Lv 4:3 - Chuj San Sebastian Bible

³ Q'uinloc a win sat ya'mal 'och sti eb' 'anma tz'och smul, a smul cha tz'och pax smulc eb' chon̈ab'. Toto 'ixta', yowlal tzyac' win junc no quelm wacx may spaltail xajmb'al-l 'ayn an Jehová in yuj smul cha.

Chuj San Mateo Bible

³ Tato a vin̈ sat sacerdote tz'och smul ayic ayoch vin̈ d'a yopisio, a smul vin̈ chi' tz'empax d'a yib'an̈ eb' chon̈ab', yovalil syac' junoc noc' quelem vacax vin̈ silab'oc d'a Jehová yuj smul chi'. A noc' vacax syac' vin̈ chi', a noc' malaj jab'oc spaltail.

Lv 4:3 Referans Kwoze

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Lv 9:2

'Ix yaln 'a Aarón 'ixtic: 'Ij cot junc no quelm wacax, yic tz'och no xajmb'al-l yuj yajx lajwc a mul, yet' junc no mam calnelu, tza'n tz'a no xajmb'alil, no may spaltail, tz'a'n 'och no 'a yojltac Jehová.

Lv 4:14

A yic tzyiln cot sb'a eb' chajtlto x'och smul eb', yowlal tzyac' eb' junc no quelm wacx xajmb'al-l yuj smul chi smasnil. Tzyij cot eb' no 'a yamq'uil Mantiado 'a 'aj tzin chaj in b'a eyet'oc.

A Ch'an̈ Carta D'a Eb' Hebreo 5:3

A eb' sat ya'mal 'och sti eb' israel 'a Dios cha, 'anman̈ej eb'. Yuj cha, yowlal tzyac' pax eb' xajmb'al yuj smul, 'icha tzyac' eb' yuj eb' yit 'anma'il.

Esdras 8:35

Ax qui masnil on̈ paxt 'a Babilonia cha, xcac' qui xajmb'al to tz'a smasnil 'a qui Diosalec: lajchwan̈ no quelm wacx xcac' cuj qui masnil an̈ israel on̈ tic, 96 no mam calnelu, 77 no quelm calnelu. 'Ix ca'n pax lajchwan̈ no mam chiwo xajmb'alil yic tz'ajx lajwc qui mul. Smasnil jun tzo'n̈ cha, 'ix cac' tz'a 'a yojltac Jehová.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Ez 43:19

An Jehová in, an tzwal 'ixtic: A eb' ya'mal 'och sti eb' 'anma', atn eb' yin̈tl can win Sadoc, eb' tzin 'a'n servil, a eb' tz'a'n tz'a junc no quelm wacx xajmb'al-l 'ayn yuj ya'n lajwc mul.

Ex 29:21

Ax schic'l no tzcan 'a yib'n̈ jun yet'l xajmb'al cha, tzac' scalc sb'a yet' jac perjuma tzc'anx 'a yic 'ay junc tas tz'och wico'oc. Tza tzicn 'och 'a Aarón yet' spichul. Tza'n pax 'och 'a eb' yunnal yet' spichul, sec 'ixta tz'aj eb' yochcn wico'oc yet' spichl cha.

Ex 29:14

Palta ax schib'jal no wacx cha, no stz'umal yet' no stza', ata tza n̈ustz'a 'a sti 'el camplamento, yujto a jun tic, xajmb'al yic tz'ajx lajwc mul.

Ex 29:7

Tze'n cot jun perjuma tzc'anxi yic 'ay junc mach tz'ochcn wico'oc, tza secnq'ue 'a sjolm Aarón, sec tz'ochcn yopiso ya'malc 'och sti eb' 'anma 'ayin.

Nm 8:8

Tzlajw cha, tzyi'n cot eb' junc no quelm wacax yet' jac 'ixm harina caw wach' calb'il yet' aceite, yic tzya'n eb' yofrendail 'ixm trigo, tz'ajx pax junc xo no quelm wacx xajmb'al-l yuj mul.

Lv 16:11

A yic lista xo yaj no smasnil, tzmiln Aarón no quelm wacx cha yic tzya'n no xajmb'al-l yuj smul, yet' pax yuj yic eb' 'ayc' 'a yol yatut, sec 'oj 'ajxc lajwc smul eb'.

Lv 16:6

Tzyi'n cot Aarón no quelm wacx yic tz'och no xajmb'al-l yuj smul yet' yuj eb' yic 'ayc' 'a yol yatut.

Lv 8:12

Xlajw cha, xya'n pax q'ue Moisés perjuma 'a sjolm Aarón, yuj yochcn ya'malc 'och sti eb' 'anma 'a Dios.

