Lv 7:18 - Chuj San Sebastian Bible

¹⁸ A mach tzchin no xajmb'al chi 'a schab'jial, a jun xajmb'al cha, man̈xtzac chaxi, man̈xtzac 'och yopiso. A jun cha, man̈ wach'c tz'ajcn 'a in sat, yuj cha, a mach tzchin jun chib'j cha, tzcan jun mul chi 'a yib'an̈.

Chuj San Mateo Bible

¹⁸ Tato ay mach schi'an jun noc' silab' chi' d'a schab'jial, a jun silab' chi' maxtzac chajilaj, maxtzac ochpaxlaj yopisio. A jun chi' man̈ vach'oc tz'ajcan d'a yol sat Jehová. Yuj chi' a mach schi'an jun chi', scan jun mul chi' d'a yib'an̈.

Lv 7:18 Referans Kwoze

Nm 18:27

A jun tzyac' eb' 'ayn cha, lajn wal tzyutj eb' ya'n 'icha tzyutj eb' yit chon̈b' eb' ya'n sdiesmoal strigo yet' yal uva.

Lv 22:25

Man̈ e cha jun tzo'n̈ no noc' 'ixta yaj 'a eb' chuc chon̈b'al, yic tzeya'n no xajmb'al-l 'ayin, yujto a jun tzo'n̈ noc' 'ixta yaj cha, man̈ tz'acnoc e no', yuj cha, man̈ chab'ilc e no wu'uj, xchi Dios, xa chi 'a eb', xchi Dios 'a Moisés.

Lv 11:41

Man̈ e chi smasnil no noc' tzjucsb'a 'a sat lu'um, wach'xam no tzb'ey yet' schan̈l yoc, mto no niwn yoc. A jun tzo'n̈ noc' cha, yajb'il 'el no'.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

Ro 4:11

Palta c'ojnc'ojnilt chab'il jun circuncisión chi yuj winac. A jun cha, ch'oxnb'il yaji, chajtlto wach' win 'a sat Dios, yujn̈ej to ya'jnac 'och win sc'ojl 'a Dios, yic mantzac 'ajx 'och jun senya chi 'a winac. Yuj cha, a win mamb'il yaj 'a jantcn̈ej eb' man̈ 'ac'b'ilc circuncidar, toto tzya'ch eb' sc'ojl 'a Dios. Mamb'il yaj 'a eb' yujto wach' pax eb' 'a sat yet' winac.

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Malaquías 1:13

'In tzeyal 'ixtic: Caw tzon̈ tzactzj c'och yet' jun tzo'n̈ tic, xe chi, tzin e patquiln can 'eli. Tzeya'n pax cob' e xajmb'al chi 'ayin, a no noc' 'elc'b'il eyu'uj, no wecchjnac, yet' no ya'ay, a chi tzeyac'a. ¿Tom 'oj in cha jun tzo'n̈ chi 'ayx e nani?

Malaquías 1:10

Comnoc wal a junc ex tze mac spuertail watut, sec wach' man̈xtzac 'och sc'a'l jun yet'l xajmb'al to wic yaji yujto man̈x 'a yel'chi, an Jehová in, tztac' wuj smasnil, caw wal matz in tzalj eyet'oc, man̈x 'oj in cha pax eyofrenda cha.

Am 5:22

Matz in nib'j jun tzo'n̈ e xajmb'al tzeyac' 'ayin, yic cob' tzin eyi'n chan̈ eyalni. Matz in nib'j pax 'ixm trigo tzeyac' eyofrendaoc. Matz in chaj pax no quelmtac wacx caw b'a'ch tzeyac' xajmb'al-l 'ayn yic junc'ojlal.

Os 8:13

Xlaj yac' eb' xajmb'al 'ayin, xlaj schinc eb' no', palta matz in tzalj yet' eb'. Nann̈ej smul eb' wu'uj, yuj cha, 'oj wa'chn̈ej syailal eb'. 'Oj wa'x meltzjoc eb' jun 'ejm xo 'a Egipto.

Ez 18:20

A mach tz'och smul, a tzchami. A win 'unnab'il, matz tac' scham win yuj smul smam. 'Ixta pax win mamb'il cha, matz tac' scham win yuj smul yunnal. A mach tojl tas tzb'o'o, wach' spac 'oj scha'; ax mach maysch'olnil tas tzb'o'o, maysch'olnil tas 'oj scha sb'a yet'oc.

