Lv 21:15 - Chuj San Sebastian Bible

¹⁵ sec man̈toc comn 'anma xoj tz'aj 'el'ch eb' yin̈tl 'a scal eb' yit chon̈ab', yujto an Jehová in tic, an in si'jnac 'och wico'oc, xchi Dios, xa chi 'a eb', xchi 'a Moisés.

Chuj San Mateo Bible

¹⁵ yic man̈ malajoc tz'aj yelc'och eb' yuninal vin̈ d'a scal eb' yetchon̈ab', yujto a in Jehová in ix in sic'canel vin̈, xchi Jehová, d'a vin̈aj Moisés chi'.

Lv 21:15 Referans Kwoze

1 Co 7:14

Yujto a win yichmil 'ix cha, wach'xam man̈ creyenteoc, 'icha to yic Dios yaj win yet' 'ix, yujto jun yaj win yet' 'ix creyente cha. An̈jtona', 'ixta pax junc 'ix man̈ creyenteoc, 'icha to yic Dios yaj 'ix, yujto jun yaj 'ix yet' win creyente cha. Toto man̈ 'ichaoc yic Dios yaj eb', ax yunnal eb', comn 'anman̈ej am yaji. Palta ma'ay, yic Dios pax eb'.

Ro 11:16

A eb' sb'ab'l mam 'ichm eb' israel, cojxn Dios 'ay yic eb'. Yuj cha, 'ixta pax eb' yin̈tl eb', yic Dios pax eb'. 'Icha junc te te', toto yic Dios yaj sch'an̈lyib', an̈jtona sc'ab' te', yicn̈ej paxi, 'ixta yaj eb'.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.

Malaquías 2:11

A eb' 'aj Judá, ma'ix syiclj eb' 'aj 'ix yac' sti 'a sat Dios. Caw 'ix ya'ch eb' smul, yel xo wal tu xyutj sb'a eb' 'a Jerusalén yet' 'a smasnil yol yic Israel. Caw xyixtj 'el eb' scajnub' Dios, atn jun caw chamc'ojlb'il yu'uj. A eb' winac, a jun tzo'n̈ eb' 'ix 'ix tzyal sb'a 'a jun tzo'n̈ sdiosal eb' chuc nacion̈al, a eb' 'ix xyij ewin yistziloc.

Esdras 9:2

A eb' cha, wan laj yi'lan sb'a eb' yet' eb' chuc chon̈b'al cha, tzlaj yi'n pax sb'a yunnal eb' yet' eb' 'ix yisl jun tzo'n̈ 'anma cha, yuj cha, a schon̈b' Dios tox 'ix scalj sb'a yet' jun tzo'n̈ chuc chon̈b'al cha. A eb' xb'ab'l 'och smul cha, atn eb' yajl yaj 'a qui calec, xchi eb' 'ayin.

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Mt 23:17

Ax tic caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun oro chi sch'ocoj, mto a jun yatut Dios cha? A jun oro cha, yujn̈ej to a 'a yatut Dios 'aychi, yuj cha, yic Dios yaji.

Lv 21:14

Caw wal matz tac' yi'n win junc 'ix chamnc yichmil, mto junc 'ix ton̈j spojjnac sb'a yet' yichmil, mto junc 'ix 'ajmul 'ix. Palta a wal junc 'ix caw cob'es, junc 'ix yit chon̈b' to sb'a yet'oc, a chi smoj yi'ni,

Lv 21:16

'Ix yaln Jehová 'a Moisés 'ixtic:

Ex 34:16

Man̈ eyac' yi' sb'a eb' eyunnal yet' yisl eb', yujto a yic tzlaj ya'noc 'ejm sb'a eb' 'ix 'a sdiosal cha, yic tzleslwi eb' 'a 'a, ax eb' 'ix tz'a'n yac' 'ejm sb'a eb' eyunnal chi 'a jun tzo'n̈ comn dios cha, sec tzleslwi eb' 'a jun xo.

Lv 19:2

Al 'a eb' et israelal, to an tzwal jun tzo'n̈ checnb'il tic 'a eb': Wach' tzeyutj e b'a, yujto an Jehová in tic, caw wach'nn̈ej.

Lv 20:7

Jun 'ejmn̈ej tzeya'ch e b'a 'a yol in c'ab', wach'n̈j tzeyutj e b'a, yujto an Jehová in, e Diosal in.

Lv 22:16

Toto comn xoj tze chaj c'uxxoc, ax jun mul cha, matz can 'a yib'n̈ eb' tzc'uxn cha, palta to a 'a eyib'n̈ tzcani. A mach tzc'uxn cha, yowlal pax tztojo, yujto scomn c'uxej. An Jehová in, an tzwala, to wic yaj jun tzo'n̈ cha, xchi Dios.