Lv 21:10 - Chuj San Sebastian Bible

¹⁰ A win sat ya'mal 'och sti eb' 'anma', 'ay yopiso win ya'n 'och te pichl ya'ilb'il yaj sb'o'i, yujto 'ac'b'ilq'ue perjuma 'a sjolom yic si'x can 'ochi. Yuj cha, matz tac' scomn 'em tzicn xil sjolom, mto tziljat spichul yic tzch'oxn 'el junc scusc'ojlal.

Chuj San Mateo Bible

¹⁰ A vin̈ sat sacerdote ix ic'jiq'uechaan̈ d'a scal eb' yuc'tac ayic ix ac'jiq'ue aceite d'a sjolom, ayic ix ac'chajoch spichul vin̈ te nivan yelc'ochi, max yal-laj toxon̈ej sb'at tzican xil sjolom vin̈, max yalpaxlaj sn̈ic'anb'at spichul vin̈ yuj sch'oxanel scusc'olal.

Lv 21:10 Referans Kwoze

Lv 16:32

Yuj cha, a yic 'oj cham win sat ya'mal 'och sti eb' 'anma cha, a junc yunnal, a 'oj 'ochx can sjeloc. 'Oj q'ue aceite 'a sjolom, ax ya'n junc xajmb'al yuj yochcn 'a yopiso cha, ax ya'n 'och te pichl lino, te ya'ilb'il yaj sb'o'i.

Mt 26:65

Yic 'ix yab'n win yajl chi jun tzo'n̈ cha, caw 'ix stziljat win spichl scot yowal, 'ix yaln win 'ixtc 'a ewin yit yajlil cha: —A jun winc tic, caw tzb'uchwj 'a Dios, man̈x 'a yopiso eb' testigo yujto tzcab'c sb'uchwj 'a Dios.

Nm 35:25

Ax eb' chon̈b' cha, a eb' tzcoln win tz'och smul chi 'a yol sc'ab' win yican junc tzcham cha. Yowlal tzya'x meltzjoc eb' jun 'ay smul chi 'a jun chon̈b' 'aj tzcol sb'a cha, tzcann̈j ta', masnto tzcham win sat ya'mal 'och sti eb' 'anma sic'b'il can 'och 'a yopiso.

Lv 8:12

Xlajw cha, xya'n pax q'ue Moisés perjuma 'a sjolm Aarón, yuj yochcn ya'malc 'och sti eb' 'anma 'a Dios.

Salmos 133:2

A jun tic lajn wal 'icha sja'l jun perjuma q'uenc 'a sjolm Aarón, win ya'mal 'och qui ti 'a Dios. A yic stob'x q'ue jun perjuma chi 'a sjolom, sb'ey 'emt 'a xil sti', masnto x'eml 'a sjaj te sjucn pichl winac.

Ester 6:12

A yic xlajw yijx b'eyc'oc Mardoqueo chi yu'uj, 'ix 'atx can win 'a spuertail despacho chi jun 'ejm xo. Ax Amán, caw ji'lti xpax 'a yatut, cusc'ojlal yaji, smacn sat yuj q'uixwc'ojlal.

A Ch'an̈ Schab'l Libro Samuel 15:30

Ax David, 'ix yij 'el xan̈ab', sb'a'n sjolom, caw ji'jmtac yoq'ui yic 'ix q'ue 'a lum stzalnil olivo; 'ixta xyutj sch'oxn 'eli to 'ay scusc'ojlal. 'Ixta pax smasnil eb' 'anma ajun yet' cha, 'ix laj sb'ac' eb' sjolom, caw ji'jmtac yoc' eb' yic xq'ue eb' 'a lum tzaln cha.

Lv 13:45

A mach ya'ay yuj lepra cha, yowlal jatquixtac spichl tzya'chi, tz'el pax sc'oxl sjolom, tzmacx sat yic tz'at 'a scal 'anma'. Yowlal tz'el yaw tz'eq'ui. 'Ixtcn̈ej tzyutj yalni: 'Aych yab'il 'ayin, man̈ ex jawc 'a in tz'ey, xchi.

Gn 37:34

Xlajwn̈ej cha, stzilnjat win Jacob spichul, xya'n 'och win jun spichl tzch'oxn 'el scusc'ojlal, caw niwn tiempo x'oc' win yuj schamlil jun yunnal cha.

Job 1:20

Yajn̈ej 'ix q'ue wan win Job, caw xcus win si'mb'il, stzilnjat win spichl yuj scusc'ojlal cha, sjoxn 'el win xil sjolom, 'ix 'em cumn win 'a sat lu'um yic tzyaln sb'a win 'a Dios.

Ex 29:7

Tze'n cot jun perjuma tzc'anxi yic 'ay junc mach tz'ochcn wico'oc, tza secnq'ue 'a sjolm Aarón, sec tz'ochcn yopiso ya'malc 'och sti eb' 'anma 'ayin.

Ez 24:17

Tza c'ultac 'ab'j syail, palta man̈ a ch'oxl a cusc'ojlal chi 'icha tzyac' eb' 'anma yuj mach tzcham 'a 'a. Man̈ e'l sc'oxl a jolom, man̈ e'l a xan̈ab', man̈ a mac a sat yic tza ch'oxn 'el a cusc'ojlal, man̈ a c'ux jun tzo'n̈ tas tzc'uxx yuj cusc'ojlal, xchi 'ayin.

Lv 4:3

Q'uinloc a win sat ya'mal 'och sti eb' 'anma tz'och smul, a smul cha tz'och pax smulc eb' chon̈ab'. Toto 'ixta', yowlal tzyac' win junc no quelm wacx may spaltail xajmb'al-l 'ayn an Jehová in yuj smul cha.

Nm 6:7

wach'xam a smam mto a snun tzchami, mto junc yu'tac, junc yanab', palta matz tac' xon sc'och 'a stz'ey, yujto man̈ wach'c tz'aj yu'uj, yowlal wach'n̈j tzyutj sb'a, yujto wic tz'ajcni.