Lv 26:37 - Chuj San Sebastian Bible

³⁷ Mun 'oj laj stenlac sb'a eb' s'at 'eloc, 'icha to tz'at eb' 'elc 'a junc owal, wach'xam may mach tzpechn eb'. May xon junc eb' 'oj ste'wtzoc sb'a 'a yojltac eb' 'ajc'ojl cha.

Chuj San Mateo Bible

³⁷ Ol comon telvocb'at junjun eb', ichato van yel eb' d'a oval, vach'chom malaj mach spechan eb'. Man̈xalaj junoc eb' ol to stec'b'ej sb'a d'a yichan̈ eb' ajc'ool.

Lv 26:37 Referans Kwoze

Jueces 2:14

Yuj wal cha, xcot yowl sc'ojl Jehová 'a eb'. 'Ix 'ajx 'och eb' 'a yol sc'ab' nan̈l eb' soldado xwul 'elc'noc tas 'ay 'a eb'. 'Ix 'ajx 'och pax eb' 'a yol sc'ab' eb' 'ajc'ojl 'ayc' 'a stz'ey, man̈x 'ic stac' scoln sb'a eb' 'a eb' 'ajc'ojl cha.

Jeremías 37:10

Wach'xam ax tic, 'oj eyac' ganar yejm eb' soldado wan ya'n owl eyet'oc, yuj cha, cojxn eb' lajwnac 'oj can 'a scamplamento eb' cha, palta a eb' cha, 'oj q'uex wan eb', ax ya'n can 'och eb' sc'a'l jun e chon̈b' tic, xchi Dios, xa chi 'a eb', xchi 'ayn an Jeremías in tic.

Is 10:4

Toto ma'oj eyamchj 'at 'icha presoal, 'oj e milx cham yet' eb' chamnc xo cha. Palta man̈ yujoc cha, 'oj 'ec' yowl sc'ojl Dios, 'ipn ya'n 'och eyailal.

Jueces 7:22

Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.

Nm 14:42

Man̈ ex 'atoc, yujto a Jehová man̈ 'ayc 'och eyet'oc. A eb' 'ajc'ojl cha, 'oj ex yac' ganar eb'.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Jeremías 6:21

Yuj cha, xyaln Jehová 'ayn 'ixtic: 'Oj wac' 'ejm junc tas 'aj 'oj stench eb' chon̈b' tic yoc, sec 'oj telwc eb' yu'uj. Eb' mamb'il, eb' 'unnab'il, eb' cajn 'a stz'ey eb', yet' eb' swach'c'ojl eb', lajnn̈ej 'oj 'aj scham eb' smasnil, xchi.

Jeremías 46:16

A eb' soldado majnab'il yuj win sreyl Egipto caw tztench eb' yoc s'at 'eloc, tzlaj telw can eb', tzyaln eb' 'a junjn 'ixtic: 'El coyc 'a tic, pax coyc 'a qui chon̈ab', coyc 'a qui nacion̈ 'aj 'aljnacn̈ec. 'El coyc 'a 'aj wan qui lajwec 'el yuj owl tic, xchi eb'.

Nahúm 3:3

'Ay q'ue eb' soldado 'a yib'n̈ chej tz'ec' eb'. Caw tzcopmj yespada eb' yeq'ui. Tzictzni yilx q'uen lanza. Smil-l xo sb'isl eb' x'ejmi, b'ulctac xoj yaj eb' chamnac. Man̈x yalnb'ilc niwnal t'ocq'uixtac yaji. Tzlaj can locn yoc eb' 'anma 'a eb'.

A Ch'an̈ B'ab'el Libro Samuel 4:2

'Ix cot eb' filisteo, 'ix syamn 'och eb' ya'n owl yet' eb' israel. 'Ix 'och wal owl yuj eb' si'mb'il. Ax x'aji, 'ix lajw 'el eb' israel yuj eb', 'aym chan̈e'oc mil eb' xchami.