Malaquías 1:4 - Chuj San Sebastian Bible

⁴ Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.

Chuj San Mateo Bible

⁴ Q'uinaloc a eb' edomita yin̈tilalcan vin̈aj Esaú tz'alan icha tic: Vach'chom on̈ sateli, palta ol co b'oxiq'ue co chon̈ab' tic, ta xchi eb'. Vach'chom sb'oxiq'ue eb', palta a in ol in satxieli. Ol yal eb' anima d'a schon̈ab' eb' chi' icha tic: A jun nación tic, schon̈ab'il eb' chuc, ayn̈ejcot yoval sc'ol Jehová d'a yib'an̈ d'a masanil tiempo, xcham eb'.

Malaquías 1:4 Referans Kwoze

Ez 25:14

An Jehová in, an tzwala, to 'oj in c'anlb'oc eb' in chon̈b' israel yic tzin pacn in b'a 'a eb' 'aj Edom. 'Oj ya'ch eb' syailal eb' 'aj Edom 'icha wal yaj yowl in c'ojl 'a yib'n̈ eb', sec 'oj yojcoc 'el eb', to an tzin pac in b'a 'a eb'.

Ez 35:9

'Oj can a lum chi sictacl 'a jun 'ejmn̈ej, man̈x 'a mach 'oj cajnc eb' lum chon̈b' macb'il o'oj. 'Ixta to b'i'an, ax ojcan 'eli, to an 'ixta tzach wutej.

Jeremías 31:17

An Jehová in, an tzwala to tztac' a'n 'och yipc a c'ojl yuj tas 'oj ujc yic b'aq'uin̈. A eb' one', 'oj meltzj cot pax eb' 'a schon̈b' tic.

Is 34:10

Sc'ual yac'wlil sn̈ilchj sc'aq'uil, 'oj q'uen̈j wan stab'l 'a smasnil tiempo, 'oj 'actxoc can 'a jun 'ejmn̈ej; man̈x 'a b'a'n̈ 'ay junc mach 'oj 'ec' ta'.

Is 34:5

A 'a satcha'an̈ ata 'oj sch'ox cot Jehová yespada, ax 'a yib'n̈ Edom 'oj 'emoc, yujto a jun chon̈b' cha, tox 'ix 'ajx 'och chaml 'a yib'an̈.

Is 11:14

'Oj yi' chan̈ sb'a eb' schac'ajil, ax 'at ya'nc eb' owl yet' eb' filisteo 'ay 'a stojlal 'aj tz'em c'u. 'Oj 'em eb' filisteo chi yuj eb'. Ax smol 'i'n 'ec' eb' smasnil tas 'ay 'a eb' 'anma 'ay 'a stojlal 'aj tzq'uel c'u. 'Oj c'och yi'n 'ec' eb' lum lum chi 'a chon̈b' Edom yet' lum chon̈b' Moab, ax ya'n eb' yajlil 'a yib'n̈ eb' 'aj Amón.

Malaquías 1:3

ax Esaú chacb'il 'el wu'uj. A lum jolm witz 'aj cajn eb' yin̈tl Esaú, xwa'cn 'och lum 'a cusltac lumal. Cojxn̈ej no calte'al noc' xcan cajn ta'.

Am 6:2

Tzeyal cob' 'ixtc 'a eb' eyit chon̈ab': 'Ixquec 'a chon̈b' Calne, tze maclni eyil si'mb'il. Axta tzex 'atxi, tzex c'och 'a niwquil chon̈b' Hamat, tzex 'eml 'a chon̈b' Gat 'a yol yic eb' filisteo. ¿Tom yel xo niwn yel'ch eb' 'a quib'n̈ec? ¿Tom yel xo niwquil jun tzo'n̈ nacion̈ chi 'a yib'n̈ qui nacion̈ec tic? xe chi.

Ez 11:10

'Oj e tzu'x cham yet' q'uen espada 'a smon̈jonal e nacion̈ tic, ata 'oj ex in b'eyc'ojloc, ax in eyojcan 'eli, to an ton Jehová in, to cojn in ton Dios in.

Lm 3:37

Toc 'ay mach tz'el'ch junc tas tzna'a, toto man̈oc Jehová tzalni.

