Lv 19:13 - Chuj San Sebastian Bible

¹³ Man̈ eyixtc eyit 'anma'il, man e comn to'c 'ec' tas 'ay 'a 'a. Man̈ e macch wan stojl eb' e munljum, man̈octo 'a junc xo c'u tzeyac' stojl cha.

Chuj San Mateo Bible

¹³ Man̈ comonoc tzeyixtej eb' eyetanimail, man̈ e toq'uec' tastac ay d'a eb'. Man̈ eyala' to ato q'uic'an tze tup sc'u eb' vin̈ e munlajvum smunlaj ticnaic.

Lv 19:13 Referans Kwoze

Santiago 5:4

A eb' e majn xmunlj 'ayex, 'in ma'ix e toj eb', ton̈j xeyixtj paxti eb'. Yuj cha, tz'awj chan̈ eb' 'a e patic, tzyaln eb' e mul. Ax yaw eb' cha, tzc'och 'a Cajlil 'a satcha'an̈.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Jeremías 22:13

'Oltacch wali, yuj wal a maysch'olnilal, tza b'on chan̈ a despacho, yet' atut to niwc tz'ajb't 'a cha'an̈. Tzac' munljoc eb' 'anma', palta matz a toj sc'u eb'.

Pr 20:10

A 'echtab' man̈ tz'acnoc yet' ch'an̈lum to 'ec'b'al, a chab' tic, caw wal matz chaj sc'ojl Jehová.

Mr 10:19

'In ojc jun tzo'n̈ schecnb'il Dios, 'a 'aj tzyal 'ixtic: Man̈ e b'o 'ajmulal 'a yol sc'ab' eyitb'eym junjn ex, man̈ e mil cham junc eyit 'anma'il, man̈ ex 'elc'woc, man̈ eya'ch 'es 'a yib'n̈ eyit 'anma'il. Man̈ eyixtc paxti eyit 'anma'il, 'ay cab' yel'ch e mam e nun 'a a sat, xchi 'a winac.

Ez 22:29

A eb' 'anma 'a jun chon̈b' cha, cojxn maysch'olnil tzb'o eb', tz'elc'w eb'; tz'ixtx eb' meb'a 'anma yuj eb', yet' eb' 'ay tas sc'a'l tz'och yu'uj, tz'ixtx pax eb' chuc chon̈b'al cajn 'a scal eb'.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Ex 22:21

Man̈ eyixtc eb' 'anma chuc schon̈b' cajn 'a e cal, yujto 'e'nc ex pax cajn 'a scal eb' 'anma man̈ eyit chon̈b'oc 'a Egipto.

Ex 22:15

Palta toto 'ayc' win 'ay yic no cha, yic tzcham no', matz toj win tzmajnan no cha, yujto ton̈j tzmajnj win no', cojn smajnub'l no tzyac' winac.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.

Lc 3:13

—A yic tze tecn 'el stumn eb' 'anma', man̈ ex 'ec' 'a yib'n̈ e c'ultac c'ann 'icha yaln ley, xchi 'a eb'.

Pr 22:22

Man̈ eyixtc eb' meb'a' yujto matz tac' scoln sb'a eb', man̈ eyixtc pax eb' to matz uj scoln sb'a 'a sat eb' yajal,

Job 31:39

Q'uinloc 'ay tas ton̈j in c'uxjnac 'a smunljel junc mach, man̈toc tojb'il wu'uj, toto yixtjnac sb'a jun 'ay yic lum lum chi sb'oni,

Ex 22:13

Q'uinloc a junc no calte'al noc' tzchin no', yowlal tz'at sch'ox jun tztan̈wni no chi jac tas tzcan 'a no 'a mach 'ay yic no cha, sec matz tojx no'.

Mt 20:8

Ax 'a sq'uic'b'alil, xyaln win 'aj munljel chi 'ixtc 'a jun scaporal: 'Awtj cot eb' in majn cha, tza'n stojl eb'. A eb' slajb' xo x'och munljel, a eb' tza b'ab'l 'a'j stojol. Ax eb' xb'ab'l 'ochi, slajb' xo tzac' stojl eb', xchi winac.

1 Ti 5:18

Yujto tzyal 'a Ch'an̈ Un̈ 'ixtic: Man̈ eya'ch spa no wacax, yic tzte'w trigo no', xchi. Tzyaln junx tic: A eb' tzmunlji, 'ay yaln eb' yic schan stojol, xchi spaxti Dios.

Ex 20:15

Man̈ ex 'elc'woc.

Ex 22:7

Q'uinloc 'ay mach tzyac' molxoc stumn yuj junc xo mach, palta ax tz'aji tz'el'x 'elt q'uen 'a yol yatut jun moljnac cha. Toto tz'ilchj jun 'elc'm cha, yowlal cha'ejm tzyutj sjeln jun tumn cha.

Job 17:5

Toto yuj tas tz'ajx 'a junc mach, tzya'n stu nab'enal 'a junc swach'c'ojol, ax yunnal b'aq'uin̈, 'oj yab' eb' syal yuj jun cha.

Pr 3:28

Toto tztac' a colwj xon 'a mu'c tzela, man̈ al 'a jun et 'anmal chi 'ixtic: Paxan̈, at q'ui'n tzwac' 'ayach, man̈ xa chioc.

Ez 18:7

May mach tzcomn 'ixtej, a mach 'ay sb'oc 'a 'a, tzyac' meltzjoc tas 'aycn yuj sb'oc cha. May 'aj tz'och 'elc'al; a eb' tz'och swejel tzyac' tas tzc'ux eb', tzpichn eb' 'anma may spichul.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Lv 25:14

Yuj cha, toto 'ay mach tzchon̈o mto tzman slum 'a junc xo mach, man̈ sna' to yicn̈ej yaj lum 'a jun 'ejmn̈ej.

Lv 25:17

Man̈ e comn to'c 'ec' junc tas 'a junc xo mach, palta to tze ch'oxli to 'ay cab' wel'ch 'a e sat, yujto an Jehová in, e Diosal waji.

Job 7:2

A junc moso cha, comnoc yajn̈ej tzq'uic'b' mu'c 'a snab'en yic tz'ilji, mto 'icha junc munljum caw tznib'j schaj stojl muc'uc.