Lv 3:2 - Chuj San Sebastian Bible

² A mach tz'a'n jun xajmb'al cha, tzyij cot 'a yamq'uil Mantiado 'a 'aj tzin chaj in b'a eyet'oc. Tzyac' q'ue sc'ab' 'a sjolm no', tzlajw cha, tzmiln cham no'. Ax junc eb' yunnal Aarón, a tzicn 'och schic'l no 'a schan̈paq'uil jun yet'l xajmb'al cha.

Chuj San Mateo Bible

² Ayic tzeyac'an junoc ofrenda chi', tzeyic'b'at noc' d'a yichan̈ mantiado b'aj sch'ox sb'a Jehová. Ata' tzeyac'q'ue e c'ab' d'a sjolom noc', slajvi chi' tze milancham noc'. Axo junoc eb' vin̈ sacerdote stzicanoch schiq'uil noc' d'a schan̈il pac'an̈ altar.

Lv 3:2 Referans Kwoze

Ex 29:10

Tzlajw cha, tze'n 'at no quelm wacx chi 'a 'aj 'ay Mantiado 'a 'aj tzin chaj in b'a eyet'oc, sec wach' tzyac'q'ue Aarón sc'ab' yet' eb' yunnal 'a sjolm no wacx cha.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Tas Sc'ulejnac Eb' Schecab' Jesús Hechos 3:26

A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.

A Tas Sc'ulejnac Eb' Schecab' Jesús Hechos 3:15

'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Lv 8:22

'Ix ya'n Moisés 'ijxoc cot junx no mam calnelu cha, no tzc'anlb'ax 'a yic yochnb'il eb' 'a yopiso. Ax Aarón yet' eb' yunnal xyac' q'ue sc'ab' 'a sjolm no'.

Lv 1:11

A 'a stojlal norte 'a jun yet'l xajmb'al cha, ata tzmilx cham no 'a wojltac, ax eb' yunnal Aarón, a eb' tzicn 'och schic'l no 'a yib'an̈ yet' 'a schan̈paq'uil jun yet'l xajmb'al cha.

Ex 29:11

A 'a yojltac 'elt Mantiado, ata tza mil cham no quelm wacx chi 'a wojltac.

Ex 29:16

Tzlajw cha, tza miln cham no', ax schic'l no', tza tzicb't 'a yib'an̈ yet' 'a schan̈paq'uil jun yet'l xajmb'al cha.

Lv 3:3

A mach tz'a'n jun xajmb'al cha, yowlal tzyij 'el jun tzo'n̈ tic 'a no' yic tzya'n tz'a 'a wojltac: Smasnil xepual no yol sc'ojol,

Lv 3:8

a mach tz'a'n jun xajmb'al cha, tzyac' q'ue sc'ab' 'a sjolm no', tzlajw cha, tzmiln cham no 'a yamq'uil Mantiado cha. Ax junc eb' yunnal Aarón cha, a tzicn 'och schic'l no 'a schan̈paq'uil jun yet'l xajmb'al cha.

Nm 18:17

Palta man̈ a cha jelxc sb'ab'l 'une no wacax, no calnelu yet' no chiwo. Yujto a jun tzo'n̈ noc' cha, to wic yaji. Yowlal tza mil cham no', tza secn q'ue schic'l no 'a yib'n̈ yet'l xajmb'al, ax xepual no', tza n̈us tz'a 'a wojltac, yujto su'q'ui sjab' tzwab'i.

Ex 29:15

Tze'n cot junc no mam calnelu cha, ax Aarón yet' eb' yunnal, 'oj ya'q'ue eb' sc'ab' 'a sjolm no'.

Ex 29:19

Tze'n cot junx no mam calnelu cha, ax Aarón yet' eb' yunnal, tzya'n pax q'ue eb' sc'ab' 'a sjolm no'.

Lv 17:3

Tzann̈j israelal tzmiln junc no wacax, junc calnelu, mto junc no chiwo 'a spatquil 'eli mto 'a yojl 'oxt camplamento yic tzya'n xamb'al-l 'ayn snani,

Lv 17:4

toto man̈oc ta tzmil 'a yamq'uil Mantiado 'aj tzin chaj in b'a eyet'oc, a jun 'anma cha, yowlal tz'ijx 'el 'a e cal. A jun chi tzcochcn smuloc, yujto ton̈j tz'elcn schic'l no noc' chi yuj ta'.