Lv 5:6

Tztac' ya'n jun 'anma chi junc no nun calnelu mto junc no nun chiwo xajmb'al-l 'ayn an Jehová in, yuj smul cha. A yuj jun xajmb'al cha, ax yajx can lajwc smul jun 'anma cha.

Ex 30:10

A jun yet'l xajmb'al cha, to wicn̈ej yaji. 'A junjn ab'il tzsucn 'och Aarón chic' 'a sch'ac jun yet'l xajmb'al cha, atn schic'l no xajmb'al 'oj a'nc lajwc smasnil mul. 'A junjn ab'il 'oj sb'o eb' jun chi 'a smasnil tiempo, xchi Dios.

A Ch'an̈ Carta D'a Eb' Hebreo 9:12

'Ochnc xo Cristo 'a jun Lugar to cojn Dios 'ay yico'. Palta man̈oc schic'l no quelm chiwo, no quelm wacx ya'jnac xajmb'alil. Caw a schic'l ya'jnac xajmb'alil. Yuj cha, yochcn c'och ta 'a jun 'ejmn̈ej. Ya'jnac ganar qui colnb'ilec 'a jun 'ejmn̈ej.

Lv 4:5

Tzyi'n cot win jac schic'l no', tzya'n can 'och 'a yol Mantiado cha.

Lv 4:23

A yic tznachj 'el yu'uj chajtlto x'och smul, yowlal tzyij cot junc no mam chiwo xajmb'alil, junc no may spaltail.

Lv 4:28

a yic tznachj 'el yu'uj chajtlto x'och smul, yowlal tzyij cot junc no nun chiwo may spaltail, yuj ya'n xajmb'al-l 'ayn yuj smul tz'och cha.

Nm 16:22

A yic xyab'n Moisés yet' Aarón jun paxti cha, 'ix 'em n̈ojn eb' 'a sat lu'um, 'ix yaln eb' 'ixtic: —Mamin, ach ton wal tzac' sq'uinl smasnil 'anma', ¿tom tztac' scot owl 'a yib'n̈ smasnil eb' a chon̈b' tic yuj smul junc win winac? xchi eb'.

2 Cr 29:21

Yet' eb' ucwn̈ no quelm wacax, ucwn̈ no mam calnelu, ucwn̈ no quelm calnelu, yet' pax ucwn̈ no cotc chiwo, yuj yajx no xajmb'alil, yic tz'ajx lajwc smul eb' syajlil chon̈ab', yet' eb' 'aj Judá, yet' yuj sacb'tzax yatut Jehová. Xlajw cha, xyaln win rey 'a eb' ya'mal 'och sti eb' 'anma 'a Dios, atn eb' yin̈tl Aarón, to tzyac' eb' xajmb'al to tz'a smasnil 'a yib'n̈ yet'l xajmb'al to yic Jehová.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Lv 6:18

A jun cha, 'oj b'on̈j 'a smasnil tiempo. A ofrenda to wic yaji, tz'ajx tz'a'oc, tzta'n̈j sc'uxn ewin yin̈tl Aarón. Tzann̈j junc tas tztench sb'a 'a jun tzo'n̈ ofrenda cha, wic tz'ajcni, xchi Dios 'a Moisés.

Lv 9:3

Tzaln pax yab' eb' quit chon̈b' tic, to tzyij cot eb' junc no chiwo xajmb'alil, sec tz'ajx lajwc smul eb'. Tzyi'n pax cot eb' junc no quelm wacax, yet' junc no quelm calnelu jun ab'il sq'uinal, no may spaltail, yic tz'ajx tz'a no xajmb'alil.

Lv 16:3

A yic 'oj 'och Aarón 'a yol jun cuarto cha, yowlal tzyij cot junc no quelm wacx xajmb'al-l 'ayn yuj ya'n lajwc smul, tzyi'n cot pax junc no mam calnelu yic tz'a no xajmb'alil.

Lv 16:5

A pax eb' eyit israelal jun, tzyij cot eb' chawn̈oc no mam chiwo yic tz'och no xajmb'al-l yuj smul eb' yet' junc mam calnelu yic tz'ajx tz'a'oc.

Ez 40:39

Ax 'a yojl 'och cha, ata 'ay chan̈e niwc mexa, cha'chb' 'a junjn pac'. A 'a yib'n̈ te mexa chi tzmilx no xajmb'al tz'ajx tz'a'oc yet' no tz'och stojloc mul.

Ez 44:27

'ixta to b'i'an, tz'ochx 'a yamq'uil sti watut cha. Yowlal tzyac' junc xajmb'al 'ayn ta', yic tz'ajx lajwc smul, tzlajw cha, tzin ya'n pax servil.