Lv 16:30 - Chuj San Sebastian Bible

³⁰ yujto a jun c'u cha, sc'ul yajx lajwc e mul yuj e xajmb'al tzeyac' 'a wojltac an Jehová in, sec tz'elcn e mul 'a eyib'an̈.

Chuj San Mateo Bible

³⁰ yujto a jun c'ual chi', sc'ual yac'ji silab' yuj e mul yic vach' stupcanel e mul d'a vichan̈.

Lv 16:30 Referans Kwoze

Jeremías 33:8

'Oj wi'cn 'el smaysch'olnilal eb'. 'Oj wa'cn lajwc smul eb' cha, yet' smasnil stenmtacl eb' 'ayin.

Ef 5:26

yic on̈ yi'nec 'och yico'oc. A yic on̈ 'emc 'a yol a', 'ix 'ijx 'el qui mulc yuj spaxti'.

Salmos 51:2

B'icl in maysch'olnilal, sacb'tzej in 'a scal in mul,

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

Lv 23:27

A 'a lajn̈e yoch yucl 'uj cha, ata 'ay sc'ul yic tz'ajx lajwc mul. Yowlal tzeyam e b'a yic tzex 'och 'emmquilal 'ayin, tzex 'och 'a c'ajb'c'ojlal, tzeya'n tz'a eyofrenda xajmb'al-l 'ayin.

Lv 23:28

May mach tzmunlj xon 'a jun c'u cha, yujto a wal 'a yic jun c'u cha, 'oj 'ajxoc can lajwc e mul 'a in sat an Jehová e Diosal in tic.