Lv 19:7 - Chuj San Sebastian Bible

⁷ Toto tzc'uxx to jun tzo'n̈ xajmb'al chi 'a schab'jial, caw wal yajb'il xo wu'uj, man̈xtzac in chaj 'ayex.

Chuj San Mateo Bible

⁷ Tato tzato e chi noc' d'a schab'jial chi', chucxo d'a yol in sat, maxtzac in chalaj silab' chi' d'ayex.

Lv 19:7 Referans Kwoze

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Is 65:4

Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.

Is 1:13

Man̈x eyi' cot jun tzo'n̈ eyofrenda cha, yujto man̈x 'a tas tzb'o yu'uj. A incienso tze n̈usu, man̈xtzac schaj in c'ojol. Ax jun tzo'n̈ e q'uin̈ tzlaj e na 'a yic tzpac' 'uj yet' 'a sc'ul 'iljelal, caw tzex tzalj cob' eyamn e b'a 'a jun tzo'n̈ eyamnil cha, palta an xo tic, man̈xtzac ex in nib'j wil yet' e q'uin̈ cha, yujto maysch'olnil tas tze b'o'o.

Lv 22:25

Man̈ e cha jun tzo'n̈ no noc' 'ixta yaj 'a eb' chuc chon̈b'al, yic tzeya'n no xajmb'al-l 'ayin, yujto a jun tzo'n̈ noc' 'ixta yaj cha, man̈ tz'acnoc e no', yuj cha, man̈ chab'ilc e no wu'uj, xchi Dios, xa chi 'a eb', xchi Dios 'a Moisés.

Lv 22:23

Toto ton̈j tz'el 'a e c'ojl eya'n junc xajmb'al, tztac' cab' eya'n junc no man̈ lajnocn̈ej yoc, palta toto xajmb'al yic tzeya'n 'el'choc junc e ti', a jun tzo'n̈ noc' cha, man̈ chab'ilc 'ayex.

Lv 19:6

A no noc' tz'ajx xajmb'al-l 'ayn cha, yowlal tzchix no 'a jun c'u cha. Toto matz lajw no', tztac' to pax schix no 'a junx c'u, palta toto 'ayt no tzcani, man̈xtzac stac' schix no 'a schab'jial, yowlal tz'ajx tz'a no'.

Lv 19:8

A mach tzchin no chib'j chi 'a schab'jial, tzcann̈j jun mul chi 'a yib'an̈, yujto comn tzyutj sc'uxn tas to wic yaji. A jun cha, yowlal tz'ijx 'el 'a e cal.