Lv 26:39 - Chuj San Sebastian Bible

³⁹ Ax jaywn̈ocx eb' eyin̈tl pitznto 'a scal eb' 'ajc'ojl cha, 'oj wach' cham eb' yuj smul, yet' pax yuj e mul ax mamb'ilx tic.

Chuj San Mateo Bible

³⁹ A mach d'a scal eb' eyin̈tilal pitzantocanec' d'a schon̈ab' eb' eyajc'ol chi', ata' ol cham eb' yujn̈ej schucal, yuj pax smul eb' smam yicham eb'.

Lv 26:39 Referans Kwoze

Ez 4:17

Sec ax yic 'oj lajwc 'ejm tas tzc'ux eb' cha, yet' yal eb' tzyuq'uej, toxn̈ej 'oj laj yilch sb'a junjn eb', yujto 'oj laj xiw junjn eb' 'a 'a. 'Ixta 'oj 'aj sc'un lajw 'ejm eb' yuj smul cha, xchi 'ayin.

Ez 33:10

Xyaln pax 'ayn 'ixtic: Ach 'anma', al yab' eb' et israelal, toto 'ay eb' tzaln 'ixtic: An̈ tic caw wal xniwtj qui mul, yuj cha, caw wal tzon̈ lajw 'el tzquila. ¿Tas wal to 'oj cutc qui b'a? toto xchi eb'.

Ez 24:23

Man̈ eyi'l sc'oxl e jolom, man̈ eyi'l e xan̈ab', man̈ e ch'oxl e cusc'ojlal cha, man̈ ex 'oc'oc. Mun 'oj c'un 'el eyip yuj jun tzo'n̈ e mul cha, ax scus chan̈ e c'ojl junjn ex.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Dt 28:65

Ya' sb'a 'ayx 'ec' 'a jun tzo'n̈ nacion̈ cha, may xon jac e tzaljc'ojlal ta', ma'oj eyilj xon jab'oc, yujto a Jehová 'oj 'a'n jawc e xiwc'ojlal, caw cusltac yilx e sat yuj somc'ojlal.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Zacarías 10:9

Wa'jnac sactzic can 'at eb' 'a scal jun tzo'n̈ nacion̈. Wach'xam najt 'ay eb', palta 'oj in sna cot eb'. 'Ay wal jun c'ual 'oj meltzjc paxt eb' yet' yunnal.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Ez 36:31

A yic 'oj e nanc cot e tu b'eyb'al cha, mto e mul, ax eyiln cot e b'a, to maysch'olnil tas e b'ojnac, ax eyecn q'uixwc e b'a yuj tas maysch'olnil tze b'o cha.

Ez 20:43

Axta 'oj e na coti, to caw maysch'olnil e b'eyb'al, 'oj eyojcoc 'eli to 'ix 'och e mul. 'Oj syaj sb'a e c'ojl yuj tas xe b'o cha.

Ez 18:19

Toto 'ay eb' 'oj c'anb'noc 'ayx 'ixtic: ¿Tas yuj man̈ locnoc win 'unnab'il tic xcham yuj smul smam cha? toto schi eb', tzeyalni to a win 'unnab'il cha, tojl tas tzb'o'o. Yiclum tzyutj sb'a 'a in ley, tzb'eylb'an in checnb'il, yuj cha, tznajtxb'i sq'uinal.

Lm 4:9

Yel xo wach' yic eb' 'anma chamnc yuj owal, 'a yib'n̈ pax eb' tzcham yuj wejel, yujto c'ojnc'ojnil scham eb', yujto man̈x 'a tas wach' sc'uxn eb'.

Jeremías 31:29

A 'a yic jun tiempoal cha, man̈x 'oj yal eb' 'anma 'ixtic: A eb' mamb'il, 'ix slo eb' te paj uva, ax eb' 'unnab'il, caw quichcni s'at spajl te 'a yib' ye eb', man̈ xchic eb'.

Jeremías 29:12

'Oj lajwc cha, ax eyaln e b'a 'ayin, caw 'oj e leslwi 'ayin, ax wab'n pax e lesl cha.

Jeremías 3:25

'Oj quic' 'ejm qui b'a yuj qui q'uixwc'ojlal on̈, yujto an̈ tic yet' eb' qui mam quichm on̈, caw wal x'och qui mul 'aych Jehová qui Diosal on̈. Yictax quelm on̈t 'unn on̈, masnto ticnec, caw wal ma'ix qui yiclj tas 'ix al 'ayn̈ on̈, xchi eb'.

Nehemías 1:9

palta toto 'oj e meltzj pax 'ayin, tzeyiclni in checnb'il, tze b'eylb'ani, wach'xam sactzicnac eyajcn 'at 'a 'aj tzlajw c'och yolyib'n̈q'uinal, palta 'oj ex in molb'tzoc cot 'a jun lugar sic'b'il 'el wu'uj, 'a 'aj tz'och 'emmquilal 'a in b'i, xa chi can 'a Moisés cha.

