Lv 26:12 - Chuj San Sebastian Bible

¹² 'Aynn̈ej 'ec' 'a e cal, yujto e Diosal waji, ax xo tic, in chon̈b' eyaji.

Chuj San Mateo Bible

¹² Ol in ajn̈ejec' d'a e cal. A in e Diosal in, a exxo tic in chon̈ab' eyaji.

Lv 26:12 Referans Kwoze

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Jeremías 30:22

'Oj eyoch in chon̈b'oc, an xo 'oj woch e Diosaloc, xchi Dios.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

A Ch'an̈ Carta D'a Eb' Hebreo 11:16

Palta snib'jnac eb' junx schon̈b' caw wach', atn jun chon̈b' 'ay 'a satcha'an̈. Yuj cha, a Dios, matz q'uixwi, yic tzyaln eb' sDiosaloc, yujto tox xyac' lista jun chon̈b' chi yico'oc eb'.

Jl 2:27

Ax snachj 'el eyuj ax israel ex tic, to an Jehová in, caw 'ayn 'ec' 'a e cal. Cojn in ton e Diosal in, may junc xo. Man̈x 'a b'a'n̈ 'oj e can 'a q'uixwc'ojlal.

Dt 23:14

Yujto a Jehová qui Diosalec ajun eyet'oc, 'ayc' eyet' 'a e camplamento. A tzex tan̈wni, tzcolwj pax eyet'oc yic tzeya'n ganar eb' 'ajc'ojl yajch 'ayex. Yuj cha, a jun e camplamento cha, yowlal cab' sac yaji, sec may cab' tas tu yilx tzyil Dios 'a 'a, to ma'ay, 'ay smay tzyij 'el sb'a 'a e cal.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.

Ez 11:20

sec 'oj e b'eylb'oc in checnb'il, ax eyiclni in ley. 'Oj eyoch in chon̈b'oc, ax woch e Diosaloc.

Jeremías 11:4

Atn jun in trato in b'ojnac yet' eb' e mam eyicham, yic 'ix wi'n 'elt eb' 'a Egipto. A jun nacion̈ cha, lajn yaj 'a eb' 'icha junc jorna 'aj tzn̈usx 'elt q'uen hierro. 'Ix waln 'a eb' 'ixtic: Yicljec 'ayin, b'oc smasnil tas tzwal 'ayex. To 'ixta', 'oj eyoch in chon̈b'oc, an xo, 'oj woch e Diosaloc, xin chi 'a eb'.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Gn 17:7

A jun in trato tzwac' et' tic, yet' smasnil pax eb' en̈tl 'a smasnil tiempo, to a Diosal in, sDiosal in pax eb' en̈tl cha.

Jeremías 32:38

'Oj 'och eb' in chon̈b'oc, an xo 'oj woch sDiosalc eb'.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Salmos 50:7

Tzyaln pax 'ixtic: Ex israel in chon̈b' eyaji, macljec eyab' tas 'oj wala', tojln̈ej 'oj wutc waln 'och 'a e sat. An ton tic Dios in, caw e Diosal in.

Ez 36:38

A jun tzo'n̈ chon̈b' lajwnac can 'ejm cha, 'oj b'ut'joc pax 'ejm 'anma 'a 'a, lajn wal yilx 'oj 'aj 'ejm eb' 'anma chi 'a 'icha tz'aj sb'ut'j c'och no calnelu 'a Jerusalén yic tz'ajx no xajmb'al-l 'a q'uin̈. Atta 'oj in eyojcoc 'eli, to an Jehová in, xchi Dios.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Gn 3:8

A yic yemc'ul xo, yic sic xo yoc c'u, xyab'n win yet' 'ix to tzb'eyc' Jehová Dios 'a scal te 'awb'ente'. Yajn̈ej 'ix 'at eb' 'eloc, sc'ub'n 'el sb'a eb' 'a scal te 'awb'ente cha.

Mt 22:32

An ton tic sDiosal in Abraham, sDiosal in Isaac, sDiosal in pax Jacob, xchi. Yuj cha, wach'xam chamnc ewinac, cojtac to man̈ satnc 'el ewin 'a jun 'ejmn̈ej, yujto yaljnac, to sDiosal ewin yaji, xchi Jesús 'a ewinac.

Apoc 2:1

'Ix yaln pax Jesús 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Éfeso: A jun 'ay uque c'anal 'a yol swach' c'ab', atn jun tzb'eyc' 'a snan̈l uque yet'l cantil nab'a oro, a tzaln 'ayx 'ixtic:

Gn 6:9

Atn yab'xil win Noé tic: A Noé, caw wal wach' xyutj sb'a 'a sat Dios, cojxn win wach' snab'en 'a scal eb' 'anma 'a yic jun tiempoal cha, 'ix sb'eylb'ej 'icha tznib'j Dios.

Gn 17:8

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

Ex 29:45

An tic, 'oj in can cajn 'a e cal yujto e Diosal in.

Nm 5:3

Smasnil jun tzo'n̈ 'anma cha, tz'ijx 'el eb' 'a spatquil 'el camplamento, eb' winac mto eb' 'ix 'ix, sec wach' may tas to man̈ wach'c 'ayc' 'a yojl camplamento 'a 'aj 'ayn 'ec' eyet'oc, xchi Dios.

A Ch'an̈ Schab'l Libro Samuel 7:7

A jantc tiempo in b'eyc' yet' eb' in chon̈ab', may 'ajtil waljnac 'a eb' syajlil eb' tz'i'n b'eyoc, to tzb'o eb' junc watut nab'a c'ute tz'och 'a 'a, xchi Jehová, xa chi 'a 'a.

Ex 29:46

'Ixta wal 'oj eyutc eyojcan 'eli, to an ton e Diosal in, an ex wij 'elt 'a Egipto, yuj cha, tzin can cajn 'a e cal, yujto e Diosal in, xchi Dios.

Dt 23:15

Toto 'ay junc smeb'a junc win patron̈ tz'at 'elc 'a 'a, tzlajw cha, tzc'och 'ayex, tzc'ann can sb'a eyet'oc, man̈ eyac' meltzjoc 'a spatron̈ cha.