Lv 8:36 - Chuj San Sebastian Bible

³⁶ 'Ixta 'ix yutj syiclni Aarón yet' eb' yunnal smasnil tas 'ix yac' Jehová yal Moisés 'a eb'.

Chuj San Mateo Bible

³⁶ Icha chi' ix aj sc'anab'ajan vin̈aj Aarón yed' eb' yuninal masanil tas ix schec Jehová yal vin̈aj Moisés chi' d'a eb'.

Lv 8:36 Referans Kwoze

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.

Dt 4:2

Man̈ eya'ch stz'acb' jun tzo'n̈ paxti tic, matz tac' pax eyi'n 'el jab'oc. Yowlal 'oj eyiclc jun tzo'n̈ schecnb'il Jehová qui Diosalec, 'icha wal tzwutj waln 'ayx tic.

Ex 40:16

A Moisés 'ix sb'o 'icha wal xyutj Jehová yaln 'a 'a.

Ex 39:43

A yic xyiln Moisés to caw wach' x'aj 'el'ch sb'o jun tzo'n̈ tic yuj eb', 'icha yaj yaln can Jehová, 'ixta to b'i'an, xyaln can swach' paxti 'a yib'n̈ eb' chon̈b' cha.

Lv 8:35

Yuj cha, uque c'u, uque 'ac'wl tzex can 'a yamq'uil Mantiado tic. Tzeyiclni smasnil jun tzo'n̈ schecnb'il Jehová, sec wach' ma'oj e chami, yujto 'ixta xyutj yaln 'ayin, xchi Moisés 'a eb'.

Lv 9:1

Ax 'a yucb'ixial yoch Aarón 'a yopiso, 'ix 'awtx yuj Moisés yet' eb' yunnal, yet' eb' yichmtac wincal chon̈b' Israel.

Lv 8:9

Xlajw cha, xya'n q'ue sc'oxl sjolom, ax 'a yib'n̈ snan̈l sat, ata xya'ch jun q'uen placa nab'a oro. A tzch'oxni chajtlto sic'b'il 'el ya'malc 'och sti eb' 'anma 'a Dios, 'icha wal xyutj Jehová yaln 'a Moisés.