Dt 30:1

Tox 'ix wac' e si'lc yaxilal 'oj jawc 'a eyib'n̈ yuj Jehová qui Diosalec toto 'oj eyicloc. An̈jtona waljnacx jun tzo'n̈ catab' 'oj ya' cot 'a eyib'an̈ toto ax tic 'oj e patquiljcan 'el Jehová. Palta a yic sactzicnacx eyajcn 'at 'a jun tzo'n̈ nacion̈ 'a caw najat, 'oj nachjoc 'el eyu'uj to a tz'a'n 'och eyailal.

Dt 5:9

Man̈ eyac' 'ejm e b'a 'a 'a, man̈ eyal e b'a 'a a', yujto an Jehová e Diosal in, caw tzcot wowl 'ayex, toto tzeyac' 'ejm e b'a 'a jun tzo'n̈ cha. A eb' mamb'il to may wel'ch 'a sat, 'oj wac' syailal eb' yet' 'a eb' 'unnab'il, eb' 'ichicnab'il yet' 'a eb' schab'l 'ichicnab'il.

Nm 14:18

chajtlto man̈ comnoc tzcot yowl a c'ojl muc'uc. Caw 'ay a chamc'ojlal yet' a niwnc'ojlal 'a yib'n̈ eb' maysch'olnil tzyutj sb'a, mto eb' tenmtac. Wach'xam matz ac' syailal eb' 'ay smul chi muc'uc, palta a smul eb' mamb'il cha, yowlal tzjaw to syailal 'a yib'n̈ eb' 'unnab'il, eb' 'ichicnab'il, eb' schab'il mto eb' yoxl 'ichicnab'il.

Ex 34:7

Caw 'ay in chamc'ojlal 'a yib'n̈ smasnil 'anma'. 'Ay in niwnc'ojlal 'a yib'n̈ eb' yuj smaysch'olnilal. Niwn tzwutj in c'ojl 'a yib'n̈ eb' yuj smul tzlaj 'ochi, palta a eb' 'ay smul cha, matz cann̈j eb' 'ixta'. Yowlal 'oj jawc yailal 'a yib'n̈ eb' mamb'il yet' 'a yin̈tl eb' b'aq'uin̈, xchi Dios.

Is 14:21

B'o cab' yet'l 'aj tzmilx cham eb' yunnal, 'oj cham eb' 'unnab'il chi yuj smul smam yicham, man̈x 'oj scaj eb' lum lum tic, sec wach' man̈x 'a 'anma 'oj yixtc eb', man̈x 'a junc chon̈b' 'oj b'ut'joc 'el yuj eb' 'a yolyib'n̈q'uinl tic, xchi jun poesía tic.

Is 24:16

Caw 'oj 'ab'xoc sb'itn eb' 'a 'aj tzlajw c'och sti lum lu'um, yuj yijx chan̈ sb'i Dios, jun caw tojl snab'en. Palta xwaln 'ixtic: 'Oltacn wali, caw wan in lajw 'el tzwab'i. A eb' tu snab'en cha, caw tu tas tzb'o eb'.

Lm 1:3

A eb' 'aj Judá, caw wal ya tzyab' eb' yujto ya munljel 'aj 'aych eb', 'ix 'ijx 'at eb' 'icha presoal. A ticnec, 'ayx 'ec' eb' 'a scal jun tzo'n̈ xo nacion̈, toxn matz 'ilj xon eb' jac smunlji. 'Ayx 'ec' eb' 'a scal yailal, 'ix yamchj eb' yuj eb' tzpechn b'eyc'oc.

Dt 8:20

'Icha wal 'oj yutc Jehová satn 'el jun tzo'n̈ chon̈b' 'aj 'oj e c'och cha, 'ixta pax 'oj eyaj e satl jun xo, yujto matz eyiclj tas tzyal Jehová qui Diosalec, xchi Moisés.

2 Cr 34:24

'Oj wa' cot yailal 'oj satnc 'el jun lugar tic, yet' 'a yib'n̈ eb' 'anma cajn 'a 'a, smasnil catb' tz'ib'b'il can 'a ch'an̈ libro 'ix 'awtx 'a yojltac win sreyl Judá.

Esdras 9:7

Yictax 'a yol stiempoal eb' qui mam quichm on̈, masnto ticnec, caw wal 'ayn̈ 'at 'a scal maysch'olnil on̈. On̈ 'ajx 'och 'a yol sc'ab' sreyl jun tzo'n̈ xo nacion̈ yet' eb' qui reyal, yet' pax eb' ya'mal 'och qui ti 'a 'aych on̈. 'Ay mach xlaj milx cham 'ayn̈ on̈, on̈ laj 'ijxc 'at 'a 'icha presoal on̈, 'ix laj 'el'x 'at tastc 'ay 'ayn̈ on̈, caw wal q'uixweltac on̈ 'ajcni, 'icha wal caj ticnec on̈.