Lv 22:25 - Chuj San Sebastian Bible

²⁵ Man̈ e cha jun tzo'n̈ no noc' 'ixta yaj 'a eb' chuc chon̈b'al, yic tzeya'n no xajmb'al-l 'ayin, yujto a jun tzo'n̈ noc' 'ixta yaj cha, man̈ tz'acnoc e no', yuj cha, man̈ chab'ilc e no wu'uj, xchi Dios, xa chi 'a eb', xchi Dios 'a Moisés.

Chuj San Mateo Bible

²⁵ Man̈ e cha juntzan̈ noc' noc' icha chi' d'a eb' ch'oc chon̈ab'il yic tz'och silab'il d'ayin, yujto man̈ tz'acanoc yaj noc', max in chapaxlaj noc', xchi d'a vin̈.

Lv 22:25 Referans Kwoze

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Lv 21:6

Wach' cab' tzyutj sb'a eb' 'a in sat an sDiosal in eb' tic. Man̈ cab' yac' b'uchxoc eb' in b'i, yujto a eb' tz'a'n tz'a no xajmb'al, tzya'n pax 'och eb' 'ixm pan ofrendail 'a wojltac. Yuj cha, yowlal to wach'n̈j tzyutj sb'a eb'.

1 Jn 5:18

Cojquec, toto yel yunnaln̈ec xo Dios, man̈x 'oj qui b'eylb'oquec maysch'olnil, yujto a Yunnal tzon̈ tan̈wniec. Yuj cha, man̈xtzac stac' on̈ yixtnec win diablo.

Ef 2:12

A 'a yic yalan̈, mant 'ayc 'och Cristo eyet'oc. May eyaln eyic yet' eb' wit israelal. May pax eyaln eyic 'a jun tzo'n̈ strato Dios 'ix yac' 'a eb', yic ya'n sti 'a eb'. 'Ayx 'ec' ton 'a yolyib'n̈q'uinl tic, palta may junc tas wach' eya'jnac 'och yipc e c'ojol, yujto mant 'ayc 'och Dios eyet'oc.

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Lv 22:26

'Ix yaln Jehová 'a Moisés 'ixtic:

Ez 44:7

Man̈x 'a yel'ch xeyutj watut, comn xoj xe chaj 'och eb' chuc chon̈b'al 'a yojol, eb' may yel'ch in trato 'a 'a, may pax yechl in trato 'a sniwnal eb'. 'Ixta xeyutj eyixtn 'el watut cha, wach'xam cob' to xeyac' e xajmb'al chi 'ayin, atn xepual yet' schic'l no noc' cha, palta xjuw 'el in trato chi eyet'oc.