Lv 16:20 - Chuj San Sebastian Bible

²⁰ A yic tzlajw sacb'tzan Aarón jun lugar to wicn̈ej yaj in ch'ocoj, yet' Mantiado 'aj tzin chaj in b'a eyet'oc yet' pax jun yet'l xajmb'al, tz'at ya'nc 'ijxoc cot no chiwo pitznto cha.

Chuj San Mateo Bible

²⁰ Slajvi sacb'ican jun lugar Vicn̈ej Yaji, in cajnub' yed' pax altar yuj vin̈, schecan vin̈ ic'joccot noc' mam chiva pitzan chi'.

Lv 16:20 Referans Kwoze

Ez 45:20

An̈jtona', 'ixta pax tz'aj sacb'tzax watut 'a yic uque yoch jun 'uj cha, yuj eb' 'anma man̈ sc'anc sc'ojl tz'och smul, eb' matz yil yoch smul.

Lv 16:16

'Ixta wal 'oj yutc Aarón sacb'tzan jun cuarto wicn̈ej yaj in ch'ocoj, yuj smul mto yuj stenmtacl eb' eyit israelal. An̈jtona', 'ixta pax 'oj yutc sacb'tzan jun Mantiado 'aj tzin chaj in b'a eyet'oc, yujto 'ayc' eyet' 'a scal e maysch'olnilal.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

A Scarta San Pablo D'a Eb' Aj Colosas 1:20

Tznib'j pax Dios, yuj Cristo junxn̈ej 'oj 'aj smasnil tas yet'oc, eb' 'ay 'a satcha'an̈, yet' eb' 'ay 'a yolyib'n̈q'uinl tic. Yuj wal cha, xcham Cristo 'a spenc te culus. 'Ix 'elcn schiq'uil, sec wach' junc'ojlal xoj 'oj 'aj smasnil yet' Dios.

2 Co 5:19

A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

Ro 8:34

Yuj cha, ¿mach junc 'oj stac' ya'n 'och 'a quib'n̈ec? Yujto a Cristo 'ix chami, 'ix 'ajx pitzwc paxi. Ax ticnec 'ayc' 'a swach' c'ab' Dios, wan stew 'a Dios cujec.

Ro 4:25

Atn jun 'ajxnac 'och 'a yol sc'ab' chaml yuj qui mulec. Xlajw cha, xpitzw paxi, sec tzon̈ 'ochc wach'l 'a sat Dios yu'uj.

Lv 8:15

Smiln cham Moisés no', 'ix yi'n 'at jab' schic'l no yet' yune sc'ab', sb'on̈n 'och 'a sch'ac jun yet'l xajmb'al 'aych 'a schicn schan̈il, sec wach' chab'il yuj Dios. Ax jantc to chic' xcani, 'ix seccn 'ejm 'a yich yet'l xajmb'al cha. 'Ixta x'ajcn jun chi yochcn yico'oc Dios, sec wach' tz'ajx can lajwc mul.

Lv 6:30

Palta a junc no xajmb'al tz'ijx cot schic'l 'a yojl Mantiado 'a jun lugar to wicn̈ej yaji, yuj ya'n lajwc mul, a no cha, matz tac' schix no', yowlal tz'ajx tz'a no smasnil.

Lv 16:19

A yet' yune sc'ab' tzicch jun chic' chi uc 'ejm 'a yib'n̈ jun yet'l xajmb'al cha. 'Ixta wal tzyutj sacb'tzan jun yet'l xajmb'al chi yuj e maysch'olnilal ax israel ex tic, yujto wicn̈ej yaj jun cha.

Lv 16:21

Tzya'n q'ue sc'ab' schab'l 'a sjolm no', tzyamn 'och yaln 'ejm smul yet' stenmtacl eb' eyit israelal 'a yib'n̈ no'. 'Ixta tzyutj ya'n can 'och jun tzo'n̈ mul chi 'a yib'n̈ no', sic'b'ilx cab' pax junc winc tz'at 'a'noc can no 'a lum cusltac lum 'a najat.