Malaquías 2:5 - Chuj San Sebastian Bible

⁵ A 'in trato yet' eb' yin̈tl can Leví, atn eb' e mam eyicham to tzwac' stzatzl eb', yet' sjunc'ojlal eb'. 'Ix wac' in trato chi yet' eb', sec wach' 'ay wel'ch 'a sat eb'. A eb' cha, sch'oxl eb' to caw 'ay wel'ch 'a sat eb', 'ay pax xiwc'ojlal eb' 'ayin.

Chuj San Mateo Bible

⁵ A in trato yed' eb' chi' to svac' sq'uinal eb' yed' sjunc'olal, yic ay velc'och d'a yol sat eb'. Ix sch'oxel eb' to ay velc'och d'a yol sat eb', ix in sc'anab'ajan eb'.

Malaquías 2:5 Referans Kwoze

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Nm 8:15

A yic tox xlajw sacb'tzax can eb' 'icha yaln sleyal, yet' 'a yic tox 'ix 'ajx eb' 'ayn cha, tztac' xo sjaw eb' munljoc 'a in Mantiado cha.

Nm 3:45

An Jehová in, an tzwala: 'A'cn 'och eb' levita sjelc eb' b'ab'l 'unn 'a scal eb' chon̈b' israel. 'Ixta pax no scajb'en noc' eb' levita, a no tz'ochcn sjelc no scajb'en noc' eb' israel, yujto a eb' levita tic, wic yaj eb'.

Nm 25:7

'Ix yiln sb'a Finees win yunnal Eleazar, yixchicn can Aarón, win ya'mal 'och sti eb' 'a Dios, 'ix 'elt 'a scal eb' 'anma cha, 'ix yi'n win q'uen slanza.

Nm 25:8

'Ix 'och tza'n yuj win israel cha, yet' 'ix 'aj Madián cha, masnto 'ix c'och win yet' eb' 'a yol smantiado. Cojn wal xc'och win muc'uc, stecn 'och win q'uen lanza chi 'a sc'ojl win israel cha, yet' 'a 'ix 'ix cha. Cojn yic 'ix cham eb', 'ix 'och wan scham eb' 'anma yuj jun yailal xyac' cot Jehová a scal eb' israel cha.

Salmos 61:5

'Ix ab' tas 'ajtil 'ix wac' in ti 'ayach, 'ix ac' in macl 'a scal eb' to 'ay el'ch 'a sat.

Pr 14:2

A eb' wach' sb'eyb'al, caw 'ay yel'ch Jehová 'a sat eb'; ax eb' tu sb'eyb'al, toc 'ay yel'ch 'a eb'.