Lv 19:26 - Chuj San Sebastian Bible

²⁶ Man̈ e chi no chib'j matz 'el schiq'uil. Man̈ e cuy e b'a e nan 'el paxti', mto 'ajchumal.

Chuj San Mateo Bible

²⁶ Man̈ e chi noc' chib'ej to max el schiq'uil. Man̈ eyac'och e b'a e naanel tas tzuji, man̈ eyac'paxoch e b'a d'a ajchumal.

Lv 19:26 Referans Kwoze

A Ch'an̈ Schab'il Libro Yic Yab'ixal Eb' Rey 17:17

An̈jtona', 'ix ya'n eb' tz'a yunnal yet' yisl xajmb'al-l 'a jun tzo'n̈ comn dios cha, scuyn sb'a eb' snan 'el junc paxti', yet' 'ajchumal, 'ix swach' 'a'j 'at sb'a eb' 'a scal maysch'olnil 'a sat Jehová. 'Ixtnta 'ix yutj eb' stzuntzn cot yowl sc'ojl Dios 'a yib'an̈.

2 Cr 33:6

'Ix ya'n pax tz'a yunnal xajmb'al-l 'a lum pan̈n 'a'lic yic Ben-hinom, scuyn sb'a 'a jun tzo'n̈ xo b'eyb'al tic: atn wayjlil, 'ajchumal, b'almil, yet' c'umj spixn eb' chamnac. Caw wal maysch'olnil tas 'ix sb'o 'a sat Jehová, 'ix tzuntzj cot yowl sc'ojl Dios 'a yib'an̈.

A Ch'an̈ Schab'il Libro Yic Yab'ixal Eb' Rey 21:6

Xya'n win tz'a yunnal xajmb'alil, scuyn sb'a win 'a jun tzo'n̈ xo b'eyb'al tic; atn wayjlil, 'ajchumal, tzc'umn win spixn eb' chamnac. Yel xo caw tu 'ix 'el sb'on 'a sat Jehová, caw 'ix tzuntzj cot yowl sc'ojl Dios chi 'a yib'an̈.

Dt 12:23

Matz tac' e chin no chib'j chi yet' schiq'uil, yujto a schic'l no', a chi sq'uinl no yaji. Yuj cha, man̈ e chi no chib'j yet' sq'uinal.

Lv 7:26

Tzann̈j 'ajtil 'ayx 'eq'ui, matz tac' e chin schic'l no noc', yet' yic no ch'ic.

Lv 3:17

Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.

Jeremías 10:2

A tzaln 'ayx 'ixtic: Man̈ e b'eylb'oc sb'eyb'al jun tzo'n̈ xo nacion̈, man̈ ex xiw 'a jun tzo'n̈ tas tzch'ox sb'a 'a satcha'an̈, 'icha tzyutj sb'a jun tzo'n̈ nacion̈ cha.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Dn 2:10

'Ix ta'w eb' 'a win 'ixtic: —Mamin rey, may junc 'anma 'a yolyib'n̈q'uinl tic tztac' snachj 'el yu'uj, tas tza nib'ej. An̈jtona', mant 'a junc rey mto junc caw niwn yel'ch yet' yopiso, tox 'ix c'anb'n junc tas 'icha jun tza c'anb'j 'ayn̈ tic on̈.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.

Ex 8:7

'Ixta 'ix yutj pax eb' tzyal jelnal sb'a chi yet' tas cuyb'il yu'uj, 'ix yij cot eb' no pajtza 'a yol yic Egipto.

Ex 7:11

Yuj cha, 'ix yawtn cot win rey chi ewin jelan, yet' ewin 'ay tas tztac' yu'uj, 'ix sb'on pax ewin yic 'icha xyutj Aarón yic cha.

A Tas Sc'ulejnac Eb' Schecab' Jesús Hechos 15:20

Cojn cab' tzca'c 'at qui carta 'a eb', tzcalnec 'at 'a eb', to man̈xtzac sc'ux eb' jun tzo'n̈ tas tz'ajx xajmb'al-l 'a jun tzo'n̈ tzalx 'och diosal. Man̈xtzac sb'o eb' 'ajmulal, man̈xtzac schi eb' schic'l no noc', man̈xtzac schi eb' no noc' tzjalx tup yic' yujto 'ayt 'och schic'l no'.

Gn 9:4

Palta 'ay jun tas ma'oj e chi', atn no chib'j 'ayt 'och schiq'uil, yujto a schic'l no cha, a 'aych sq'uinloc no'.

Gn 44:5

jun svaso 'aj tzyu'j yal uva, tzc'anlb'an pax 'a yic tznan 'el junc paxti'? Caw wal tu tas tze b'o ax tic, xa chi 'a eb', xchi José cha.

Lv 19:25

Ax pax 'a yol ab'il, eyic xo yaj te sat cha, tztac' e lon sat smasnil te 'awb'ente cha. Toto 'oj eyiclc jun tic, yel xo wal 'oj yac' te sat. An Jehová e Diosal in, an tzwala.

Dt 12:16

Palta a schic'l no', man̈ e chi', tze secl 'a sat lu'um, 'icha tz'aj secx 'el a a'.

Dt 15:23

Palta man̈ e chi no schiq'uil, ton̈j tze secl 'a sat lum 'icha tz'aj secx 'el a a', xchi Moisés.

A Ch'an̈ B'ab'el Libro Samuel 14:32

Yuj cha, 'ix syamn cot eb' tas xyij 'ec' 'a eb' yajc'ojl cha, no calnelu, no wacax, yet' no quelmtac wacax. Xlajw cha, smiln cham eb' no', 'ix schin eb' no smasnil yet' schiq'uil.

A Ch'an̈ B'ab'el Libro Samuel 14:33

Palta 'ay jun tzo'n̈ eb' x'at alnc 'a Saúl 'ixtic: —A eb' chon̈ab', caw tz'och smul eb' 'a Jehová; wan schin eb' no chib'j yet' schiq'uil, xchi eb'. Yuj cha, xyaln Saúl 'ixtic: —Ax tic, caw x'och e mul. 'Ijec cot junc q'uen niwquil q'uen 'a tic.