Lv 16:29 - Chuj San Sebastian Bible

²⁹ A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

Chuj San Mateo Bible

²⁹ A jun tic ley tz'ajcan d'a e cal d'a masanil tiempo ex israel ex, ma eb' ch'oc chon̈ab'il ayec' d'a e cal. A d'a slajun̈il c'ual d'a yuquil uj, tzex och d'a tzec'ojc'olal, malaj mach smunlaj d'a jun c'ual chi',

Lv 16:29 Referans Kwoze

Is 58:3

Yuj cha, xyaln eb' 'ixtic: Nab'an̈ej tzon̈ cob' 'och 'a c'ajb'c'ojlal 'aych on̈, toc tzela. Nab'an̈ej tzon̈ cob' 'och 'emmquilal 'aych on̈, toc tzach 'och 'il cuj on̈, xchi eb'. Yuj cha tzwaln 'ixtc 'a eb': Yel toni, a yic tzex 'och 'a c'ajb'c'ojlal cha, cojn tas tze nib'j e b'o', a chi tze b'o'o, tzlaj eyixtn eb' eyit 'anmal tzmunlj 'ayex.

Nm 29:7

A 'a slajn̈il c'u yoch yucl 'uj cha, ata tzeyamx e b'a yic tzex 'ochx 'emmquilal. A 'a jun c'u cha, tzex 'och 'a c'ajb'c'ojlal, may pax mach tztac' smunlji.

Dn 10:12

Xlajw cha, xyaln pax 'ayn 'ixtic: Daniel, man̈ ach xiwoc. A Dios 'ix 'ab'n a lesl 'a yic b'ab'l c'u yic a'n 'och a b'a 'emmquilal 'a 'a. Yujn̈ej jun tzo'n̈ a paxti cha, yuj cha, in checx coti.

Is 58:5

A jun tzeyal c'ajb'c'ojlal cha, to tzeya'ch e b'a 'a cusc'ojlal, tz'em pacn e jaj 'icha eb' te 'aj, tzlaj ex 'ec' c'otn yet' e n̈achtac pichl 'a yib'n̈ stan̈il c'ac'. Atn jun chi tzeyal cob' c'ajb'c'ojlal, tzeyaln paxi to chab'il ex wuj yet' jun e nab'en cha.

Salmos 35:13

Palta an xo pax tic, a yic ya'ay eb', tzwa'n 'och in b'a 'a cusc'ojlal yet' 'a c'ajb'c'ojlal yuj eb'. Tzin cusi, caw matz in 'och wan in leslwi yuj eb'.

Lv 23:36

A 'a yol uque c'u cha, tzeyac' tz'a e xajmb'al 'a wojltac, yic tzeyi'n chan̈ in b'i, ax 'a swajxquil c'u, tzex 'ochx 'emmquilal 'a wojltac, tzeya'n tz'a pax e xajmb'al. A jun c'u cha, sc'ul yic tzeyamn e b'a, yuj cha, may junc mach tztac' smunlji.

Lv 23:21

A 'a jun c'u cha, yowlal tzeyam e b'a yic tzex 'och 'emmquilal 'ayin, may pax junc mach tztac' smunlji. A jun tic ley tz'ajcn 'a e cal yet' 'a eb' eyin̈tl b'aq'uin̈, yaln̈ej 'aj 'ayx 'eq'ui.

Ex 20:10

ax 'a yucl c'ual tzex 'ilji, yujto sc'ul 'iljelal. Matz tac' e munlj 'a jun c'u cha, yujto wicn̈ej yaji. Matz tac' smunlj eb' eyunnal, eb' eyisil, ewin e moso, eb' 'ix eya'mal servil, e cajb'en noc', mto eb' 'anma chuc chon̈b'al ton̈j 'ayc' eyet'oc.

A Ch'an̈ Carta D'a Eb' Hebreo 4:10

Yujto a yic tzon̈ 'ochc 'iljoc yuj Dios, tzon̈ 'ilj 'a qui munljel, 'icha yutjnac sb'a yilj 'a smunljel.

1 Co 11:31

Palta toto tzqui b'eyc'ojlej qui b'a junjn on̈ec, toto 'ixta', ax Cajlilec, man̈x yowlalc 'oj on̈ sb'eyc'ojloquec.

