Malaquías 1:2 - Chuj San Sebastian Bible

² A Jehová a tzaln 'ixtc 'a chon̈b' Israel: An tic, caw tzex in chamc'ojlej. Palta ax xo tic', 'in 'ixtc wal tzeyutj ta'wc e b'a 'ayin: ¿Tas wal tzcutj cojcan 'eli, toto tzon̈ a chamc'ojlej? xe chi. An Jehová in, an tzwal 'ixtc 'ayex: Wach'xam yu'tac sb'a Esaú yet' Jacob, palta an xin chamc'ojlej Jacob,

Chuj San Mateo Bible

² A Jehová tz'alan icha tic: A in tic tzex in xajanej, palta a exxo tic, tzex tac'vi d'ayin icha tic: ¿Tas val scutej cojtacaneli tato tzon̈ a xajanej? xe chi. Palta a in Jehová in sval d'ayex icha tic: Vach'chom yuc'tac sb'a vin̈aj Esaú yed' vin̈aj Jacob, palta te xajan vilnac vin̈aj Jacob chi', aton vin̈ e mam eyicham,

Malaquías 1:2 Referans Kwoze

Jeremías 31:3

A 'a yaln̈taxi 'ix in ch'ox in b'a 'ayex, 'ix waln 'ixtic: Ex israel, chamc'ojlb'ilx wuj 'a smasnil tiempo, yuj cha, caw tz'o'chn̈ej in c'ojl 'ayex.

Dt 10:15

Yujto a Jehová caw wal 'ay schamc'ojlal 'a eb' qui mam quichmec, yuj cha, si'n can 'el yin̈tl eb', an̈ec ton tic sic'b'iln̈ec 'elt yuj 'a scal jun tzo'n̈ xo chon̈ab', 'icha ton tas wan quilnec tic.

Dt 4:37

A eb' qui mam quichmec 'a pecti', caw chamc'ojlb'il eb' yu'uj. Yuj cha, on̈ si'nec 'elt an̈ec yin̈tl on̈ec eb' tic, on̈ scolnec pax 'elt 'a Egipto yet' spoder.

Malaquías 2:17

A Jehová, tox 'ix tzactzj chan̈ yuj tas tzeyala, tze c'anb'n to pax wal 'ixtic: ¿Tas laj yuj tzactzj cu'uj? xe chi. Tzactzji, yujto tzeyal ax tic, chajtlto tzchaj sc'ojl Jehová eb' tzb'on maysch'olnil, caw tzalj yet' eb'. Tzeyaln pax 'ixtic: ¿Tom 'ay jun Dios tzb'eyc'ojlwi 'a stojlal? xe chi.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 2:5

'Ix yal 'ayx 'ixtic: ¿Tas in mul 'ilchjnac yuj eb' e mam eyicham, yuj cha, in spatquiln can 'el eb'? 'Ix 'och tza'n eb' yuj jun tzo'n̈ comn dios to may jac yel'chi, yuj cha, man̈x 'a jac yel'ch x'ajcn eb'.

Is 43:4

A eb' 'anma 'a jun tzo'n̈ xo nacion̈, a eb' xwa'ch e jeloc sec tzex colchji. Yujto caw nan ex n̈ej, caw niwn pax eyel'ch wu'uj, caw tzex in chamc'ojlej.

Gn 48:4

Xyaln jun tzo'n̈ paxti 'ayn 'ixtic: Til wal sb'isl onnal 'oj wac'a', ax eb' en̈tl 'oj 'eloc, til wal nacion̈ 'oj 'aj 'el'ch eb', ax wa'n pax jun lum tic 'a eb' en̈til. A jun lum tic, yicn̈ej eb' 'a jun 'ejmn̈ej, xchi 'ayin.

Gn 27:33

Caw wal 'ix sat sc'ojl Isaac, toxn̈ej tzquecni spaxtini, xyaln 'ixtic: —¿Mach pax ni xit' ma'j noc' chi jun, yuj cha, 'ix wul sb'ab'l 'a'nc ni no in chi'? An tic 'ix in c'ux smasnil, yic mantzac ach jaw 'ayin, yuj cha, xwaln can 'el wach' paxti 'a yib'n̈ na. A ticnec, yic xo ni yaj wach'l cha, xchi Isaac.

Gn 25:23

'Ix ta'w 'ixtc 'a 'ix: Chab' chon̈b'al 'aych yin̈tl 'a yol a c'ojol. A chab' chon̈b'al cha, 'oj 'och eb' 'ajc'ojlal 'a jun jun. Jun caw 'ay yip 'a yib'n̈ junx cha. A win b'ab'el 'oj can win 'a yaln̈ schecnb'il win tza'n 'unin, xchi Dios.

Lc 10:29

Palta ax winac, ton̈j tznib'j win scol sb'a, yuj cha, xyaln pax win 'ixtc 'a Jesús: —¿Palta mach eb' wit 'anmal chi tzyal cha? xchi win 'a 'a.

Jn 15:12

A ticnec, 'ay jun checnb'il 'oj walcn 'ayex, to tzlaj e chamc'oljoc e b'a junjn ex, 'icha tzex wutj ex in chamc'ojlani.

Dt 23:5

Palta ax Jehová qui Diosalec, ma'ix schaj yab' tas 'ix yal Balaam. A scatb' cha, 'ix meltzj 'och qui wach'loquec yuj Jehová, yujto caw 'ay schamc'ojlal 'ayn̈ec.

Dt 33:3

A Jehová caw 'ay schamc'ojlal 'a eb' schon̈ab', a eb' yicxo yaji, 'ayc' eb' 'a yol sc'ab'. A eb' cha, tz'och eb' 'emmquilal 'a 'a, tzyiclni pax eb' schecnb'il.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Gn 25:25

Win xb'ab'l 'alji, chac yilx winac, caw patztac sniwnal yet' xi'il, xya'n eb' sb'ic Esaú.

Gn 25:26

Tza'n sjapx jun yu'tac cha, t'un̈n 'och 'a yich sq'uenl yoc Esaú, xya'n eb' sb'ic Jacob. 60 ab'il sq'uinl win Isaac yic x'alj eb' yune 'ix Rebeca cha.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

A Ch'an̈ Schab'il Libro Yic Yab'ixal Eb' Rey 3:8

Palta b'i'an, ¿tas b'el 'aj tzon̈ 'ati? xchi. 'Ix ta'w Joram, 'ix yaln 'ixtic: Ata tzon̈ 'at 'a sb'el cusltac lu'um, 'a yol yic Edom, xchi.