Lv 8:6 - Chuj San Sebastian Bible

⁶ Xlajw cha, xyaln Moisés to tzjaw Aarón yet' eb' yunnal 'a stz'ey, xyaln 'a eb' to tz'achn can eb'.

Chuj San Mateo Bible

⁶ Ix lajvi chi' ix yalan vin̈ to snitzcot sb'a vin̈aj Aarón yed' eb' yuninal d'a stz'ey. Ix b'icjiel eb' yuj vin̈.

Lv 8:6 Referans Kwoze

Ef 5:26

yic on̈ yi'nec 'och yico'oc. A yic on̈ 'emc 'a yol a', 'ix 'ijx 'el qui mulc yuj spaxti'.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

Ex 29:4

Tzlajw cha, tze'n 'at Aarón yet' eb' yunnal 'a yol sti Mantiado 'a 'aj tzin chaj in b'a eyet'oc, tzaln 'a eb' to tz'achn can eb' ta'.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Is 1:16

Ax ticnec jun, 'ijec 'el jun tzo'n̈ maysch'olnil chi 'ayex, 'actjec e b'oni, tzeyi'n 'el e b'a 'a scal.

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

Salmos 51:2

B'icl in maysch'olnilal, sacb'tzej in 'a scal in mul,

Salmos 26:6

Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.

Ex 40:12

Tze'n 'at Aarón yet' eb' yunnal 'a yol sti Mantiado cha, tzaln 'a eb', to tz'achn can eb' ta'.

Ex 30:19

Yujto ata 'oj yic' q'uet Aarón yal yet' eb' yunnal, yic 'oj sb'icnc eb' sc'ab' yet' yoc.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Ex 30:20

'Oj mixnjoc can eb' ta', yic 'oj 'och eb' 'a yol Mantiado 'a 'aj tzin chaj in b'a eyet'oc. 'Oj mixnjoc pax eb' 'a yic 'oj c'och eb' 'a stz'ey yet'l xajmb'al yic tz'at ya'nc tz'a eb' ofrenda 'a wojltac, sec wach' ma'oj comn cham eb'.

Lv 8:5

'Ix yaln Moisés 'ixtc 'a smasnil eb' 'anma cha: Atn jun tzo'n̈ tic 'ix yal Jehová to 'oj qui b'o'ec, xchi.

Lv 16:4

Yowlal tz'achn can b'ab'el, 'ixta to b'i'an, tzya'n 'och spichul: atn sjucn pichul, scutin wex, sjal-l snan̈al yet' pax sc'oxl sjolom. A jun tzo'n̈ pichl cha, linon̈ej smasnil, ya'ilb'il yaj sb'o'i.