Lv 22:3 - Chuj San Sebastian Bible

³ Tzaln 'a 'a, ticnec yet' 'a b'aq'uin̈, toto 'ay eb' yin̈tl man̈ wach'c yaj 'icha yaln ley, tzyamn eb' jun tzo'n̈ xajmb'al chi tzyac' eb' eyit chon̈b' 'ayin, toto 'ixta 'oj yutc eb', jun 'ejmn̈ej 'oj 'ijxoc 'ec' yopiso eb' in ya'n servil.

Chuj San Mateo Bible

³ Al d'a eb' to a ticnaic yed' d'a masanil tiempo, yaln̈ej mach junoc yin̈tilal eb' tz'ic'ancot juntzan̈ silab' d'a vichan̈, aton juntzan̈ syac' eb' eyetisraelal d'ayin, tato man̈ vach'oc yaj jun tz'ic'ancot jun silab' chi' icha yalan ley, yovalil tz'ic'jiel d'a yopisio d'a vichan̈. A in val Jehová in svala'.

Lv 22:3 Referans Kwoze

2 Ts 1:9

A eb' cha, 'oj 'atcn eb' 'a yailal 'a jun 'ejmn̈ej. 'Oj xutxoc can 'el eb' 'a stz'ey Cajlilec, sec man̈x 'oj yil eb' swach'il yet' spoder.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Salmos 51:11

Man̈ in e'cn 'el 'a ojltac, man̈ e'l wal Espíritu to ecn̈ej yaj 'aych 'ayin.

Salmos 16:11

'Ix ac' wojcoc 'el jun b'e yic q'uinl 'a jun 'ejmn̈ej. Caw niwn tzaljc'ojlal 'oj ac' 'ayin, yic 'oj in c'och 'a ojltac. 'Ay tzaljc'ojlal 'a a tz'ey 'a jun 'ejmn̈ej.

Nm 19:13

Toto 'ay mach tzyamn sniwnal junc chamnc cha, matz sacb'tzej sb'a, tzjuw 'el in cajnub' yu'uj, yujn̈ej cha, tz'ijx 'el 'a scal yit chon̈ab', yujn̈ej to matz sacb'tzej sb'a yet' a a cha, to man̈ wach'c yaj 'icha yaln ley.

Lv 22:2

An Jehová in, an tzwala. Al jun tic 'a Aarón yet' 'a eb' yin̈til, to yowlal tzya'iljsb'a eb' yet' jun tzo'n̈ ofrenda tzyac' eb' eyit chon̈b' 'ayin, toto ma'ay, may wel'ch 'a sat eb' tzyal cha.

Esdras 8:28

Yajn̈ej xwaln 'a eb' 'ixtic: Ax tic sic'b'ilx 'el yico'oc Jehová, an̈jtona yic pax jun tzo'n̈ yamc'ab' tic: Q'uen plata, q'uen oro, yet' q'uen ofrenda siyx 'a Jehová atn qui Diosalec yet' eb' qui mam quichmec.

Ex 30:33

Toto 'ay mach tzb'on junc xo perjuma 'icha wal jun cha, mto tzcomn tzicj 'och 'a junc comn 'anma', a jun mach 'ixta tzb'o cha, 'ijx cab' 'el 'a e cal, xchi Dios.