Malaquías 1:5 - Chuj San Sebastian Bible

⁵ Ax israel ex tic, caw 'oj eyil wal si'mb'il, ax eyaln 'ixtic: A Jehová tic, yel xo niwn yel'ch 'a smasnil yolyib'n̈q'uinal, man̈ cojnoc 'aj tzlajw c'och qui mon̈jonec tic 'aj tzb'inaxi, 'oj e chioc, xchi Dios.

Chuj San Mateo Bible

⁵ A ex israel ex tic, ol eyil val sic'lab'il, ol eyalan icha tic: A Jehová, yelxo val te nivan yelc'och d'a yolyib'an̈q'uinal tic, man̈ocn̈ej d'a yol co macb'en tic, xe chama, xchi Jehová.

Malaquías 1:5 Referans Kwoze

Dt 11:7

Xquilc wal si'mb'il tas satjub'tac 'ix sb'o Jehová.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

2 Cr 29:8

Yuj wal cha, 'ix cot yowl sc'ojl Jehová 'a quib'n̈ an̈ 'aj Judá on̈c tic, yet' 'a yib'n̈ Jerusalén. Toxn̈ej caw tzsat qui c'ojl quilnec 'och tas on̈ yutjec, b'uchnb'ilal on̈ 'ajc 'och yuj 'a jun tzo'n̈ xo nacion̈, 'icha tas wan quilnec ticnec.

A Ch'an̈ B'ab'el Libro Samuel 12:16

A ticnec qui tan̈wquec tas satjub'tac 'oj sch'ox Jehová quilec.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Josué 24:7

Yuj cha, x'awj eb' e mam eyichm chi 'ayn an Jehová in tic. An xo xwac' 'ejm jun niwquil q'uic'q'uinl 'a scal eb' yet' eb' 'ajc'ojl cha. Xwa'n cot a mar 'a yib'n̈ eb', xmucchj can 'ejm eb' 'aj Egipto chi yuj a'. Ax tic, eyiljnac wal si'mb'il tas xwutj eb'. Caw niwn tiempo x'ec' eb' e mam eyichm chi 'a cusltac lu'um,

Dt 4:3

'In xeyila tas 'ix yutj Jehová eb' xyac' 'ejm sb'a 'a comon dios tzcuch Baal 'aj Peor, q'ueln ex wal 'ochi yic 'ix satl eb' yu'uj.

Ez 39:9

Ax smasnil eb' israel cha, 'oj 'eltoc eb' sic' syam sb'a smasnil yamc'ab' yic owl chi 'oj can cha, atn q'uen jul-lab', smacl sat jul-lab', cotc espada, lanza yet' jun tzo'n̈ xo yamc'ab', ax jun tzo'n̈ chi 'oj sc'atztzoc eb' 'a uque ab'il.