Dn 10:3

May jac schib'l wal wach' xin c'uxu, may chib'j xin chi'a, may xon jac yal uva xwuq'uej. May pax perjuma xin succh jac 'ayin, masnto stz'acw 'oxe seman cha.

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Salmos 69:10

A yic tzin 'oq'ui, yic tzin 'och pax 'a c'ajb'c'ojlal, caw tzlaj b'uchwj eb' 'anma 'ayin.

Esdras 3:1

'Ix sb'on pax 'ejm sb'a eb' israel 'a yol schon̈b' jun 'ejm xo, ax 'a yic xtz'acw yucl 'uj, 'ix syamn sb'a smasnil eb' chon̈b' 'a Jerusalén.

A Ch'an̈ B'ab'el Libro Yic Yab'ixal Eb' Rey 8:2

Atn 'a jun q'uin̈ yic yucl 'uj, 'a jun 'uj tzcuch Etanim, ata syam sb'a smasnil eb' winc israel yet' rey Salomón.

Lv 23:3

Waque c'u tzex munlji, ax 'a yucl c'ual, ata tzeyam e b'a yic tzex 'och 'emmquilal 'ayin. Yaln̈ej 'ajtil 'ayx 'eq'ui, may xon junc mach tzmunlji, yujto sc'ul 'iljelal yic tzin eyi'n cha'an̈.

Ex 30:10

A jun yet'l xajmb'al cha, to wicn̈ej yaji. 'A junjn ab'il tzsucn 'och Aarón chic' 'a sch'ac jun yet'l xajmb'al cha, atn schic'l no xajmb'al 'oj a'nc lajwc smasnil mul. 'A junjn ab'il 'oj sb'o eb' jun chi 'a smasnil tiempo, xchi Dios.

Ex 12:16

A 'a yic b'ab'l c'u cha, tzeyam e b'a yic tzex 'och 'emmquilal 'ayin, 'ixta tzeyutj pax 'a yic yucl c'ual. A 'a chab' c'u cha, may xon mach tzmunlji, cojn tas tze c'uxu a tztac' e b'oni.

A Tas Sc'ulejnac Eb' Schecab' Jesús Hechos 27:9

Caw 'ay smay yec' te barco 'a yib'n̈ a', yujto caw x'ec' tiempo, wan sjaw n̈ab'lq'uinal. Ax Pablo, 'ix ya'lj ya'n snab'enoc eb' 'anma cha.

Ex 31:14

A jun c'u cha, niwn cab' yel'ch 'a e sat. A mach matz yiclni jun sc'ul 'iljelal cha, tojln̈ej schami. An̈jtona', toto 'ay mach tzmunlj 'a jun c'u cha, 'ajx cab' 'och 'a yol sc'ab' chamel.

Ex 31:15

A 'a waque c'u tztac' tzex munlji, palta ax 'a yucl c'u tzex 'ilji, yujto an Jehová in, wic yaj jun c'u cha. Tzann̈j mach tzmunlj 'a sc'ul 'iljelal cha, tojln̈ej cab' schami.

Lv 3:17

Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.

A Ch'an̈ B'ab'el Libro Samuel 7:6

Ax yic 'ix syamn sb'a eb' 'a Mizpa cha, 'ix yi'n q'uet eb' a a', xlaj secnc 'ejm eb' 'a yojltac Jehová. 'Ix ya'n 'och sb'a eb' 'a c'ajb'c'ojlal 'a jun c'u cha. Xyaln eb' 'ixtic: 'Ix 'och wal qui mul 'a Jehová, xchi eb'. Ax Samuel, 'ix jucb'tzan eb' yit chon̈b' 'a Mizpa.

Esdras 8:21

Xlajw cha, xwaln 'ixtc 'a eb' wit chon̈b' cha: To tzon̈ 'ochc 'a c'ajb'c'ojlal 'a sti a Ahavá, sec wach' tzquijec 'ejm qui b'a 'a yojltac qui Diosalec. Tzqui c'annec 'a 'a, to tzon̈ yijec b'ey 'a wach' yet' eb' cunnalec yet' smasnil tas 'ay 'ayn̈ec.

Lv 25:9

A 'a lajn̈e yoch yucl 'uj, atn sc'ul yic tz'ajx lajwc mul, ata tzeyutz'j no ch'ac calnelu 'a smasnil yol e chon̈ab'.