Lv 22:18 - Chuj San Sebastian Bible

¹⁸ Al jun tic 'a Aarón yet' 'a eb' yunnal, yet' pax 'a smasnil eb' eyit israelal to an tzwal jun tzo'n̈ tic: Toto 'ay junc ex ax israel ex tic, mto junc eb' chuc chon̈b'al cajn 'ec' 'a e cal, tznib'j tzyac' junc xajmb'al tz'ajx tz'a 'a wojltac an Jehová in, yic tzya'n 'el'choc junc sti', mto ton̈j tz'el 'a sc'ojl ya'ni,

Chuj San Mateo Bible

¹⁸ Al d'a vin̈aj Aarón yed' d'a eb' yuninal yed' d'a masanil eb' eyetisraelal masanil juntzan̈ tic: Tato ay ex, ma eb' ch'oc chon̈ab'il ayec' cajan d'a e cal, tzeyac' junoc noc' noc' yic sn̈usjitz'a silab'il d'ayin, vach'chom yuj b'aj ix eyac' e ti' eyac'ani, mato ton̈ej tz'el d'a e c'ol eyac'ani,

Lv 22:18 Referans Kwoze

Dt 12:6

A 'a jun lugar cha, ata 'oj 'at e n̈ustz'a e xajmb'al, atn no noc' caw wach' 'a sat Jehová. Tzeyij 'at e diesmo, e colwal to ta'wb'il eyu'uj, yet' eyofrenda ton̈j tz'el 'a e c'ojl eya'ni. An̈jtona pax no sb'ab'l 'une e wacax yet' e calnelu, yowlal tzeyij 'at 'a jun lugar cha.

Nm 15:3

tzeyac' junc no quelm wacax, mto junc no cob's calnelu xajmb'al-l 'ayn an Jehová in, tzeya'n tz'a no 'a wojltac, yujto wach' sjab' tzwab'i, tzeyac' 'ayn yuj eya'n 'el'choc junc e ti', mto ton̈j tz'el 'a e c'ojl eya'ni, mto tzeyac' pax yuj junc q'uin̈.

Lv 1:2

Al yab' eb' et israelal, to an tzwal jun tzo'n̈ checnb'il tic: Toto 'ay junc mach tz'i'n cot junc no noc' xajmb'al-l 'ayn an Jehová in, a cab' 'a scal swacax, mto 'a scal scalnelu, mto 'a scal schiwo tzyij 'elt no noc' cha.

A Tas Sc'ulejnac Eb' Schecab' Jesús Hechos 18:18

A Pablo, niwn to tiempo x'och wan 'a Corinto cha. Xlajw cha, xyaln can sb'a 'a eb' creyente, 'ix 'ati yic tzpax 'a Siria. 'Ix 'at canb' Priscila yet' cu'tac Aquila yet'oc. 'Ix 'emch eb' 'a jun chon̈b' Cencrea. Yic mantzac 'och eb' 'a yol barco, 'ix sjoxn can 'el Pablo xil sjolom. A jun chi senya, chajtlto 'ay jun strato tzyac' 'a Dios.

Nahúm 1:15

Ex 'aj Judá, 'iltec, sjaw win alm 'el 'ab'x yic junc'ojlal 'a sjolm eb' lum tzalan. 'A'c 'och e q'uin̈, 'a'c 'el'choc 'aj eya'jnac can e ti'. Man̈x 'a b'a'n̈ 'oj ex yixtc eb' tu snab'en, tox 'ix lajw 'el eb' 'a jun 'ejmn̈ej.

Jonás 2:9

Palta an xo tic, tzwal yuj diosal 'ayach. 'Oj wac' in xajmb'al, ax in yiclni 'aj 'ix wac' in ti 'ayach. Cojn ach tztac' a colwj Mamin Jehová, xchi Jonás.

Jonás 1:16

Palta ax Jehová, lista xo yaj jun no niwquil chay yu'uj, yic tzb'u'x 'ejm Jonás yuj no'. 'Oxe c'u 'oxe 'ac'wl xcan Jonás 'a yol sc'ojl no chay cha. A yic xyiln eb' ch'umn barco to x'och numn a mar cha, caw wal xiw eb' si'mb'il 'a Jehová, xya'n eb' xajmb'al, xlajw cha, xya'n eb' sti 'a 'a.

Ec 5:4

A yic tzqui ta'wniec ca'n junc tas 'a Dios, man̈ qui'c 'ec' tiempo ca'ni. Yujto matz tzalj Dios yet' eb' ton̈j tzcomn ta'wni junc tas, yuj cha, ca'c 'el'choc tas tzqui ta'wjec cani.

