Lv 19:30 - Chuj San Sebastian Bible

³⁰ An Jehová in, an tzwala to yowlal tzeyiclj sc'ul 'iljelal. 'Ay cab' yel'ch in cajnub' 'a e sat.

Chuj San Mateo Bible

³⁰ Yovalil tze c'anab'ajej sleyal juntzan̈ sc'ual ic'oj ip to vic yaji. Ayocab' yelc'och in cajnub' d'a yol e sat. A in Jehová in svala'.

Lv 19:30 Referans Kwoze

Lv 26:2

An Jehová in, an tzwala. Yowlal tzeyiclj sc'ul 'iljelal, yujto wic yaj jun c'u cha. Niwn cab' pax yel'ch in cajnub' 'a e sat.

Ec 5:1

A yic tzon̈ c'ochc 'a yatut Dios, yel xo wach' tzqui nitzc 'ochch qui b'a yic tzqui maclniec cab' tas tzalxi, 'a yib'n̈ to tzqui comn ta'wjec junc tas 'icha cob' tzyutj sb'a eb' may snab'en. A eb' cha, matz na eb' toto tu tas tzb'o eb'.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Mt 21:13

'Ix yaln 'ixtc 'a eb': —Yaljnac can Dios 'ixtc 'a Ch'an̈ U'un̈: 'Oj alxoc yuj watut, to yatutal lesl yaji, xchi. Palta ax xo tic, 'icha junc n̈aq'uen 'aj tzc'ub'j 'el sb'a eb' 'elc'um, 'ixta tzeyutej, xchi 'a eb'.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

Lv 16:2

Yuj cha, xyaln 'ixtc 'a Moisés: Al 'a o'tac Aarón, to man̈ comnoc tz'och 'a yol jun cuarto wicn̈ej yaj in ch'ocj 'a yol in cajnub' 'a tzann̈j tiempoal, atn 'a jun lugar 'ay 'a spatquil 'och te cortina. Matz comn c'och 'a stz'ey 'aj 'ay smacl sti te scaxail trato, sec ma'oj chamoc, yujto a 'a scal jun 'asn 'ay 'a yib'n̈ smac te caxa cha, ata 'oj in paxtin yet'oc.

Ex 20:8

Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?

2 Cr 36:14

An̈jtona', a smasnil eb' sat ya'mal 'och sti eb' 'anma 'a Dios, yet' smasnil eb' chon̈ab', caw tzniwtj eb' sb'on maysch'olnil. A wal sb'eyb'al jun tzo'n̈ xo nacion̈ tzb'eylb'ej eb', tzyixtj 'el eb' yatut Jehová, atn jun sic'b'il 'el yuj 'a Jerusalén.

2 Cr 33:7

An̈jtona', sb'on pax 'och jun tzo'n̈ yechl sdiosal chi 'a yol yatut Dios, atn jun n̈a yaljnac Dios yuj 'ixtc 'a David yet' 'a Salomón atn yunnal: A 'a jun n̈a xin si'cn 'el 'a scal smasnil eb' yin̈tl Israel 'a Jerusalén tic, ata 'oj in can cajn 'a jun 'ejmn̈ej.

Lv 15:31

'Ixta tzeyutj eyi'n 'el e b'a ax israel ex tic 'a tas man̈ wach'oc, sec ma'oj e chami, yujto 'ay smay sb'on̈x in cajnub' 'a 'aj 'ayn 'ec' 'a e cal tic, xchi Dios.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.