Malaquías 1:13 - Chuj San Sebastian Bible

¹³ 'In tzeyal 'ixtic: Caw tzon̈ tzactzj c'och yet' jun tzo'n̈ tic, xe chi, tzin e patquiln can 'eli. Tzeya'n pax cob' e xajmb'al chi 'ayin, a no noc' 'elc'b'il eyu'uj, no wecchjnac, yet' no ya'ay, a chi tzeyac'a. ¿Tom 'oj in cha jun tzo'n̈ chi 'ayx e nani?

Chuj San Mateo Bible

¹³ Tzeyalan icha tic: Tzon̈ tzactzajc'och yed' juntzan̈ tic, xe chi. Tzin e paticaneli. Slajvi chi' tzeyac'an juntzan̈ noc' e silab' d'ayin, aton noc' tzeyelq'uej, noc' q'uiich yed' noc' penaay. ¿Tom ol in cha juntzan̈ chi' d'ayex tze na'a?

Malaquías 1:13 Referans Kwoze

Miqueas 6:3

Ex israel tzcham wal eyab'n tas tzwala. Ta'wan̈c 'ayn ex in chon̈ab'. ¿Tom ex wixtej, mto 'ay wal tas tu xin b'o 'ayex?

Mt 6:16

A yic tzex 'och 'a c'ajb'c'ojlal, man̈ lajnoc tzeyutj e b'a yet' eb' chab'sat yaji. Yujto a eb' cha, caw cusltac tzyutj eb' sat, sec tzlaj yil eb' 'anma', to 'aych eb' 'a c'ajb'c'ojlal. Wal yel tzwal 'ayex, tox schaj eb' spac jun sc'ajb'c'ojlal cha. Toxn may spac 'oj scha eb' 'a Dios.

Mt 6:5

A yic tzex leslwi, caw matz tac' tzex leslwi 'icha eb' chab'sat yaji. Yujto a eb' cha, ton̈j tznib'j eb' tzq'ue lin̈n leslwoc 'a yol jun tzo'n̈ scapiya, yet' 'a 'aj tzchaj sb'a caye, sec tzlaj yal eb' 'anma wach'l eb'. Wal yel tzwal 'ayex, a yic tzyaln eb' 'anma wach'l eb' cha, atn spac yic eb' chi wan laj schan 'a eb'.

Malaquías 2:13

Ax tic, 'ay wal junx tas tze b'o'o: Caw wal tzlojx 'el yet'l xajmb'al yuj yal e sat eyoq'ui, tzex 'oc' wal si'mb'il yujto man̈xtzac schaj Jehová eyofrenda 'a tzaljc'ojlal.

Am 8:5

Ax tic tzeyal 'ixtic: Comnoc tzjapx q'uin̈ yic tzpa'x 'uj sec 'oj sta'x qui chon̈n qui trigo. Comnoc tzjapx sc'ul 'iljelal muc'uc sec 'oj stac' qui chon̈n sat cawb'en 'a chan̈ stojol, ax qui c'anlb'an quechtab' to man̈ tz'acnoc.

Ez 44:31

Matz tac' scomn chin eb' no ch'ic mto junc no noc' mun tzchami, mto no tzmilx cham yuj yit noc'al.

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Is 57:6

Ex israel, caw wal tzchaj e c'ojl eyaln e b'a 'a eb' e diosal 'a scal q'uen q'uen n̈el-li yilx 'a yoltc sb'e a', a jun tzo'n̈ chi tzeya'ch e diosaloc. A 'a jun tzo'n̈ chi 'aj tze sec 'ejm yal uva, tzeya'n sat eyawb'en ofrendail 'a 'a. ¡Am tzeyutj e nani to ma'oj wa'ch eyailal yuj jun tzo'n̈ tze b'o cha!

Is 1:12

¿Mach xc'ann jun tzo'n̈ chi 'ayex, yuj cha, tzex comn jaw 'a wojltac yet'oc? Ax tz'aji tze comn te'n yamq'uil sti watut.

A Ch'an̈ B'ab'el Libro Samuel 2:29

¿Tas yuj may yel'ch jun tzo'n̈ xajmb'al yet' jun tzo'n̈ ofrenda 'a e sat, atn jun tzo'n̈ tzwac' 'ajxoc 'ayn 'a in cajnub'? ¿Tas yuj cojxn wal ewin onnal tic tza xajnej 'a wib'an̈? Tzeya'n b'a'chb'oc e b'a yuj swach'l yofrenda eb' in chon̈b' tzyac' 'ayin.

Dt 15:21

Palta toto 'ay spaltail no', coxo, mto may yol sat no', mto 'ay tas palta 'a sniwnal no cha, man̈ eyac' no xajmb'al-l 'a Jehová qui Diosalec.

Lv 22:8

An Jehová in, an tzwala. Matz tac' schin schib'jal no noc' mun tzchami, mto junc no tzmilx cham yuj junc no calte'al noc', sec wach' matz yixtj 'el sb'a yuj no chib'j cha.

Lv 6:4

A yic tznan sb'a, to 'ix 'och smul 'a jun tzo'n̈ tic, yowlal tzyac' meltzjoc stojl 'a mach 'ay yico', tzya'n pax junc xo yomacn̈il 'icha stojl jun cha, tzya'n pax junc xajmb'al 'ayn yuj smul tz'och cha.

A Ch'an̈ Schab'l Libro Samuel 24:24

'Ix yaln win rey 'a Arauna 'ixtic: —Yuj wal dios 'ayach, palta yowlal tzin man jun tzo'n̈ tic 'ayach, yujto ma'oj stac' wa'n tz'a xajmb'al 'a Jehová qui Diosalec, toto man̈ manb'ilc wu'uj, xchi David. Yuj cha, 'ix smann David jun te'lab' trigo cha, yet' no wacax, a stojol, 50 q'uen tumn plata xyac' 'a winac.

Is 61:8

A Jehová a tzaln 'ixtic: A tojlal a chi tzin nib'ej, chacb'il 'el eb' 'elc'm wu'uj yet' eb' milm cham 'anma'. Caw yel 'oj wac' 'el'choc tas tzwala, to 'oj wac' spac eyico', ax in b'on pax in trato eyet' 'a jun 'ejmn̈ej.

Os 13:9

'Oj ex wac' satl ax israel ex tic, may xon mach 'oj stac' yi'n 'ec' 'a eyib'an̈.

Malaquías 1:10

Comnoc wal a junc ex tze mac spuertail watut, sec wach' man̈xtzac 'och sc'a'l jun yet'l xajmb'al to wic yaji yujto man̈x 'a yel'chi, an Jehová in, tztac' wuj smasnil, caw wal matz in tzalj eyet'oc, man̈x 'oj in cha pax eyofrenda cha.

Malaquías 2:12

A Jehová tztac' yuj smasnil, comnoc wal tz'el 'a sc'ojl satn 'el smasnil eb' tzb'on jun tzo'n̈ chi 'a qui nacion̈ec tic, wach'xam cob' tzyij cot to eb' xajmb'al 'a Jehová.