj ac' spac 'a junjn eb' tzach 'a'n servil, atn eb' a checab'. A eb' cha, ec xo yaj eb', tzch'oxn 'el eb', to caw niwn el'chi. Toxn̈ej eb' niwn yel'chi, toxn̈ej eb' may yel'chi, 'oj a'n̈j spac 'a eb'. An̈jtona', 'ix jaw pax stiempoal a'n lajwc 'el eb' tz'a'n lajwc yolyib'n̈q'uinal, xchi eb'.

1 Jn 2:8

Palta a jun checnb'il tic, tzat walb't 'ayx jun 'ejm xo. Wan qui b'eylb'anec jun checnb'il tic 'icha yutjnac sb'a Jesucristo, yujto wan sat jun q'uic'q'uinl 'a qui pixnec. Ax jun sacq'uinl caw yel, a 'ayx 'och 'ayn̈ec.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

2 Ts 1:3

Ex wu'tac, ex wanab', yowlal tzca'n̈j yuj diosal 'a Dios eyuj on̈. Smoj 'ixta tzcal eyuj on̈, yujto junjn c'u, yel xo wal tzeya'ch e c'ojl 'a Dios. An̈jtona', junjn ex, yel xo wal tzlaj e chamc'ojloc e b'a.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 1:8

Man̈oc Juan chi caw sacq'uinal, ton̈j wulnc 'ec' yac' testigoal sb'a yu'uj.

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.

Lc 1:50

Smasnil tiempo tz'o'ch sc'ojl 'a jantcn̈ej mach 'ay xiwc'ojlal 'a 'a.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Jeremías 17:14

'Ac' jawc in c'ojl Mamin Jehová, sec tzin b'ox cani. Coln 'eli, sec wach' tzin colchj can pax 'eli, yujto cojn 'aych 'aj tzwal in wach' paxti'.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

A Tas Sc'ulejnac Eb' Schecab' Jesús Hechos 13:26

Ex wit 'anma'il, ex yin̈tl can Abraham wet'oc, yet' ex 'ay e xiwc'ojlal 'a Dios, a jun 'ab'x yic colnb'il tic, eyic wet'oc.

Jn 12:40

'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

Salmos 61:5

'Ix ab' tas 'ajtil 'ix wac' in ti 'ayach, 'ix ac' in macl 'a scal eb' to 'ay el'ch 'a sat.

Jeremías 30:17

Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.