Lv 26:35 - Chuj San Sebastian Bible

³⁵ A yic 'aycn lum sch'ocj cha, 'oj 'iljoc lu'um, yujto a yic 'ayx 'ec' 'a sat lu'um, may xon lum tz'ilj eyu'uj.

Lv 26:35 Referans Kwoze

Ro 8:22

Cojquec, a 'a yictax pecti', smasnil jun tzo'n̈ tas b'ob'il can yuj Dios, 'aycn 'och 'a syailal. 'Icha junc 'ix caw tzyab' syal yalj yune', 'ixta tz'aj jun tzo'n̈ chi yab'n syal ticnec.

Lv 26:34

'Ixta wal 'oj 'aj lum lum chi scan sch'ocoj, sictac 'oj 'ajcn lum 'a smasnil tiempo, ya' sb'a ax tic, 'ayx 'ec' 'a snacion̈ eb' 'ajc'ojl yajch 'ayx cha. Ax lu'um, to tzyij can lum yip, 'icha stiempoal ma'ix eyac' xon 'iljoc lu'um, 'ixta 'oj can lum 'iljoc.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Jeremías 34:17

Yuj cha, an Jehová in, an tzwala: Ax tic ma'ix eyiclj tas 'ix wala, yujto ma'ix eya'l eb' eyit chon̈b' 'a libre. Yuj cha, an tzwala to 'oj wa' cot owal, wejel, yet' yab'il 'a eyib'an̈. Caw 'oj xiw smasnil eb' nacion̈ yic 'oj yab'nc eb' tas 'oj ex wutoc.

Lv 25:2

Al jun tzo'n̈ checnb'il tic 'a eb' et israelal to an tzwal 'ixtic: A yic 'ayx xo 'ec' 'a sat lum lum 'oj wac' eyico'oc, yowlal 'oj eyac' 'iljoc lu'um, yuj eyi'n chan̈ in b'i an Jehová in.