Is 10:4

Toto ma'oj eyamchj 'at 'icha presoal, 'oj e milx cham yet' eb' chamnc xo cha. Palta man̈ yujoc cha, 'oj 'ec' yowl sc'ojl Dios, 'ipn ya'n 'och eyailal.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Salmos 137:7

Mamin Jehová, na cot wal tas yaljnac eb' edomita yic yem Jerusalén, yic yaln eb' 'ixtic: Ma'c 'ejm smasnil, masnto tz'em'ch 'a 'aj 'ay yipnub'al yich, xchi eb'.

Salmos 127:1

Toto man̈oc Jehová tzcolwj yet' eb' tzb'on junc n̈a, toto 'ixta', nab'an̈ej tzmunlj eb' tzb'on cha. Toto man̈oc tzcolwj yet' eb' tztan̈wni chon̈ab', toto 'ixta', tom 'ay jac yel'ch ewin tztan̈wni yol chon̈b' cha.

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Job 12:14

A junc tas to a Dios tzsatn 'eli, may junc mach tztac' sb'on pax cha'an̈; ax junc mach tzmacx 'och wan yu'uj, may pax junc mach tztac' scoln 'eli.

Job 9:4

A Dios caw wal 'ay sjelnal, caw niwn yel'ch yet' tas tztac' yu'uj. Q'uinloc tzqui te'wtzej qui b'a 'a yojltac, ¿tom tztechj cujec 'a 'a?

Mt 12:30

A mach man̈ 'ayc 'och wet'oc, 'ajc'ojl yajch 'ayin. Ax mach matz molb'tzan eb' 'anma wet'oc, a tz'a'n sactzic eb'.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Jeremías 49:8

Ex 'aj chon̈b' Dedán, 'ixquec 'eloc, c'ub'jec 'el e b'a 'a yoltc n̈aq'ue'en, yujto 'oj in satl schon̈b' Esaú tic. 'Ix c'och stiempoal wa'n 'och syailal.

Jeremías 49:20

'Ab'c wal tas tox xin na 'an Jehová in tic 'a yib'n̈ chon̈b' Edom, a wal tas xin na 'a yib'n̈ eb' cajn 'a Temán, to 'oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Ez 25:13

Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Ez 26:14

T'anmtac 'oj 'ajcn jun chon̈b' cha, lajn wal 'oj wutc can 'icha q'uen sam q'uen n̈el-li sat, man̈xtzac q'uib' sc'ultcal, ata 'oj yac' tacjoc eb' yamn chay schim, man̈x 'a b'a'n̈ 'oj b'o jun 'ejm xo.

Ez 35:4

'Oj in satl smasnil eb' lum chon̈b' macb'il o'oj, ax a can 'a sictaquil. 'Ixta to b'i'an, ax ojcan 'eli, to an 'ixta tzach wutej.

Am 3:15

An Jehová in, an tzwala, 'oj in mac' lan̈chjoc jun tzo'n̈ n̈a tzc'anlb'ax 'a yic stiempoal si'ic, yet' jun tzo'n̈ tzc'anx 'a yic stiempoal c'ac'. 'Oj in mac' lan̈chjoc jun tzo'n̈ n̈a 'aych q'uen marfil yelwnub'loc, atn jun tzo'n̈ niwc n̈a, xchi Dios.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Am 6:11

Yujto 'oj yac' Jehová ma'xoc 'ejm smasnil niwc n̈a yet' eb' te cotc n̈a, c'uxn 'oj satl smasnil.

Abdías 1:1

An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom: 'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi. Yuj cha, tzyaln Jehová 'ixtc 'a Edom:

Abdías 1:10

Caw q'uixwc'ojlal 'oj eyajcni. 'Oj e lajw can 'el 'a jun 'ejmn̈ej, yujto xeyixtj eb' yin̈tl Jacob, atn yu'tac e mam 'ichm Esaú.

Salmos 33:10

A tztenn juwc smasnil tas tzlaj cob' sna eb' 'anma sb'o', atn eb' man̈ schon̈b'oc.

Jeremías 49:7

A Jehová tztac' yuj smasnil, yaljnac can 'el spaxti 'ixtc 'a yib'n̈ chon̈b' Edom: ¿Tom man̈x 'a jelnal 'a chon̈b' Temán? ¿Tom man̈xtzac nachj tas tzyutj sb'a eb' jeln snab'en? ¿Tom tox 'ix satl smasnil sjelnal eb' cha?

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.