Lv 18:20 - Chuj San Sebastian Bible

²⁰ May cab' mach tzb'on 'ajmulal yet' yistzil junc xo yit wincal, sec wach' matz 'och smul yuj jun cha.

Chuj San Mateo Bible

²⁰ Malajocab' junoc vin̈ vinac smulan yed' ix yetb'eyum junocxo vinac, man̈ vach'oc scan eb' d'a yichan̈ ley.

Lv 18:20 Referans Kwoze

Lv 20:10

Toto 'ay mach tzb'o 'ajmulal yet' yistzil junc yit wincal, yowlal tzcham jun winc chi yet' 'ix 'ix cha.

Ex 20:14

Man̈ e b'o 'ajmulal 'a yol sc'ab' eyitb'eym junjn ex.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

Dt 5:18

Man̈ e b'o 'ajmulal 'a yol sc'ab' eyitb'eym junjn ex.

Gl 5:19

A eb' tzb'eylb'an stu nab'enal, caw checl yaj tas tzb'o eb'. Tzb'o eb' 'ajmulal, tzb'on eb' jun tzo'n̈ maysch'olnil yet' sniwnal. An̈j wal jun tzo'n̈ tas caw q'uixweltac tzlaj sb'o eb'.

Ro 2:22

Tzeyaln paxi, to matz tac' e b'on 'ajmulal. Palta in tzlaj e b'o 'ajmulal cha. A jun tzo'n̈ tzalx 'och diosal, caw yajb'il eyu'uj. Palta 'in tz'at eyelc' 'elt junc tas 'a yol yatutal 'aj 'ayc' eb' cha.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Pr 6:25

Man̈ a nib'c 'och swach'l yilx 'ix. Man̈ ac' somchjoc a nab'en yuj tas tzach yutj 'ix ach yiln 'ochi.

A Ch'an̈ Schab'l Libro Samuel 11:27

Ax yic 'ix 'ec' scusc'ojlal 'ix cha, 'ix 'at ya'nc win David cot 'ix. 'Ix jaw 'ix 'a yatut win cha, 'ix 'och 'ix yistzilc winac. Xlajw cha, 'ix 'alj jun swinc 'unn 'ix. Palta a jun tas sb'ojnac David cha, caw wal maysch'olnil 'a sat Jehová.

Dt 22:25

Palta toto 'ay junc winc tzb'eyc' 'a 'ajtil may 'anma', ax tz'aji, tz'ilchj junc 'ix 'ix yu'uj, palta 'ayx strato 'ix snupn yet' junc xo winac, tzya'n pural win 'ix smuln yet'oc, toto 'ixta', cojn win winc chi tzchami.

Dt 22:22

Toto 'ay junc winc tz'ilchj eyu'uj, to wan smuln yet' junc 'ix 'ix 'ay yichmil, tojln̈ej scham eb' schawn̈il. 'Ixta wal 'oj 'aj satl jun maysch'olnil chi 'a e cal.

Nm 5:13

mto tox 'ix muln 'ix yet' junc winac, palta matz nachj 'el yuj win yichmil 'ix cha, yujto matz yal 'ix, may pax junc mach x'iln smuln 'ix. Mto 'ay pax junc winc ton̈j tznan chan̈ junc chi 'a spatc yistzil 'a nab'an̈ej, toxn̈ej may smul 'ix tzya'ch 'a yol sc'ab' yichmil cha.

Ez 18:6

Man̈ comnoc tzwa yet' eb' 'anma tz'at wac 'a lum jolmctac witz 'aj 'ay jun tzo'n̈ yechl comn dios yic eb' yit israelal; matz b'o 'ajmulal yet' yistzil yit wincal, man̈ comnoc tz'och 'a eb' 'ix 'ix 'aj stiempoal yel a a'.