Lv 7:31 - Chuj San Sebastian Bible

³¹ A no xepu cha, tz'ajx tz'a no 'a yib'n̈ yet'l xajmb'al yuj win ya'mal 'och sti eb' 'anma', ax no sn̈i sc'ojl cha, yic Aarón yaj no yet' eb' yunnal.

Chuj San Mateo Bible

³¹ A noc' xepu' chi' sn̈usjitz'a d'a altar yuj junoc sacerdote, axo noc' sn̈i' sc'ool, yic vin̈aj Aarón yed' eb' yuninal yaj noc'.

Lv 7:31 Referans Kwoze

Lv 7:34

A no sn̈i sc'ojl tzb'achx 'och 'a wojltac yet' no xub' 'a swach' cha, an tzwac' no 'a Aarón yet' 'a eb' yin̈til. A jun tzo'n̈ tic yicn̈ej eb' yaj 'a no xajmb'al yic junc'ojlal tzyac' eb' israel 'ayin, xchi Dios 'a Moisés.

Lv 3:16

Tzlajw cha, ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxxi to tz'ajx tz'a 'a wojltac an Jehová in. An tic, wicn̈ej yaj smasnil xepual no noc' tz'ajx xajmb'alil.

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

Lv 3:5

Ax win ya'mal 'och sti eb' 'anma cha, a win tz'a'n tz'a smasnil 'a yib'n̈ yet'l xajmb'al, junn̈j tz'aj stz'a yet' no xajmb'al wan stz'a 'a yib'n̈ te c'atztz cha. A jun xajmb'al cha, caw wach' sjab' tzwab' an Jehová in.

Nm 18:18

Ec tz'aj no schib'jal cha, no sn̈i sc'ojol, yet' no xub' 'a swach', yujto a jun xajmb'al cha, to niwn yel'chi.

Lv 8:29

'Ix yi'n pax cot Moisés sn̈i sc'ojl no mam calnelu cha, no x'ajx yic yochnb'ilc eb' 'a yopiso, xit' sb'achnc 'och 'a yojltac Jehová. A jun chib'j cha, xyij can yico'oc, yujto 'ixta xyutj Jehová yaln 'a 'a.

Lv 6:26

A win ya'mal 'och sti eb' 'anma cha, a tz'a'n jun xajmb'al cha, yuj yajx lajwc mul, tztac' schin win jac no', palta ata tzchi win no 'a jun lugar to wicn̈ej yaji, atn 'a yamq'uil Mantiado 'aj tzin chaj in b'a eyet'oc.

Lv 6:16

Ax jantc to ofrenda tzcani, 'oj sc'ux Aarón yet' eb' yunnal. A yic tzb'o'i, may yich tz'ejmi. Ata 'oj sc'ux eb' 'a yamq'uil Mantiado 'aj tzin chaj in b'a eyet'oc.

Lv 5:13

'Ixta tzyutj win ya'mal 'och sti eb' 'anma sb'on jun xajmb'al cha, yuj yajx lajwc can smul jun 'anma cha. A jantc to tas tzcani, yic win tz'ajcni, 'icha tzyac' yet' jun tzo'n̈ xo tas tzc'uxxi, xchi Dios 'a Moisés.

1 Co 9:13

Eyojc xoni, a eb' tzmunlj 'a yatut Dios, ata tzchaj eb' tas tzc'uxu. Yujto a eb' 'ay yopiso ya'n xajmb'al, 'ay yaln eb' yic schin schib'jal no noc' chi tzyac' eb' xajmb'al-l cha.

Ex 29:26

A no mam calnelu tzc'anx yuj yic tz'och Aarón 'a yopiso, tzej can 'elt sn̈i sc'ojl no cha. Tza b'achn 'och 'a wojltac an Jehová in, yujto ec tz'ajcn junc'aj no chib'j cha.

Nm 18:11

Tzwa'n jun tzo'n̈ xo tic 'aych yet' eb' onnal, eb' esil yet' 'a smasnil eb' 'ayc' et'oc, atn jun tzo'n̈ ofrenda tzya'ch eb' israel 'a wojltac. A jun tic ley tz'ajcn 'ayx 'a smasnil tiempo. Tzann̈j junc ecan 'ayc' et'oc, cojn toto wach' yaj 'icha yaln ley, tztac' sc'uxn eb' jun tzo'n̈ xajmb'al cha.

Dt 18:3

A eb' ya'mal 'och sti eb' 'anma', a tas smacl eb' yaji a chi tz'ijx can 'el 'a no wacax, yet' 'a no calnelu tz'ajx yuj eb' 'anma xajmb'alil. A jun tzo'n̈ tz'elcn cha, atn tic: no squelab', no yaln̈ sti', yet' no stzucutz.