Lv 18:17 - Chuj San Sebastian Bible

¹⁷ A junc 'ix 'ix 'ay junc yune' mto yixchicn to wach'xo, toto 'ay mach 'a e cal tz'i'n 'ix yistziloc, matz tac' sb'on win 'ajmulal yet' 'ix schab'l 'isl cha, mto 'ix yixchicn 'ix yistzil win cha. A jun cha caw q'uixwel, yujto junn̈jto eb' 'ix.

Chuj San Mateo Bible

¹⁷ Tato ay junoc vin̈ vinac tz'ic'an junoc ix ix, max yal-laj smulan vin̈ yed' ix yune' ix, to schab'il yisil yaj ix. Max yalpaxlaj smulan vin̈ yed' ix yixchiquin ix, yixchiquin yuj junoc vin̈ yune' ix, ma yuj junoc ix yune' ix. Yelxo val te chuc icha chi', yujto yicn̈ej ix yaj eb' chi'.

Lv 18:17 Referans Kwoze

Lv 20:14

A mach tz'i'n junc 'ix 'ix, tzyi'n pax win snun 'ix, a jun cha, caw wal maysch'olnil. Pitznto win yet' eb' 'ix 'ix cha, tz'ajx tz'a eb' 'a scal c'ac' yoxwn̈il, sec man̈x 'aj 'oj b'inaxc jun b'eyb'al chi 'a e cal.

Am 2:7

Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

Dt 27:23

Catb'tzaxc cab' eb' tzmuln yet' sn̈i', mto yet' yalib', xchi eb' levita. 'Ixta cab' tz'aji, 'oj xchic eb' chon̈ab'.

Lv 18:18

May cab' mach tzmontj snul'j yistzil schab'l 'istziloc, matz tac' yi'n win 'ix, ya' sb'a to pitznto 'ix yistzil win cha, sec wach' may owl 'a scal eb' 'ix.