Lv 7:8 - Chuj San Sebastian Bible

⁸ An̈jtona', yic pax win tz'ajcn stz'umal junc no xajmb'al tz'ajx tz'a yuj smul junc 'anma cha.

Chuj San Mateo Bible

⁸ An̈ejton pax a' stz'umal jun noc' silab' stz'a syac' eb' anima chi', yic vin̈ sacerdote chi' tz'ajcani.

Lv 7:8 Referans Kwoze

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

Nm 19:5

Tzlajw cha, tz'ajx tz'a no wacx chi 'a yojltac Eleazar cha, tz'a pax no stz'umal, no schib'jal, no schiq'uil yet' no stza'.

Lv 4:11

Palta ax stz'umal no wacx cha, yet' smasnil schib'jal no', junn̈j tz'aj yet' no sjolom, no xub', no yoc, no yol sc'ojol, yet' pax stza no',

Lv 1:6

A mach 'ay yic no noc' cha, a tzpatz'n 'el stz'umal no', tzcotc tzu'n 'at schib'jal no'.

Ex 29:14

Palta ax schib'jal no wacx cha, no stz'umal yet' no stza', ata tza n̈ustz'a 'a sti 'el camplamento, yujto a jun tic, xajmb'al yic tz'ajx lajwc mul.

Gn 3:21

'Ix sb'o Jehová Dios stz'umal no noc' spichloc win winc yet' yistzil, 'ix ya'n 'och spichloc eb'.

Lv 7:7

A no xajmb'al yic stojl mul, lajnn̈ej yel'ch yet' no xajmb'al yic tz'ajx lajwc mul. A no chib'j yic jun tzo'n̈ xajmb'al cha, yic win ya'mal 'och sti eb' 'anma chi yaji.

Lv 7:9

'Ixta pax smasnil ofrenda mayb'il 'a yol jorna, mto 'a yol chen, mto 'a yol xalten, yicn̈ej win tz'aji, atn win tz'a'n 'och jun ofrenda chi 'a wojltac.

Dt 18:8

Tzchan pax tas tzc'ux 'icha yechl tas tz'ajx 'a eb' 'ayc' xon cha, yet' pax smacl tzchaj 'a smam.