Jeremías 14:12

Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

Jeremías 14:10

Atn jun tzo'n̈ tic 'ix yal Jehová yuj eb' israel: A wal eb' 'anma 'a jun chon̈b' tic, caw 'ay stzaljc'ojlal eb' sb'eyq'ui. Tz'at eb' 'a jun, tz'at eb' 'a jun. Yuj cha, caw matz in tzalj yet' eb'. A ticnec 'oj in na cot smaysch'olnilal eb', ax in b'eyc'ojlan tas tzb'o junjn eb', xchi Dios.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Is 65:4

Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.

Lv 22:23

Toto ton̈j tz'el 'a e c'ojl eya'n junc xajmb'al, tztac' cab' eya'n junc no man̈ lajnocn̈ej yoc, palta toto xajmb'al yic tzeya'n 'el'choc junc e ti', a jun tzo'n̈ noc' cha, man̈ chab'ilc 'ayex.

Lv 22:16

Toto comn xoj tze chaj c'uxxoc, ax jun mul cha, matz can 'a yib'n̈ eb' tzc'uxn cha, palta to a 'a eyib'n̈ tzcani. A mach tzc'uxn cha, yowlal pax tztojo, yujto scomn c'uxej. An Jehová in, an tzwala, to wic yaj jun tzo'n̈ cha, xchi Dios.

Lv 20:19

May cab' mach tzb'on 'ajmulal yet' yanb' smam, mto snul'j snun, yujto tzyij 'el sq'uixwel mach yican to sb'a yet'oc, tzcann̈j smul eb' chi 'a yib'n̈ schawn̈il.

Lv 20:17

Toto 'ay junc winc tz'och yanb' yistziloc, yanb' yuj smam mto yuj snun, 'ayx mul tzb'o eb', wal 'a sat eb' chon̈b' chi smasnil, tzcham eb' schawn̈il. Mun a eb' tzyij cot chaml 'a yib'an̈, yujto a mach tzb'on 'ajmulal yet' yanab', yel xo wal q'uixweltac.

Lv 17:16

Palta toto matz ju'l spichul, mto matz 'achn paxi, a jun 'anma cha, tzcann̈j smul chi 'a yib'an̈, xchi Dios.

Lv 10:19

'Ix ta'w Aarón 'ixtc 'a Moisés: —A ticnec, 'ix yac' eb' xajmb'al 'a yojltac Jehová, yuj yajx lajwc mul, yet' no xajmb'al tz'ajx tz'a smasnil. Toxn̈ej am 'ixta', palta 'ilt wal tas 'ix jaw 'a wib'an̈. Q'uinloc xin chi no xajmb'al x'ajx yuj mul cha, ¿yamto wal wach' 'a sat Jehová? xchi Aarón cha.

Lv 10:17

¿Tas yuj ma'ix e chi no xajmb'al 'a yamq'uil Mantiado? A jun xajmb'al cha, yicn̈ej Jehová yaji. Yuj cha, xya'n no 'ayex, yujto a yic tze chin no', tze cuchn can smul eb' chon̈ab', sec 'ixta wal tzyutj Jehová ya'n lajwc can smul eb' cha.

Lv 5:17

Q'uinloc 'ay junc mach tz'och smul 'a tas to man̈ smojc sb'on 'a jun tzo'n̈ in checnb'il an Jehová in 'ix wac' 'aych tic, wach'xam man̈ sc'anc sc'ojol, a jun cha, tz'och smuloc.

Lv 7:19

Toto 'ay no chib'j yic junc xajmb'al chi tztench sb'a 'a junc mach man̈ wach'c yaj 'icha yaln sleyal, man̈xtzac stac' schix jun xajmb'al cha, palta toxn̈ej tz'ajx tz'a'oc. Tzann̈j mach wach' yaj sacb'tzan sb'a 'icha yaln sleyal, tztac' schin jun xajmb'al cha.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Lv 19:5

A yic tzeya'n e xajmb'al yic junc'ojlal 'ayin, tzeyiclj 'icha wal sleyal, sec 'oj in cha 'ayex.