Malaquías 2:11 - Chuj San Sebastian Bible

¹¹ A eb' 'aj Judá, ma'ix syiclj eb' 'aj 'ix yac' sti 'a sat Dios. Caw 'ix ya'ch eb' smul, yel xo wal tu xyutj sb'a eb' 'a Jerusalén yet' 'a smasnil yol yic Israel. Caw xyixtj 'el eb' scajnub' Dios, atn jun caw chamc'ojlb'il yu'uj. A eb' winac, a jun tzo'n̈ eb' 'ix 'ix tzyal sb'a 'a jun tzo'n̈ sdiosal eb' chuc nacion̈al, a eb' 'ix xyij ewin yistziloc.

Chuj San Mateo Bible

¹¹ A eb' vetchon̈ab' aj Judá, maj sc'anab'ajej eb' b'aj ix yac' sti' d'a yichan̈ Dios. Te chuclaj tas ix sc'ulej eb' d'a Jerusalén yed' d'a masanil yol smacb'en Israel. Ix yixtejb'at scajnub' Jehová eb', aton jun yicn̈ej yaji, xajan yuuj. A eb' vin̈ vinac, ix yic'laj sb'a eb' vin̈ yed' eb' ix ix ch'oc chon̈ab'il tz'och ejmelal d'a comon dios.

Malaquías 2:11 Referans Kwoze

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Os 6:7

Palta ax in chon̈b' ex tic, 'ix e ten in trato, ma'ix eyiclj 'ayin, 'icha ya'jnac Adán.

Ez 22:11

'Ay eb' tzmuln yet' yistzil junc xo yit wincal, 'ay eb' tzmuln yet' yalib', 'ay eb' tzmuln yet' schab'l 'anab'.

Ez 18:13

Tzyac' tumn majnil, tzc'ann yune q'uen tumn cha. A junc winc 'ixta sb'eyb'al cha, man̈ najtloc 'oj yila', yujto yajb'entac tas tzb'o'o, yuj cha, mun tzyij cot chaml 'a yib'an̈.

Jeremías 7:10

Tzlajw cha, tzex jab'x 'a wojltac 'a in cajnub', tzeyaln 'ixtic: May 'oj qui'nec, xe chi. Tzeyamn 'och e b'on pax smasnil maysch'olnil to caw matz chaj in c'ojol.

Jeremías 2:3

A yic cha, wic eyaj ax israel ex tic, 'icha wal sb'ab'l sat 'awb'en. An Jehová in, an tzwala, to a smasnil eb' ex 'ixtni, x'och smul eb', xwa' cot yailal 'a yib'n̈ eb', xchi Dios, xa chi 'a eb', xchi 'ayin.

Salmos 106:28

'Ix ya'n 'ejm sb'a eb' 'a Baal-peor, schin eb' no xajmb'al tz'ajx 'a jun tzo'n̈ yechl comn dios may sq'uinal.

Esdras 10:2

Xlajw cha, ax Secanías yunnal Jehiel yin̈tl Elam, sc'ann spaxti', xyaln 'a Esdras 'ixtic: An̈ tic on̈, 'ix 'och qui mul 'a qui Diosalec, yujto 'ix quijquib'a yet' eb' 'ix 'ix chuc chon̈b'al. Palta b'i'an, 'ayt wal sb'omb'il 'ayn̈ israel on̈c tic, sec wach' tzon̈ 'ajx niwnc'ojlal.

Esdras 9:12

An̈jtona 'ix aln paxi, to a eb' quisl on̈, to matz tac' ca'n yi' sb'a eb' yet' eb' chuc chon̈b'al cha, an̈jtona eb' cunnal on̈ yet' yisl eb', matz tac' yi'n sb'a eb'. May xon b'a'n̈ tztac' qui colwj 'a eb' on̈ sec wach' tz'el'ch eb'. Toto tzqui yiclj jun tic on̈, caw wach' 'oj quel'ch on̈, ax qui c'uxn smasnil tas wach' tz'el 'a sat lum lum tic, ax cactn can lum yico'oc eb' quin̈tl on̈.

Jueces 3:6

Ax yunnal yet' yisl eb' israel cha, 'ix yij sb'a eb' yet' yunnal yet' yisl eb' chuc chon̈b'al cha. 'Ix ya'n pax 'ejm sb'a eb' 'a sdiosal eb' cha.

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

Lv 20:26

Ax tic, wach' cab' tzeyutj e b'a 'ayin, yujto an Jehová in tic, caw wach'nn̈ej. An ex in pojcn 'elt 'a scal jun tzo'n̈ xo chon̈ab', sec tzex 'och wico'oc.

Malaquías 1:1

An Malaquías in tic, schecb' Dios waj 'a chon̈b' Israel.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.