Lv 25:9 - Chuj San Sebastian Bible

⁹ A 'a lajn̈e yoch yucl 'uj, atn sc'ul yic tz'ajx lajwc mul, ata tzeyutz'j no ch'ac calnelu 'a smasnil yol e chon̈ab'.

Chuj San Mateo Bible

⁹ Axo d'a slajun̈ilxo c'ual yoch yuquil uj, aton jun c'u ayic tz'ac'ji tup mul, ata' spuji q'uen trompeta d'a masanil yol e chon̈ab'.

Lv 25:9 Referans Kwoze

Lv 23:24

Al jun tzo'n̈ tic 'a eb' et israelal to an tzwal 'ixtic: A 'a b'ab'l c'u yic yucl 'uj, ata tzex 'ilji. Tzeyamn e b'a yic tzex 'och 'emmquilal 'ayin. Tzeyutz'n q'uen trompeta yic tzin e nan coti.

Lv 23:27

A 'a lajn̈e yoch yucl 'uj cha, ata 'ay sc'ul yic tz'ajx lajwc mul. Yowlal tzeyam e b'a yic tzex 'och 'emmquilal 'ayin, tzex 'och 'a c'ajb'c'ojlal, tzeya'n tz'a eyofrenda xajmb'al-l 'ayin.

1 Ts 1:8

Eyu'uj, 'ix pucb't yab'xil Cajlil 'a junjn lugar. C'uxn xlaj yab' eb' 'a Macedonia yet' pax eb' 'aj Acaya, chajtlto caw tzeya'ch Dios 'a e c'ojol. Man̈ cojnoc eb' x'ab'ni. 'Ix laj yab' pax eb' 'a junjn lugar. Yuj cha, man̈x yowlalc an̈ tzcal-l eyab'xil 'a scal eb' 'anma 'on̈.

Ro 15:19

'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.

Ro 10:18

Palta ¿tas tze na'a? A eb' israel, ¿tom ma'ix yab' eb' jun wach' 'ab'x tic? Ma'ay, c'uxn xyab' eb'. Yujto 'ixtc tzyal 'a Ch'an̈ U'un̈: C'uxn tzpucb't yab'xil 'a smasnil chon̈ab', masnto tzc'och 'a 'aj tzlajw c'och yolyib'n̈q'uinl tic, xchi.

Salmos 89:15

Mamin Jehová, a eb' 'anma tzach b'itnan yet' tzaljc'ojlal, caw wach' yic eb', yujto a 'a checnb'il tzb'eylb'ej eb'.

Nm 36:4

Ax yic 'oj jawc jun ab'il yic tz'el junc tas 'a libre 'a qui cal, ax lum slum eb' 'ix cha, ax 'ijnoc am ye'cn lum yico'oc junc xo 'in̈tal chi 'a jun 'ejmn̈ej. 'Ixta am tz'aj lum yelcn 'a yol qui macb'en on̈, xchi eb'.

Nm 10:10

An Jehová e Diosal in, an tzwala: A yic sc'ul 'ay e tzaljc'ojlal cha, 'icha 'a yic sc'ul q'uin̈, mto 'a yic tzpac' 'uj, tzeyutz'j q'uen trompeta cha, 'a yic tzeya'n tz'a e xajmb'al, mto xajmb'al yic junc'ojlal, sec 'oj ex in na coti, xchi Dios.

Lv 27:24

Ax 'a yic tzjaw jun ab'il yic tz'el jun tzo'n̈ tas 'a libre, ata tzcolchj can pax 'el lu'um, tzcanx can lum 'a win 'ay xon yic lum lum cha, atn win chon̈jnac lum cha.

Lv 27:17

Toto tz'ajx lum lum chi wico'oc 'a yic 'ayx yab'lil yel junc tas 'a libre, jun 'ejmn̈ej tzcan stojl lum 'icha tz'aj snax can 'el cha.

Lv 16:30

yujto a jun c'u cha, sc'ul yajx lajwc e mul yuj e xajmb'al tzeyac' 'a wojltac an Jehová in, sec tz'elcn e mul 'a eyib'an̈.

Lv 16:20

A yic tzlajw sacb'tzan Aarón jun lugar to wicn̈ej yaj in ch'ocoj, yet' Mantiado 'aj tzin chaj in b'a eyet'oc yet' pax jun yet'l xajmb'al, tz'at ya'nc 'ijxoc cot no chiwo pitznto cha.

Lv 25:8

Yowlal uc 'ejm tze b'is uque ab'il, ax tz'aj 'el'ch 'a smasnil 49 ab'il.

Josué 6:4

Tzb'ab'lj ucwn̈ eb' ya'mal 'och sti eb' 'anma yuj te scaxail trato, junjn eb', tzyij eb' scacha b'ob'il 'a no sch'ac calnelu; ax 'a yucl c'u cha, uc 'ejm tzex oyy 'ec' 'a spatquil 'elt jun chon̈b' tic, ax eb' ya'mal 'och sti eb' 'anma cha, 'oj yutz'c eb' scacha cha.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Lv 16:29

A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

Salmos 89:16

A wal 'a a b'i, ata tzyac' eb' tzaljoc sc'ojl 'a smasnil tiempo, ax a tojlal a chi 'oj 'i'noc chan̈ eb'.