Lv 27:8 - Chuj San Sebastian Bible

⁸ Palta toto caw meb'a junc 'anma cha, matz techj ya'n jun tojlb'al cha, a jun 'anma cha, tz'ijx cot 'a yojltac win ya'mal 'och sti eb' 'anma 'ayin, ax win tznani jantc wal tztechj ya'ni.

Chuj San Mateo Bible

⁸ Tato ay junoc anima yelxo val meb'a' jun, max yal-laj yac'an icha sb'isul q'uen to chequel yaj chi', tz'ic'chajcot d'a yichan̈ junoc vin̈ sacerdote, snaji jantac val syal yac'ani.

Lv 27:8 Referans Kwoze

Mr 14:7

A eb' meb'a xeyal cha, 'ayc'n̈ej eb' eyet'oc. A yic tze nib'j tzeyac' junc tas 'a eb', tztac' e colwjn̈ej 'a eb'. Palta an xo tic, man̈ in 'ayc 'ec'n̈ej eyet'oc.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

Jeremías 5:7

Yuj cha, tzyaln Jehová 'ixtic: ¿Tas to wal 'oj wutc wa'n niwnc'ojlal 'ayex? A eb' eyunnal, caw in yactj can eb', tzb'inan eb' jun tzo'n̈ sdiosal to man̈ diosoc. 'Ix wac' b'ut'joc eb' si'mb'il, palta ma'ix syiclj eb' 'ayin. An̈ja sb'on eb' 'ajmulal, axn̈ej 'a yatut eb' 'ix 'ajmul 'ix tzlaj syam sb'a eb'.

Lv 12:8

Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.

Lv 5:11

Q'uinloc may stumn jun 'anma chi smann chawn̈oc no cowojte', mto no parama cha, to 'ixta', yowlal tzyij cot chan̈e'oc libra 'ixm harina caw wach'. Matz 'ajx 'och aceite 'a scal, matz 'em pax incienso 'a yib'an̈, yujto xajmb'al yic mul yaji.

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Lv 27:7

Ax pax yuj eb' 'ichm 'anma 'ec'b'alx 'a 60 ab'il sq'uinal, toto winac, olajn̈e q'uen tumn plata chi tz'ajx yu'uj, ax yuj eb' 'ix, cojn lajn̈e q'uen tumn plata tz'ajx yu'uj.

Lv 27:9

A pax yuj e no noc' tz'ajx xajmb'al-l 'ayn an Jehová in, a smasnil no tz'ajx 'ayin, checl cab' tz'ajcn no'.

A Ch'an̈ Schab'il Libro Yic Yab'ixal Eb' Rey 7:5

A yic 'ix 'em nummoc sq'uic'b'i, 'ix q'ue wan eb', 'ix 'at eb' 'a scamplamento eb' sirio cha. Ax yic 'ix c'och eb', 'ix yiln eb' man̈x 'a junc mach 'ayq'ui.