Lv 19:5 - Chuj San Sebastian Bible

⁵ A yic tzeya'n e xajmb'al yic junc'ojlal 'ayin, tzeyiclj 'icha wal sleyal, sec 'oj in cha 'ayex.

Chuj San Mateo Bible

⁵ Ayic tzeyac'an silab' yic e junc'olal ved'oc, tze c'anab'ajej val icha sleyal, yuj chi' ol in cha d'ayex.

Lv 19:5 Referans Kwoze

Lv 22:29

A yic tzeya'n e xajmb'al yic alj yuj diosal 'ayn an Jehová in, tzeyac' 'ayn 'icha wal yaln ley, sec chab'il no wuj 'ayex.

Lv 7:16

Palta toto a junc xajmb'al cha, tz'ajx yuj ya'n 'el'choc junc mach sti', mto ton̈j tz'el 'a sc'ojl tzyac'a, a jun tzo'n̈ cha, tztac' schix to 'a junx c'u.

Lv 22:19

yowlal a junc no smam tzyac'a. Junc no may spaltail a tzyac'a, sec chab'il 'a 'a. Tztac' ya'n junc no quelm wacax, mto junc quelm calnelu, mto junc no chiwo,

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Ez 46:12

A yic tz'el 'a sc'ojl win yajl chi ya'n junc xajmb'al 'ayn an Jehová in, no xajmb'al tz'a'i, mto no xajmb'al yic junc'ojlal, tztac' sjacx jun puerta 'ay 'a stojlal 'aj tzq'uel c'u chi 'a winac, yic tzya'n win xajmb'al 'icha tzyac' 'a sc'ul 'iljelal. A yic tzlajw ya'n win xajmb'al cha, ata tz'el paxt 'a 'aj tz'och cha, tzlajw cha, tzmacx can pax jun puerta cha.

Ez 46:2

A win yajl cha, ata tz'och win 'a jun puerta 'ay 'a sti 'el 'amc' cha. A yic tz'ochcn win 'a sti jun puerta 'ay 'a stojlal 'aj tzq'uel c'u, tz'och wan lin̈n win 'a stz'ey jun smarcoal jun puerta cha. Ya' sb'a cha, ax eb' ya'mal 'och sti eb' 'anma', wan ya'n tz'a eb' no xajmb'al tzyac' winac yet' pax no yic junc'ojlal, axn cha, tz'em n̈ojnjoc win yal sb'a 'ayn 'a yol sti puerta cha, tzlajw cha, tz'elx 'a 'aj tz'och cha. Ax jun puerta cha, tzjacw cani, at 'a caw yem c'ul xo tzmacchj can paxi.

2 Cr 31:2

Xlajw cha, spojn 'ec' Ezequías eb' ya'mal 'och sti eb' 'anma 'a Dios yet' eb' yit levitail 'a stzolil, sec wach' junjn mach tzyil yopiso. A eb' ya'mal 'och sti eb' 'anma', a eb' x'a'n tz'a no xajmb'al to tz'a smasnil, yet' no xajmb'al yic junc'ojlal. Ax jun tzo'n̈ xo eb' levita cha, a eb' 'ix 'a'n yuj diosal 'a Jehová, 'ix yaln pax eb' wach' paxti 'a 'a, stan̈wni pax eb' spuertail yatut Jehová.

Lv 22:23

Toto ton̈j tz'el 'a e c'ojl eya'n junc xajmb'al, tztac' cab' eya'n junc no man̈ lajnocn̈ej yoc, palta toto xajmb'al yic tzeya'n 'el'choc junc e ti', a jun tzo'n̈ noc' cha, man̈ chab'ilc 'ayex.

Lv 22:21

Tzann̈j mach tzyac' junc xajmb'al yic junc'ojlal 'ayin, yic tzya'n 'el'choc 'ajtil ya'jnac can sti', mto ton̈j tz'el 'a sc'ojl ya'ni, a cab' junc no quelm wacax mto junc no calnelu may spaltail tzyac'a, sec chab'il no 'a 'a.

Ex 24:5

Yajn̈j wal cha, 'ix yaln 'a jun tzo'n̈ eb' quelmtac winac to tzmil cham eb' no quelm wacax, yic tz'och no xajmb'alil, yet' xajmb'al yic junc'ojlal tz'ajx 'a Jehová.

Lv 19:4

An tzwala to man̈ eya'ch e nab'en 'a jun tzo'n̈ yechel, man̈ e b'o chan̈ q'uen q'uen e diosaloc.

Lv 19:6

A no noc' tz'ajx xajmb'al-l 'ayn cha, yowlal tzchix no 'a jun c'u cha. Toto matz lajw no', tztac' to pax schix no 'a junx c'u, palta toto 'ayt no tzcani, man̈xtzac stac' schix no 'a schab'jial, yowlal tz'ajx tz'a no'.

Lv 7:18

A mach tzchin no xajmb'al chi 'a schab'jial, a jun xajmb'al cha, man̈xtzac chaxi, man̈xtzac 'och yopiso. A jun cha, man̈ wach'c tz'ajcn 'a in sat, yuj cha, a mach tzchin jun chib'j cha, tzcan jun mul chi 'a yib'an̈.