Lv 27:17 - Chuj San Sebastian Bible

¹⁷ Toto tz'ajx lum lum chi wico'oc 'a yic 'ayx yab'lil yel junc tas 'a libre, jun 'ejmn̈ej tzcan stojl lum 'icha tz'aj snax can 'el cha.

Chuj San Mateo Bible

¹⁷ Tato tz'ac'ji lum luum chi' d'a yol yab'ilal yoch q'uin̈ yic tz'el tas d'a libre, scanxon̈ej stojol lum icha ix aj snajican chi'.

Lv 27:17 Referans Kwoze

Lv 27:14

A yic 'ay mach tznib'j yac' junc yatut ofrendail 'ayn an Jehová in, a cab' win ya'mal 'och sti eb' 'anma cha, a tz'at 'ilnoc jun n̈a cha, tznan 'eli jantc stojol. A tzyal yilx 'och jun n̈a cha, 'ixta cab' tz'ajcn stojl cha.

Lv 27:16

Toto 'ay mach tz'el 'a sc'ojl ya'n wico'oc jun c'ajoc slum an Jehová in, yowlal tznaxi jantc stojol, a tzyal jantc 'in̈t tz'awx 'a lu'um. A 'a junjn b'aln̈e arroba 'in̈t cebada tz'ejm 'a lu'um, ata tz'ajx 50 q'uen tumn plata stojloc lu'um.

Lv 27:18

Palta toto 'e'nc xo jun ab'il cha, yic tz'ajx to lum 'ayin, ax win ya'mal 'och sti eb' 'anma cha, a win tznan 'eli, jantc q'uen tumn plata chi smoj yajxi, tz'ijx 'emt jac stojl lu'um, a tzyal jaye xoj ab'il yelx can lum 'a libre.

Lv 25:9

A 'a lajn̈e yoch yucl 'uj, atn sc'ul yic tz'ajx lajwc mul, ata tzeyutz'j no ch'ac calnelu 'a smasnil yol e chon̈ab'.

Lv 25:10

Ax 'a ab'il cincuenta, ata tzeyala, to niwn yel'ch jun ab'il cha, yujto ata tz'el smasnil tas 'a libre. Ata tz'el eb' 'anma 'a libre eb' schon̈jnac 'och sb'a mosoal, sec tztac' spax eb' 'a scal eb' yican 'a yol schon̈ab'. An̈jtona eb' schon̈jnac 'el slu'um, ata tztac' smeltzj can pax lum yico'oc eb'.

Lv 25:11

A jun ab'il cincuenta cha, eyic yaj ax israel ex tic, ata tzex 'el 'a libre. A 'a jun ab'il cha, may cab' tas tzeyawej, man̈ e pol pax 'ixm trigo mun tzpac' 'a sat lum lu'um, man̈ e mesl pax sc'ab' te uva, may pax ch'inn̈j sat 'awb'ente tze b'o'o.

Lv 25:13

A 'a yic jun ab'il cha, ata tze chaj pax e lum to eyic xon yaji.