Lv 21:17 - Chuj San Sebastian Bible

¹⁷ Al jun tic 'a Aarón: Ticnec yet' 'a yic b'aq'uin̈, may wal junc eb' yin̈tl 'ay tas palta 'a sniwnal 'oj stac' ya'n 'och 'ixm pan 'a wojltac, 'ixm tz'ajx ofrendail 'ayin.

Chuj San Mateo Bible

¹⁷ Al d'a vin̈aj Aarón: Ticnaic yed' d'a masanil tiempo, malaj junoc eb' yin̈tilal vin̈ ay palta d'a snivanil ol yal yac'an yofrenda eb' yetchon̈ab' d'ayin.

Lv 21:17 Referans Kwoze

Salmos 65:4

Caw wach' quic an̈ sic'b'iln̈ 'el oj tic on̈, tzon̈ e'n 'at cajn 'a a tz'ey 'a atut. Caw 'oj qui b'ut'j yuj tas wach' sc'uxx 'ay 'a atut cha, atn tas caw ecn̈ej yaji.

Nm 16:5

'Ix yaln 'ixtc 'a Coré yet' 'a smasnil eb' ajun yet' cha: —Q'ui'nto 'a yic sq'uin̈b'ial, 'oj sch'ox Jehová mach wal eb' yic cha, mach eb' to yel sic'b'il 'el yu'uj, eb' 'ay yaln yic yoch 'a yojltac yet' jun tzo'n̈ xajmb'al. A mach 'oj sch'ox 'a qui calec, atn jun chi 'oj 'a'noc 'och jun tzo'n̈ xajmb'al chi 'a yojltac.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

1 Ts 2:10

Yic 'ayn̈ 'ec' ta 'on̈, caw wach' qui b'eyb'al on̈. Tojl cutjnac pax qui nab'en 'ayx ax creyente ex quet' on̈. May jac maysch'olnil 'ec' qui sayjnac ta 'on̈. Eyojtac to 'ixta 'ec' cutjnac qui b'a ta 'on̈. An̈jtona pax Dios, yojtac.

Lv 21:21

May wal junc eb' tic 'oj stac' ya'n 'och no xajmb'al tz'a 'a wojltac an Jehová in. Toto palta sniwnal cha, matz tac' ya'n 'och 'ixm pan ofrendail 'a wojltac.

Lv 21:6

Wach' cab' tzyutj sb'a eb' 'a in sat an sDiosal in eb' tic. Man̈ cab' yac' b'uchxoc eb' in b'i, yujto a eb' tz'a'n tz'a no xajmb'al, tzya'n pax 'och eb' 'ixm pan ofrendail 'a wojltac. Yuj cha, yowlal to wach'n̈j tzyutj sb'a eb'.

Lv 3:16

Tzlajw cha, ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxxi to tz'ajx tz'a 'a wojltac an Jehová in. An tic, wicn̈ej yaj smasnil xepual no noc' tz'ajx xajmb'alil.

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

Lv 21:16

'Ix yaln Jehová 'a Moisés 'ixtic: