Lv 26:28 - Chuj San Sebastian Bible

²⁸ an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Chuj San Mateo Bible

²⁸ a in pax tic ol vac' yovalil d'ayex yed' val yoval in c'ool. Masn̈ej ol q'uechaan̈ eyaelal vuuj yuj e mul.

Lv 26:28 Referans Kwoze

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Jeremías 21:5

An wal 'oj wac' owl eyet'oc, 'oj in c'anlb'oc wal wip, yet' yowl in c'ojl to 'ay xo smay yalxi.

Is 66:15

Yujto a 'a scal c'ac' 'aychi ax sjawi, a scaruaje 'aj 'aychi, lajn wal sb'ey 'icha chacxuxm'ic'. 'Oj jawc wul yi'l yowl sc'ojl 'a eb' 'ajc'ojl cha. Lajn wal yowl sc'ojl chi 'icha sq'ue wan snich c'ac'.

Is 63:3

—Yel tzala, to 'ay nan̈l te uva chi xin te'l yalil, in ch'ocj tzin b'o jun munljel cha, may xon junc nacion̈ xcolwj jac wet'oc. A eb' 'ajc'ojl yajch 'ayin, a eb' chi xin tec' 'ejm 'a sat lu'um, yujto 'ay yowl in c'ojl 'a yib'n̈ eb'. 'Ix laj tz'itj 'och schic'l eb' chi 'a in pichl tic, yuj cha, 'ix b'on̈x 'el smasnil.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Nahúm 1:2

A Jehová Dios toni, tzyac' spac yet' yowl sc'ojl 'a eb' tz'i'n 'ec' tas to smacl Jehová yaji. Tzpac sb'a pax 'a eb' tz'och 'ajc'ojlal 'a 'a, caw tzcot pax yowl 'a eb'.

Is 27:4

May wowl 'ay cot 'a 'a. Toto 'ay te q'ui'ix, mto te comn c'ultc tu 'ay 'a scal, tzin satli, tzwa'n tz'a 'a jun 'ejmn̈ej.

Lv 26:24

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Lv 26:27

Toto ma'oj sna sb'a e c'ojl yuj jun tzo'n̈ cha, matz ex 'och yiclumal 'ayin, to an̈j 'ijnoc tenmtac tzeyutj e b'a,

Salmos 79:12

Ach Cajlil on̈, uc 'ejm cab' tzac' spac jun tic 'a eb' 'anma cajn 'a qui la'nil tic on̈, yujto caw ya yaln eb' b'uchwal paxti 'ayach.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Lm 4:11

'Ix ya' cot Jehová yowl sc'ojl 'a yib'n̈ chon̈b' Sión, xyac' 'el'choc 'icha tas nab'il yu'uj. 'Ix ya'ch sc'a'l jun chon̈b' tic, masnto xlajw stz'a 'ejm smuroal yich.