Lv 19:9 - Chuj San Sebastian Bible

⁹ A yic tze molnchan̈ sat smasnil tas tzeyawej, man̈ si'snioc tzeyutj e si'nchan̈ sat eyawb'en chi tz'elcn 'a sat lu'um. Man̈ e mitz'c sjolm e trigo tzlaj can eyu'uj.

Chuj San Mateo Bible

⁹ Ayic tze molanq'ue sat tas tzeyavej d'a e luum, man̈ pilanoc tzeyutej e molanq'ue d'a stitac, man̈ ex ec' d'an̈an̈ e sic'anq'ue ixim jolom trigo scan eyuuj.

Lv 19:9 Referans Kwoze

Lv 23:22

A yic tzc'och stiempoal e poln e cebada mto e trigo, man̈ e pol 'ixm 'ayc' 'a stitac, man̈ e sic' pax 'ixm schon tzlaj can eyu'uj. A jun tzo'n̈ cha, tzeya'cn yico'oc eb' meb'a', yet' eb' chuc chon̈b'al 'ayc' 'a e cal. An Jehová e Diosal in, an tzwala, xchi Dios.

Rt 2:15

Xlajw cha, 'ix 'atx 'ix si'j sjolm cebada chi jun 'ejm xo. 'Ix yaln win Booz chi 'a eb' smunljum 'ixtic: —Tztac' si'n 'ix 'ixm schon tzcan 'a scal 'ixm syuchn̈al yaj cha, man̈ e tumc 'ix.

Rt 2:2

Ax 'ix Rut cha, 'ix yal 'ix 'a 'ix Noemí 'ixtic: —Tzin tew 'ayach, to tzac' in permiso tzin 'at 'a 'aj wan yoch polj cebada, toq'ue 'ay junc polm cebada tzchaj sc'ojl in si'n chac sjolm quic 'a spatctaquil, xchi 'ix. —'Ixc 'an, xchi 'ix Noemí cha.

Lv 23:10

Al jun tzo'n̈ tic 'a eb' et israelal: A yic tox ex c'och 'a sat lum lum tzwac' eyico'oc, a yic 'oj e polnc e cebada, a jun yuchn̈ 'ixm tze b'ab'l polj cha, tzeyij can 'eli. Ax yic yewial xo yec' sc'ul 'iljelal, tzeyi'n cot 'a win ya'mal 'och sti eb' 'anma', ax win tz'a'n 'och 'ixm ofrendail 'a wojltac, sec wach' chab'il wuj 'ayex.

Lv 23:29

A mach matz 'och 'a c'ajb'c'ojlal 'a jun c'u cha, yowlal tzijx 'el 'a e cal.

Lv 19:8

A mach tzchin no chib'j chi 'a schab'jial, tzcann̈j jun mul chi 'a yib'an̈, yujto comn tzyutj sc'uxn tas to wic yaji. A jun cha, yowlal tz'ijx 'el 'a e cal.

Lv 19:10

An Jehová e Diosal in, an tzwala. Man̈ e mitz'c sat te uva 'awb'il eyu'uj, man̈ e si'chan̈ te sat chi tzlaj 'em 'a yich. 'Actjec can yico'oc eb' meb'a', yet' eb' chuc chon̈b'al.

Rt 2:8

Yuj cha, 'ix yaln win Booz 'ixtc 'a 'ix Rut cha: —Ach 'ix, 'ab' tas tzwala, man̈x ach 'at si'j sjolm cebada tic 'a scal smunljel junc xo mach. Cann̈ej yet' eb' 'ix wa'mal servil tic.