Lv 22:20 - Chuj San Sebastian Bible

²⁰ palta man̈oc cab' junc no 'ay spaltail tzyac'a, yujto man̈ chab'ilc e no cha.

Chuj San Mateo Bible

²⁰ palta man̈oc junoc noc' ayoch syab'il. Tato ya'ay noc', max in chalaj noc'.

Lv 22:20 Referans Kwoze

Dt 17:1

A no wacax, no calnelu mto no chiwo 'ay tas palta 'a sniwnal, man̈ eyac' no xajmb'al-l 'a Jehová qui Diosalec. A jun tzo'n̈ noc' cha, yajb'il no yuj Jehová.

Malaquías 1:8

¿Tom wach' tze na'a, to an̈j 'ijnocn̈ej eya'n no noc' 'ay spaltail xajmb'al-l 'ayin: atn no matz uj yilni, no wecchjnac yet' no ya'ay? Q'uinloc tzeyij 'at jun tzo'n̈ noc' chi e siylab'oc 'a eb' eyajlil, ax eyilni, toto 'oj tzaljoc eb' schan 'ayex.

Dt 15:21

Palta toto 'ay spaltail no', coxo, mto may yol sat no', mto 'ay tas palta 'a sniwnal no cha, man̈ eyac' no xajmb'al-l 'a Jehová qui Diosalec.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Lv 22:25

Man̈ e cha jun tzo'n̈ no noc' 'ixta yaj 'a eb' chuc chon̈b'al, yic tzeya'n no xajmb'al-l 'ayin, yujto a jun tzo'n̈ noc' 'ixta yaj cha, man̈ tz'acnoc e no', yuj cha, man̈ chab'ilc e no wu'uj, xchi Dios, xa chi 'a eb', xchi Dios 'a Moisés.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 3:1

Xyaln pax Dios 'ixtc 'a Moisés: Toto 'ay mach tz'a'n junc no nun wacax, mto junc quelm wacx xajmb'al-l yic junc'ojlal 'a wojltac an Jehová in, a no noc' cha, yowlal may spaltail no'.

Lv 3:6

Toto 'ay mach tz'a'n junc no calnelu, mto junc no chiwo xajmb'al-l yic junc'ojlal 'ayin, tztac' ya'n junc no smam mto junc no snun, cojn to may spaltail no'.

Nm 19:2

An Jehová in, an tzwac' jun checnb'il tic: Alc jun tic 'a eb' eyit israelal, to tzyij cot eb' junc no cob's wacx chac yilxi, tzya'n eb' 'ayex, no may spaltail, no mant 'a 'aj tzq'ue te yugo 'a sjolom.

Nm 29:8

Tzeya'n pax tz'a e xajmb'al 'a wojltac an Jehová in, atn jun tzo'n̈ caw wach' sjab' tzwab'i: jun quelm wacax, jun mam calnelu yet' ucwn̈ quelm calnelu junjn ab'il sq'uinal, no may spaltail.

Ez 45:18

An Jehová Yajl in, an tzwal 'ixtic: A 'a b'ab'l c'u yic jun b'ab'l 'uj, yowlal tzeyac' junc no quelm wacx xajmb'alil, junc no may spaltail, yic tzsacb'tzax can watut yuj maysch'olnil b'onc 'a 'a.

Lv 22:24

An̈jtona no noc' 'elnc sq'ue'en, matz tac' eya'n e no xajmb'al-l 'ayin. Man̈ e b'eylb'oc eyi'n 'el sq'uen no 'a sat lum e lum cha.