Salmos 116:18

A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'

Salmos 116:14

A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'.

Salmos 66:13

'Oj in c'och 'a atut, ax wa'n tz'a in xajmb'al 'a ojltac; 'ixta 'oj wutc wa'n 'el'choc tas 'aj 'ix wac' in ti 'ayach,

Salmos 65:1

Ach qui Diosal on̈, smoj wal yalx wach' paxti 'aych 'a Sión, caw smoj ca'n 'el'choc tas ta'wb'il cuj 'aych on̈.

Salmos 61:8

'Ixta 'oj wutc in b'itnan a b'i 'a smasnil tiempo. 'A junjn c'u ax in yiclni tas 'aj 'ix wac' in ti 'ayach.

Salmos 61:5

'Ix ab' tas 'ajtil 'ix wac' in ti 'ayach, 'ix ac' in macl 'a scal eb' to 'ay el'ch 'a sat.

Salmos 56:12

Ach in Diosal, 'oj in yiclc jun tzo'n̈ in ti 'ix wac' 'ayach, atn jun xajmb'al yic tzwaln yuj diosal 'ayach,

Salmos 22:25

Ach in Diosal, a wal 'ajtil caw niwn yaj syamn sb'a eb' a chon̈ab', ata 'oj ach in b'itnoc. A 'a yojltac eb' tzach yiclni, ata 'oj wac' 'el'choc tas ta'wb'il wuj 'ayach.

Dt 16:10

A yic tzlajw jun yucl seman cha, ata tz'el yich e nan jun q'uin̈ yic tzlajw e poln chan̈ e trigo. Ata tzeyac' eyofrenda to tz'el wal 'a e c'ojl eya'ni, a tzyal jantc syaxilal Jehová qui Diosalec tzyac' 'a eyib'an̈.

Dt 12:17

A 'a yol e chon̈b' cha, matz tac' eyi'n can sdiesmoal e trigo, sdiesmoal eyal uva, mto eyaceite, matz tac' e chin sb'ab'l 'une e wacax, mto e calnelu, matz tac' eyi'n can 'el jac eyic 'a tas ta'wb'il eyu'uj, yet' 'a jun tzo'n̈ ton̈j tz'el 'a e c'ojl eya'n 'a Jehová.

Lv 23:38

Chuc pax yaj sc'ul 'iljelal 'aj tz'ijx chan̈ in b'i an Jehová in, a pax ta smoj eya'n tas tze siyj 'ayin. Ata tzeyac' pax tas ta'wb'il eyu'uj, mto e xajmb'al ton̈j tz'el 'a e c'ojl eya'n 'ayn an Jehová in.)

Lv 17:13

Tzann̈j israelal mto chuc chon̈b'al cajn 'a e cal tzjul schi junc calte'al noc', mto ch'ic, atn no toxn tzchix xoni, yowlal tzyij can 'el schic'l no noc' cha, tzlajw cha, tzmucn can 'a yaln̈ lu'um.

Lv 17:10

Caw wal 'ay yowl in c'ojl 'a yib'n̈ eb' israel mto eb' chuc chon̈b'al cajn 'ec' 'a e cal, eb' tzchin schic'l no noc', yaln̈ej tas tzyutj eb' schini. An 'oj woch 'ajc'ojlal 'a eb', ax in satn 'el eb' 'a e cal.

Lv 7:16

Palta toto a junc xajmb'al cha, tz'ajx yuj ya'n 'el'choc junc mach sti', mto ton̈j tz'el 'a sc'ojl tzyac'a, a jun tzo'n̈ cha, tztac' schix to 'a junx c'u.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Ex 12:5

A no noc' cha, yowlal cab' jun ab'il xo sq'uinl no', no may spaltail 'a sniwnal, wach'xam chiwo mto calnelu, cojn toto smam no'.

Lv 22:17

'Ix yaln Jehová 'a Moisés 'ixtic:

Am 4:5

'A'c tz'a 'ixm pan may yich ofrendail yuj e alj yuj diosal. Alc 'el 'a scal smasnil 'anma', yuj jantc eyofrenda tz'el wal 'a e c'ojl eya'ni, 'in a chi caw tze nib'j e b'o'.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

2 Cr 31:14

A Coré, yunnal Imna yin̈tl Leví, a yajl yaj 'a yib'n̈ eb' stan̈mal spuertail yatut Jehová 'a stojlal 'aj tzq'uel c'u, 'aych pax 'a yib'n̈ schan ofrenda to tz'el 'a sc'ojl eb' 'anma ya'ni, yet' ofrenda to tzpojx 'eq'ui, yet' tas to yic Jehová yaji.